Diyuturunumiyu 33:27 - Hanunuu

²⁷ Ti unman may katapusan pag Diyus imaw ti kanyu darangpan; pag-alagaan niya kamu sa kay unman may katapusan pag kamaskihan. Ipatabug niya sa kanyu ti manga kalaban niyu, bag-u isugu niya sa kanyu padamhakan sida.

Diyuturunumiyu 33:27 Iomraidhean Croise

Gimpuunan 49:24

dapat pirmi diman nimu sida panaun. Ag kanmu takyay parargu di gid mabaskug, dahil sa awat Diyus Makamaskihan, ti manug-alaga ag darangpan pag batu Israil.

Kanta 102:24

Nakan magkun aku, “Diyus niku magkabuhi balaw may katugkaan, danga dapu pagbul-a kang buhi balaw waya aku gurangun.

Kanta 139:5

Pirmi kawu kang kaibahan, ag pag-alagaan aku nimu kamaskihan.

Kanta 18:2

Panginuun, kawu kang palalan-iban pag batu, kang matibay pag paratag-an ag manugribri. Bilang palalan-iban pag batu, makapatagu aku sa kanmu. Kawu kang panangga, makamaskihan pag manugribri, ag darangpan.

Kanta 27:5

Dahil sa udas kaguluhan itagu niya aku ag alagaan sa kay Balay. Ipauli niya aku sa abwat pag batu, sa rugar nu naan ribri aku sa kaguluhan.

Kanta 36:7

Diyus, masyadu mahalaga kanmu pagmahal. Pag-alagaan nimu ti manga tawu parihu sa pag-alaga manuk sa kay manga butu sa sirung niya pakpak.

Kanta 46:1

Ti Diyus imaw ti mag-alaga ag magpakaun sa kanta kabisugan. Alistu gid siya pirmi mag-awat sa udas kakurian.

Kanta 46:11

Ti Panginuun Makamaskihan kaibahan nita. Ti Diyus ni Hakub imaw kanta darangpan.

Kanta 46:7

Ti Panginuun Makamaskihan kaibahan nita. Ti Diyus ni Hakub imaw kanta darangpan.

Kanta 48:3

Asan ti Diyus sa marig-un pag manga bahagi sa Hirusalim ag naipakakit yi niya sa manga mag-uli siyun siya kanda darangpan.

Kanta 55:19

Ti Diyus maghari sa unman may katapusan manpatingi sa kangku ag ipaababa niya kang manga kalaban. Inda sida unman may pagbag-u ag unman maggalang sa Diyus.

Kanta 68:34

Ipabantug niyu ti pagkamakamaskihan Diyus maghari sa Israil. Ti kalangitan magpaburayhaw kay pagkamakamaskihan.

Kanta 71:3

Kawu kang palalan-iban pag batu; sa kanmu aku pirmi magdangup. Isinugu nimu kuntay ribrihan aku, dahil kawu kang palalan-iban pag batu ag matibay pag panangga.

Kanta 91:15

Nu mandangup siya sa kangku, sagtun niku siya; nu udas may kakurian, ibahan niku siya; iribri niku siya ag pakan-an kadayawan.

Kanta 91:9

Dahil binwat nimu darangpan ti Panginuun, ti Kaabwat-abwatan pag Diyus, imaw ti manug-alaga,

Pag-ighit 23:28

Mamadara aku putyukan manug-una sa kanyu, ag tabugun nida ti manga Hibiyu, Kananiyu ag Hitiyu.

Pag-ighit 34:11

Tupada kang pag-isugu sa kanmu kainda pag sirang. Palayasun niku ti manga Amuriyu, Hitiyu, Pirisiyu, Hibiyu ag manga Hibusiyu ginan sa itinaratu niku pag daga sa kanyu.

Kabagawan 10:25

Nu rumas-ug sa buhi ti pagsubuk parihu sa bagyu, maparaw ti daut pag tawu, dapat ti matadlung pag tawu rargu di kay karig-unan.

Kabagawan 18:10

Ti Panginuun parihu sa marig-un pag bantayaw, darangpan manga matadlung sa udas kakurian.

Kanta ni Sulumun 2:6

Kay wala pag kamang kang pagsangdayanan, ag kay sikun mahagkungan sa kangku.

Isayas 25:4

Kawu ti darangpan manga pugri hanggan manga magpangailangan sa udas kakurian. Kawu ti darangpan sa udas may bagyu hanggan tig-irinit. Dahil ti paggira manga mahigpit pag tawu ga bagyu maghampak sa alad batu,

Isayas 26:4

Pagsarig kamu pirmi sa Panginuun, dahil siya kanta palalan-iban pag batu hanggan aban.

Isayas 32:2

Ti kada usa sa kanda parihu sa palalan-iban sa mabisug pag durus ag bagyu. Parihu diman sida sa sapa magbulus sa tigangan pag daga, hanggan sa hamuy daka pag batu sa mainit ag sa mamara pag daga.

Isayas 57:15

Inda waya ti pagsabihun Kaabwat-abwatan pag Diyus, ti Banal pag Diyus buhi hanggan aban: “Mag-uli aku sa abwat ag banal pag rugar, dapat mag-uli diman aku kaibahan manga tawu mapinakumbabaun ag mapinatawadun, hampay sida kang pabisugun.

