Diyuturunumiyu 32:7 - Hanunuu

⁷ Alalahana niyu ti nakalawuy pag manga timpu; isip-isipa niyu ti manga nakalawuy pag sinulput-lahi. Paingan-a niyu kanyu manga ginurang nu hintay ti manga nangyari dahil itultul nida inda sa kanyu. Paingan-a niyu kanyu manga manugpamahala dahil itultul nida inda sa kanyu.

Diyuturunumiyu 32:7 Iomraidhean Croise

Kanta 10:6

Mag-isip sida balaw gid sida maampara, nu unman pirmi sida masulung ag unman may daut mangyari sa kanda.

Kanta 119:52

Panginuun, pag-alalahanun niku kanmu manga sugu dugay yi nimu pag ipinakaun, dahil magpakaun inda sa kangku kabayaan.

Kanta 44:1

Diyus, nasaydan nimi ti itinultul nimi manga ginurang tungkul sa kanmu manga binwat sa kanda kaudasan, kaybi waya pag timpu.

Kanta 44:2

Pinaighit nimu ti manga tawu balaw magsunud sa kanmu ag kanmi manga ginurang imaw ti ipinatahan nimu sa kanda manga rugar. Pinakurianan nimu tunda pag manga tawu dapat pinaabunda nimu kanmi manga ginurang.

Kanta 77:8

Nadura yi gid aw lugud kay pagmahal sa kangku? Balaw yi gid aw lugud niya tupadun kay taratu?

Kanta 78:5

Pinakan-an niya kasuguan ti nasakupan Israil, ti manga linahi ni Hakub. Binilinan niya kanta manga ginurang kuntay tudluan inda sa kanda manga anak,

Pag-ighit 12:26

Nu mamaingana kanyu manga anak kuntay hintay kay ibug sabihun inda pag patayak layi,

Pag-ighit 13:14

“Aban nu paingan-un kamu niyu manga anak nu hayga niyu inda pagbuwatun, sabihun niyu sa kanda, ‘Sa panab-anan kamaskihan Panginuun, ipinalwas niya kami ginan sa Ihiptu nu naan kami pag binwat panawuhun.

Isayas 46:9

Alalahana niyu kang manga binuwat kaybi sa un-an pag udas. Aku lang ti Diyus, udyi may iba pumarihu sa kangku.

Isayas 63:11

Dapat sa uryan naala-ala nida ti manga nakalawuy pag panahun, katpung ipinalwas ni Muysis kay manga nasakupan sa Ihiptu. Nagpaingana sida, “Naan yi ti Panginuun, ti nagpadipay sa kanta sa dagat kaibahan kanta takinan si Muysis parihu sa usa ka manug-alaga manga karanidu? Naan yi ti Panginuun nagpadara sa kanta kay Ispiritu Banal?

Diyuturunumiyu 4:32

“Isipun niyu ti manga nangyari ginan sa sirang binuwat Diyus ti tawu sa kalibutan tugka taynguna. Bag-u usisaa niyu ti buu kalibutan nu may makitan kamu makadululaw pag bagay parihu sa kanyu nalakawan.

Diyuturunumiyu 8:2

Isipa niyu nu kabitay kamu inibahan Panginuun niyu Diyus sa kanyu maglakaw sa pangawakawaan sa sulud upatpulu ka timpu. Binwat niya inda hampay kamu pumakumbaba ag sinubukan kamu hampay maalaman nu hintay gid ti basad niyu tagipusuun, nu tupadun niyu kay manga sugu ngatay unman.

Talaghusay 6:13

Nagsagut si Gidyun, “Nu kaibahan nimi ti Panginuun, hayga unman siya magbuwat manga makadululaw parihu sa kay binwat kaybi pagka ipinalwas niya sa Ihiptu kanmi manga ginurang, angay sa kanda sinabi sa kanmi? Dapat taynguna pinabay-anan yi kami Panginuun ag ipinahintulut sa manga Midyanita.”