Diyuturunumiyu 33:28 - Hanunuu

²⁸ Nakan ti Israil mangulian arayu sa kadamhakan, sa daga abunda sa ani hanggan irinmun ubas, ag nu naan ti tun-ug ginan sa langit imaw ti magpakaun danum sa daga.

Diyuturunumiyu 33:28 Iomraidhean Croise

Gimpuunan 27:28

Mana pakan-an kawu Diyus abunda sa ani pag daga pirmi may tun-ug papalad niya, hampay abunda kawu sa karan-unun hanggan irinmun ubas.

Gimpuunan 27:37

Sinmagut si Isaak, “Binwat yi niku siya kanmu amu ag binwat diman niku suruguun niya ti tanan niya katawuhan. Ipinakaun yi niku sa kanya ti abunda pag karan-unun ag irinmun ubas. Nakan hintay waya anak ti miayaw niku sa kanmu?”

Gimpuunan 27:39

Magkun si Isaak sa kanya, “Unman pumatubas abunda kanmu ulian pag daga, ag pirmi inda unman may tun-ug papalad Diyus.

1 Hari 5:5

Nakan mag-isip aku manpatindug yi Balay Diyus para sa kadayawan Panginuun niku Diyus, angay sa sinabi Panginuun sa kang ama sa kan Dabid. Inda kay sinabi sa kan Dabid: ‘Kanmu anak kang ipaublus sa kanmu bilang hari imaw ti mamatindug Balay Diyus para sa kangku.’

Kanta 68:26

Magringgit sida, “Dayawa niyu ti Diyus sa kanyu manga pagtiripun! Dayawa niyu ti Panginuun, kamu pag manga linahi ni Israil!”

Pag-ighit 33:16

Dahil kabitay maalaman iba kuntay magbaya kawu sa kangku hanggan sa kanmu nasakupan nu balaw kami kanmu ibahan? Kabitay duy nida maalaman kuntay nituhay kami pag manga nasakupan sa iba pag manga nasakupan sa kalibutan.”

Kabagawan 19:12

Ti pangagalit hari parihu sa ngurub liyun, dapat kay kaayadan parihu sa tun-ug magpakaun danum sa manga halaman.

Isayas 48:1

“Pagpatingi kamu, manga linahi ni Hakub, pag-ingarnan Israil, ginan sa sinulput ni Huda. Magsumpa kamu sa ngaran Yawi, ti Panginuun, bag-u magtawag sa Diyus Israil. Dapat magpabalhinguun lang maaw, dahil balaw diman matadlung kanyu pangabuhi.

Hirimyas 23:6

Inda pag ngaran ti iingaran sa kanya: ‘Ti Panginuun Kanta Katadlungan.’ Sa tunda pag udas maribri ti Huda ag magkaimaw kahusayan sa Israil.

Hirimyas 33:16

Ag tida diman pag udas maribri ti manga taga Huda, ag mangabuhi yi may kahusayan ti manga taga Hirusalim. Ti Hirusalim ingarnan, ‘Ti Panginuun Kanta Katadlungan.’ ”

Hirimyas 49:31

Aku, ti Panginuun, ti nagsugu sa kanda kuntay, ‘Giraha niyu ti usa ka nasyun magkabuhi may kahusayan ag abunda. Unman may agad kanda manga puwirtahan banwa ag magkabuhi sida-sida lang.

Isikil 34:25

“Mamwat aku kasunduan sa kanda kuntay mumayad kanda kahamtangan. Palayasun niku ti maisug pag manga hayup sa kanda daga hampay makaulian sida sa pangawakawaan ag makaturug sa katalunan ribri sa kadilikaduhan.

Sakaryas 8:12

Makapananum kamu may kahusayan. Mamurakan ti manga ubas, manpatubas ti daga, ag magkaimaw maan tun-ug. Ipakaun niku inda tanan sa kanyu sa manga nasawad, ag pihu matanggap niyu inda.

Bilang 23:9

Pagka ati aku sa katayungtungan tagudtud, nakitan niku sida. Magkabuhi diman sida una sida-sida lang, mablagan sa iba ka manga nasyun.

Diyuturunumiyu 11:11

Dapat ti maapu niyu pag daga may manga bantud ag manga ratag pirmi magkauranan.

Diyuturunumiyu 12:10

Nu makadipay yi kamu sa Hurdan ag mag-uli sa daga pag-ipakaun Panginuun niyu Diyus sa kanyu bilang mana niyu, mangabuhi kamu may kahusayan dahil balaw pahintulutan Panginuun balagun kamu niyu manga kalaban sa kanyu kalibut.

Diyuturunumiyu 32:2

Kang manga tudlu pumadna parihu sa uran ag tun-ug. Kang manga bagaw parihu sa anitay sa manga ilamnun ngatay tun-ug sa manga tanum.

Diyuturunumiyu 32:8

Pagka pinakan-an Kaabwat-abwatan pag Diyus daga ti manga nasyun bag-u pagka tinunga-tunga niya ti manga nasakupan, pinaulian niya sida tab-anan angay sa kayamuun manga anghil Diyus.

Diyuturunumiyu 33:12

Magkun si Muysis tungkul sa lahi ni Binhamin, “Pagmahalun Panginuun ti lahi ni Binhamin, ag pag-ipakarayu niya sida sa kadautan ag pag-alagaan sa buu sirang.”

Diyuturunumiyu 33:13

Magkun si Muysis tungkul sa lahi ni Husi, “Papaladan Panginuun kanda daga ag pirmi padarahan uran ag danum ginan sa basad daga.

Ipinakakit 21:27

Dapat unman may makasulud ati una hintay pag manga bagay mayagting sa kay magbantay Diyus, una hintay tigbuwat kahalayan, una ti manga magpudil unman gid sumulud. Tunda lang pag manga tawu ti makasulud ati ti nakasurat kanda manga ngaran sa ribru kabuhian. Anak Karanidu kay apu tunda pag ribru.