Diyuturunumiyu 32:6 - Hanunuu

⁶ Kainda aw kanyu ibalus sa Panginuun? Manga paung-paung gid kamu ag kurang sa intindi. Balaw aw lugud siya kanyu Ama, ti naglalang sa kanyu?

Diyuturunumiyu 32:6 Iomraidhean Croise

2 Samwil 7:24

Binwat nimu ti manga Israilita kanmu nasakupan sa unman may katapusan, ag kawu, ti Panginuun, kanda yi ngap Diyus.

Hub 10:8

“ ‘Kawu ti nagbuwat ag naghistuda sa kangku, bag-u kainda pag ipadamhak nimu aku.

Kanta 100:3

Kilalan-un niyu ti Panginuun imaw ti Diyus! Siya ti naglalang sa kanta ag kanya kita. Nasakupan niya kita kay pag-alagaan parihu sa manga karanidu.

Kanta 116:12

Unu lugud ti maibalus niku sa Panginuun sa tanan niya pag kaayadan sa kangku?

Kanta 149:2

Pagbaya ti manga taga Israil dahil sa kanda Manuglalang. Pagbaya ti nasakupan Siun dahil sa kanda Hari.

Kanta 74:18

Alalahana, Panginuun, nu kabitay kawu pinakay-a ag pinuyaan manga unman may intindi pag manga kalaban.

Kanta 74:2

Diyus, alalahana kanmu nasakupan pinili nimu sa kabag-u bumaliw kanmu ag irinibri nimu hampay kanmu apuun. Alalahana ti Bantud Siun kanmu ulian.

Kanta 95:6

Abala kamu, manluhud kita mansamba sa Panginuun ti naglalang sa kanta.

Pag-ighit 15:16

Tutuu, dalaun gid sida. Sa panab-anan nimu bantug pag kamaskihan, bumaliw sida ga batu unman makatandug, tugka sa makalawuy kanmu irinibri pag nasakupan, Panginuun.

Pag-ighit 4:22

Bag-u sabihun nimu sa kanya, ‘Inda ti pagsabihun Panginuun: Pagbaliwun niku ti Israil kang anak lalaki panganay,

Isayas 1:2

Patingihi niyu langit ag daga, dahil magkun ti Panginuun, “Inalagaan niku ag pinadaka ti manga Israilita kang manga anak, dapat naglaban sida sa kangku.

Isayas 27:11

Pagka nabari ag nalayung ti manga sanga, tinipun inda manga babayi ag binwat pamagba. Dahil sa unman may intindi inda pag manga tawu. Balaw sida kaawaan Diyus imaw ti naglalang sa kanda.

Isayas 43:1

Dapat taynguna inda ti pagsabihun Panginuun ti naglalang sa kanmu, Ungud Israil: “Danga kawu magkadala dahil iribri niku kawu. Tinawag niku kawu sa kanmu ngaran, dahil kangku kawu.

Isayas 43:7

Sida pag manga tawu kang tinawag. Linalang niku sida para sa kang kadayawan.”

Isayas 44:2

Aku, ti Panginuun, ti naglalang hanggan ti mag-awat sa kanmu. Danga kawu magkadala, Hakub, kawu kang manugsirbi, Israil, hanggan kang pinili.

Isayas 63:16

Dahil kawu kanmi Ama, una unman kami kilalahun ni Abraham ag ni Hakub kanda linahi. Tutuu, Panginuun, kawu ti kanmi Ama, kanmi Manugribri kaybi ginan.

Isayas 64:8

Dapat Panginuun, kawu di gid kanmi Ama. Parihu kawu sa manugbuwat anglit, ag kami waydi parihu sa lutuk. Kawu ti nagbuwat sa kanmi tanan.

Hirimyas 4:22

Magkun ti Panginuun, “busal ti manga nasakupan niku; unman nida aku magkakilala. Sida manga kurang-kurang pag kalay-awan ag unman makaintindi. Anad sida magbuwat daut, dapat unman madunung magbuwat mayad.”

