Diyuturunumiyu 33:16 - Hanunuu

¹⁶ Mana umani pinakamayad pag manga ani kanda daga dahil sa kaayadan Diyus, ti nagbagaw sa kanda ginan sa maglabdaban ababa pag puun kayu. Mana inda pag manga papalad pumirmaminti sa lahi ni Husi dahil higit man siya sa kay manga patar-ari.

Diyuturunumiyu 33:16 Iomraidhean Croise

Gimpuunan 37:28

Nakan igu nanlawuy ti manga manugnigusyu Ismailita, kanda manga linahi Midyanita, bin-ul nida si Husi ginan sa bubun ag ipinabili nida sa halaga 20 ka bilug pilak. Bag-u dinara si Husi manga Ismailita sa Ihiptu.

Gimpuunan 37:36

Ati sa Ihiptu, ipinabili manga Midyanita si Husi sa kan Putipar usa sa manga takinan hari Ihiptu. Kapitan siya manga guwardiya sa balay hari.

Gimpuunan 37:8

Magkun kay manga patar-ari, “Hintay duy? Humari aw kawu ag manpangulu sa kanmi?” Nakan lalu waya gid sida nagalit sa kan Husi.

Gimpuunan 43:32

Nangaun usa-usa si Husi, masamanan sa kay manga patar-ari, ag masamanan diman sa manga Ihipsiyu magyabas ati. Dahil ti manga Ihipsiyu balaw magkaun kasaru ti manga Hibriyu, dahil makakaray-a tunda sa kanda.

Gimpuunan 49:26

Mayamu aku papalad, subra waya sa kaabundahan kaybi manga sinauna pag kabantudan. Mana matanggap nimu inda pag manga papalad, Husi — kawu ti mas higit kaysa kanmu manga patar-ari.

Kanta 24:1

Ti buu kalibutan hanggan ti tanan atay Panginuun ti may apu.

Kanta 50:12

Nu lun-usun aku balaw niku kamu hagadan karan-unun, dahil kangku ti kalibutan ag ti tanan asan.

Kanta 89:11

Kanmu ti langit ag ti kalibutan; linalang nimu ti kalibutan ag ti tanan asan.

Pag-ighit 2:2

Namuduy ti babayi ag nanganak usa ka lalaki. Pagka nakitan niya makurasug ti lapsag, itinagu niya tunda sa sulud tulu ka bulan.

Hirimyas 8:16

Ti ham-us kabayu manga kalaban mag-adnugan ginan sa Dan. Sa harihi di waya kabayu nida, pagtakigan yi ti buu daga. Rinmas-ug sida hampay wayakun inda pag daga hanggan ti tanan atay — ti manga banwa ag ti tanan manga mag-uli sitay.’ ”

Bilang 26:28

Kay manga lahi ni Husi ginan sa duwa niya ka anak si Manasis ag si Ipraim.

Markus 12:26

Tungkul bay sa pagkabuhi uman manga namatay, unman aw magkabasa niyu sa ribru ni Muysis tungkul sa kayu minaktan apuy. Ati kabay nagsabi ti Diyus sa kanya magkun, ‘Aku ti Diyus ni Abraham, Diyus ni Isaak, Diyus ni Hakub.’

Lukas 2:14

“Dayawun nita ti Diyus sa langit. Sa babaw daga may kahusayan yi sa manga tawu kay pagbayaun Diyus.”

Binwat 7:35

Sigi waya kay paliwanag ni Istiban sa Katipunan manga Pinunu magkun, “Sa kabag-u dinayu manga Israilita si Muysis magkun kabay sida, ‘Si unu lugud ti may pakaun katungkulan sa kanmu hampay magpangulu ag maghusay sa kanmi?’ Dapat pagka napakakit sa kan Muysis ti anghil ati sa ababa pag kayu, nagpadakit siya sa kan Muysis kuntay siya yi ngap pag tawu ti pinatukahan Diyus manugpangulu hanggan manugbawi.

1 Kurintu 10:26

Dahil inda pag daga kasiyunan Panginuun hanggan tanan-tanan bagay sitay sa babaw daga kanya diman.

1 Kurintu 10:28

Dapat nu may magsabi sa kanyu, “Inda pag karan-unun ihinandug sa diyus-diyusan,” danga maggaraw duy magkaun, barang ngap patalangun nita ti nagban-aw, hampay balaw maghantup bagay kasalanan.

Hibriyu 7:26

Si Hisus imaw gid ti pangulu manughandug kanta kailangan. Banal siya, unman gid may kasalanan, unman may huput una di ga buhuk, apinablag siya ginan sa manga makasalanan, ag binwat siya mataas man sa langit.