Diyuturunumiyu 33:11 - Hanunuu

¹¹ Panginuun, papaladan nimu sida, ag mana magbaya kawu sa tanan nida pagbuwatun. Padamhakan kanda manga kalaban hampay balaw yi makabangun uman.”

Diyuturunumiyu 33:11 Iomraidhean Croise

2 Samwil 24:23

Mahal Hari, pag-ipakaun niku inda tanan sa kanmu, ag mana tanggapun Panginuun nimu Diyus kanmu handug.”

Kanta 20:3

Mana tanggapun niya kanmu manga handug, hanggan yi kanmu handug surunugun.

Isayas 29:21

hanggan ti tanan manga magbangdan balaw may tutuu sa kaparihu, ti manga marapudil hampay lang papaniwalaun nida ti manga manughusay, hanggan ti pudilun pag kastigus hampay balaw mapakan-an katadlungan ti manga unman may kasalanan.

Hirimyas 15:10

Kaawaawa gid aku! Mana balaw yi aku ilinusad niku ina. Pirmi aku pag kalabanun sa buu Huda. Unman aku may utang una sa kantapu, unman diman aku magpautang, dapat pagsaadan aku nida tanan.

Hirimyas 17:18

Padalaun duy nimu ag pakay-ahun ti manga mag-unuunu sa kangku. Dapat ay danga nimu inda buwatun sa kangku. Padarahi duy nimu sida kadamhakan hampay maruris sida lubus.

Isikil 43:27

Ginan sa ikawalu pag sirang, manhandug yi sa harandugan ti manga manughandug kanyu manga handug pagsunugun hanggan manga handug para sa mayad pag pakiusa. Bag-u tanggapun niku kamu. Aku, ti Panginuun Diyus, ti magbagaw inda.”

Amus 5:10

Kamu pag manga taga Israil, pag-ikagalit niyu ti magsintinsiya tama hanggan sa magtultul tutuu sa hurusayan.

Lukas 10:16

Sinabi ni Hisus sa kay manga tuludluan magkun, “Ti magpatingi sa kanyu, magpatingi diman waydi sa kangku. Ti magdayu sa kanyu, magdayu diman waydi sa kangku. Ti magdayu sa kangku, magdayu diman waydi sa nagsugu sa kangku.”

Diyuturunumiyu 33:10

Itudlu nida sa manga Israilita kanmu manga sugu hanggan surundanun, bag-u manhandug sida manga kamangyan hanggan manga handug pagsunugun sa kanmu harandugan.

Diyuturunumiyu 33:12

Magkun si Muysis tungkul sa lahi ni Binhamin, “Pagmahalun Panginuun ti lahi ni Binhamin, ag pag-ipakarayu niya sida sa kadautan ag pag-alagaan sa buu sirang.”

1 Tisalunika 4:8

Nakan nu may tawu magpasipala sa inda pag manga paanyu, balaw tawu kay pag-ipasipala nu unman ti Diyus, imaw ti namakaun kay Ispiritu Banal sa kanyu.