Isayas 9:6

Ianak ti usa ka anak lalaki imaw ti humari sa kanmi. Ingarnan siya “Makadululaw pag Manugpaanyu, Makamaskihan pag Diyus, Unman may Katapusan pag Ama, ag Takinan Kahusayan.”

Hirimyas 10:10

Dapat ti Panginuun imaw ti tutuu pag Diyus. Siya ti buhi pag Diyus ag Hari unman may katapusan. Nu magkagalit siya magkatandug ti kalibutan, unman may nasyun makapadugay sa masyadu gid pag galit niya.

Hirimyas 50:21

Magkun waya ti Panginuun, “Giraha niyu ti Mirataim ag ti Pikud. Matyun niyu sida ag rurisun yi lubus bilang handug para sa kangku. Buwata niyu ti tanan pag-isugu niku sa kanyu.

Husyas 11:3

Aku ti nag-alaga sa kanda. Inabat niku sida ag tinudluan maglakaw, dapat unman nida kinilala aku ti nag-alaga sa kanda.

Mikas 5:1

Manga taga Hirusalim, alistuhan niyu kanyu manga sundalu, dahil nasangputan yi kamu manga kalaban. Bakulun nida sugkud ti uyahun takinan Israil.

Mikas 5:2

Magkun ti Panginuun, “Bitlihim Iprata, una usa kawu sa pinakadiit pag banwa Huda, ginan sa kanmu pag tawu ti sumirbi sa kangku bilang takinan sa Israil. Kay manga kaumputan bantug kaybi sa un-an pag panahun.”

Habakuk 1:12

Magkun si Habakuk, “Panginuun, kawu ti Diyus ginan sa kabag-u. Kawu kang banal pag Diyus ag unman kawu may kamatayan. Panginuun, palalan-iban pag batu, pinili nimu ti manga taga Babilunya hampay pumarusa sa kanmi.

Lukas 13:34

“Hirusalim, Hirusalim, pagpanmatyun nimu ti manga purupita, pagbatuhun pagmatyun nimu ti manga sinugu Diyus tag sa kanmu. Kapira yi ginan kang hinanap ti manga mag-uli asan hampay kang tipunun parihu ga inaan manuk mag-ukub sa kay butu, dapat dayu di ngap kamu.

Ruma 16:20

Diyus di ti magpakaun kahusayan. Dayi dumugay taluhun yi lubus niya si Satanas ga ipauli lang sa sirung niyu raprapa. Pagsa kanyu ti papalad nita Panginuun Hisu-Kiristu.

Ruma 8:2

Udyi kita sakup sa kapangyarihan kasalanan hanggan kamatayan, dahil ti kapangyarihan Ispiritu ti nagparibri sa kanta, imaw diman ti magpakaun buhi. Inda pag kaayadan matanggap nita dahil lang sa kanta pakiusa sa kan Kiristu Hisus.

Diyuturunumiyu 7:2

Bag-u nu ipabahala yi sida Panginuun niyu Diyus sa kanyu ag natalu niyu sida, rurisa niyu sida lubus bilang handug sa Panginuun. Danga kamu magbuwat kasunduan ngatay magpakakit pangaawa sa kanda.

Pilipus 3:9

ag hampay aku lubus magpakiusa sa kanya. Udyi aku pagkilalan-un Diyus kuntay aku matadlung dahil lang sa kang magtupad sa Kasuguan ni Muysis. Pagkilalan-un aku Diyus kuntay matadlung dahil aku magsarig sa kan Kiristu. Inda pag katadlungan ginan ngani sa Diyus dahil sa kang pagsarig.

1 Timutiyu 1:17

Taynguna ti kadayawan hanggan kapangyarihan pagsa kanya, sa usa-usa ka Diyus, sa Hari ud may pinag-umpisahan, unman may katapusan, unman may kamatayan ag unman mag-akitan sa mata. Amin.

Hibriyu 9:14

Lalu gid waya daka kay namhan dahil sa dugu ni Kiristu. Dahil sa kamaskihan Ispiritu unman may katapusan ipinakaun niya kay sadili sa Diyus unman may huput kasalanan. Kay dugu ni Kiristu tiglumpiyu sa kanta tagipusuun hanggan naisipan sa manga buwat unman may kabuluhan hampay kita magsirbi sa Diyus buhi.

Huswi 24:18

Ag ipinatabug niya sa kanta ti manga Amuriyu ag ti iba waya pag manga nasyun mag-uli sitay. Nakan manirbi diman kami sa Panginuun, dahil siya kanmi Diyus.”

1 Pidru 1:5

Sinmarig kamu, nakan kay kamaskihan Diyus tig-ingat sa kanyu hanggan sa udwaya matanggap niyu ti karibrihan kay itinigana Diyus hampay ipaburayhaw nu katapusan yi panahun aban.

Hudas 1:24

Diyus lang ti makaingat sa kanyu hampay kamu balaw malagpak sa kasalanan. Mipaatubang diman niya kamu tabug sa kay kadayawan unman yi may daut kamu una di, nu ud lubus yi ngap sa kabayaan.

Ipinakakit 20:10

Bag-u ti diyablu ti nagdaya sa kanda iyinmut tag sa malabdaban danaw apuy asupri. Ati diman pag iyinmut ti hayup malangas hanggan ti pudilun pag purupita. Mirinsan sida pakurian sirang yabi hanggan waya aban unman may katapusan.

1 Samwil 15:29

Ti Makamaskihan pag Diyus Israil unman magpudil ag balaw ga tawu pabag-u bag-u isip.”