Hirimyas 5:21

Patingihi niyu inda, kamu pag manga luku-luku ag supakil. May manga mata kamu, dapat unman makakit, may manga tuli dapat unman makadnug.

Husyas 13:13

“May panahun kamu magbag-u buhi dapat dahil unman kamu may intindi, pag-ipasipala niyu inda. Parihu kamu sa lapsag balaw magkaibug lumwas sa tiyan sa kay kaudasan.

Malakyas 1:6

Magkun sa manga manughandug ti Panginuun Makamaskihan, “Pag-igalang anak kay ama ag pag-igalang suruguun kay amu. Dapat bati aku kanyu ama ag amu unman niyu pag-igalang? Paglabagun waya niyu aku, bag-u magkun kamu, ‘Kabitay nimi kawu pag linabag?’

Huwan 8:41

Dapat kanyu ngap pagbuwatun ti buwat niyu ama.” Sinabi nida sa kanya magkun, “Balaw kami iinanak sa kalyag. Usa-usa lang gid kanmi ama, ti Diyus yi ngani.”

Binwat 20:28

Ingatan duy niyu kanyu sadili hanggan ti iglisya dahil sida iinintirga Ispiritu Banal sa kanyu. Pangalagaan niyu ti iglisya Diyus kay sinakup niya pagka ibinuhus ti dugu niya Anak sa kay kamatayan.

Ruma 8:15

Ti Ispiritu kay ipinakaun Diyus sa kanyu balaw may turunu hampay kamu buwatun maan madalaun pag panawuhun. Dapat ay pagka natanggap yi niyu ti Ispiritu bag-u kamu pagbuwatun yi niya manga anak Diyus. Nakan magtawag kita sa kanya magkun, “Amang.”

1 Kurintu 6:20

dahil kamu binili yi sa halaga. Nakan gamitun niyu kanyu bilug sa ikadayaw sa Diyus.

Galasya 3:26

Ginan sa kanyu magsarig sa kan Kiristu Hisus, nakan kamu tanan manga anak yi ngap Diyus kainda.

Galasya 4:6

Dahil kita manga anak yi Diyus nakan ipinakaun niya sa kanta ti Ispiritu niya Anak mangulian sa kanta tagipusuun imaw tig-ingaran sa kanya magkun, “Amang.”

Diyuturunumiyu 1:31

hanggan sa pangawakawaan. Nakitan niyu nu kabitay kamu inalagaan Panginuun niyu Diyus, parihu sa ama mag-alaga sa kay anak, tugka sa makaaput kamu sa inda pag daga.’

Diyuturunumiyu 14:1

“Manga anak kamu Panginuun niyu Diyus. Nakan nu manruku kamu sa namatay, danga niyu pagbiyagi kanyu sadili aw ngatay kidkidun kanyu tungud bangas.

Diyuturunumiyu 32:15

Nagmaalwan ti manga Israilita dapat naglaban sida. Nagtabul sida ag nagbisug, dapat pinatlikudan nida ti Diyus, ti naglalang sa kanda, ag binugyahan nida ti palalan-iban nida pag batu imaw ti kanda Manugribri.

Diyuturunumiyu 32:18

Linimtan nida ti Diyus ti palalan-iban nida pag batu imaw ti naglalang sa kanda.

Diyuturunumiyu 32:28

Ti Israil usa ka nasyun unman may alam ag intindi.

2 Pidru 2:1

Dapat kaybi may naglutaw diman sa nasakupan Israil manga pudilun pag purupita. Una sa kanyu may lumutaw diman aban manga pudilun pag manga manugtudlu. Itudlu nida sa lihim kanda salan pag manga adal, imaw tigdaut sa pagsarig manga tawu, pagdayuun nida ti Panginuun ti naglukat sa kanda. Nakan ngani bigla sida ipadamhak sa kamatayan.

1 Huwan 3:1

Pag-isipa niyu nu kabitay kay kadaka ti pagmahal Ama sa kanta. Daka gid kay pagmahal nakan iningarnan kita manga anak Diyus. Tutuu gid ngani kita manga anak Diyus. Nakan pagdayuun kita manga taga kalibutan dahil dinayu waydi nida ti Diyus.