Diyuturunumiyu 32:49 - Hanunuu

⁴⁹ “Pag-atag kawu sa Muab, sa kabantudan Abarim, bag-u tumukad kawu sa Bantud Nibu masranguhan sa Hiriku. Bantayi ati ti Kanaan, ti pag-ipakaun niku pag daga sa manga Israilita kanda apuun.

Diyuturunumiyu 32:49 Iomraidhean Croise

Gimpuunan 17:8

Kamu manga day-uhan lang taynguna sa daga Kanaan. Dapat ipakaun niku inda pag buu daga sa kanmu hanggan sa kanmu manga linahi. Kanyu yi inda hanggan aban, ag aku kanyu Diyus hanggan aban.”

Isayas 33:17

Manga Israilita, makitan niyu ti usa ka may kadayawan pag hari, mandumara sa daka pag kaharian.

Hirimyas 22:20

Manga taga Huda, paglumi kamu dahil udyi kamu may manugbaliwa manga nasyun. Hanapun niyu sida sa Libanun. Tawagan niyu sida sa Basan ag Abarim.

Libitiku 14:34

tungkul sa dapat nida buwatun nu patubuun Panginuun ti kalmu sa kanda manga balay nu ati yi sida sa Kanaan, ti rugar ipakaun Panginuun sa kanda bilang maranahun nida:

Bilang 27:12

Bag-u magkun ti Panginuun sa kan Muysis, “Pagtukad kawu sa bantud Abarim, alantawa ati ginan ti ipinakaun niku pag daga sa manga Israilita.

Binwat 7:45

Minana nida manga anak ti Turda, kanda ngani dinara pagka si Huswi maan kanda kaibahan sa kanda nagsakup daga Kanaan, sa katpung tinulak Diyus ti manga nasyun ginan sa daga Kanaan. Tunda pag Balay Turda unman nadura sa kanda hanggan sa udwaya naghari si Dabid.

2 Kurintu 5:1

Magkaalaman diman nita nu madaut kanta bilug ga nangus turda, kita may ulian waya sa langit, balaw binwat tawu kamang, nu unman Diyus ngap ti may buwat.

Diyuturunumiyu 3:27

Pagtukad yi kawu sa katayungtungan Bantud Pisga bag-u umalantaw ati pag daga una naan tag baliwa, dahil unman kawu makadipay sa Hurdan.