Diyuturunumiyu 32:47 - Hanunuu

⁴⁷ Inda pag manga sugu balaw pangaradnuganun lang pag manga bagaw; pumakaun inda buhi sa kanyu. Nu tupadun niyu inda mabuhi kamu dugay sa apuun niyu pag daga sa baliw dipay Hurdan.”

Diyuturunumiyu 32:47 Iomraidhean Croise

Kabagawan 3:18

Mapalad ti tawu may kadunungan; ti kadunungan ikaayad ag ikalawig niya buhi.

Kabagawan 3:22

Dahil makapakaun inda sa kanmu malawig ag mayad pag buhi.

Kabagawan 4:13

Danga gid pagkalimti ti manga pagtadlung niku sa kanmu ugali; dahani inda sa kanmu tagipusuun dahil inda kanmu yi pinagkabuhi.

Kabagawan 4:22

Dahil makapakaun inda kabisugan hanggan malawig pag buhi sa manga magkaibug.

Isayas 45:19

Balaw aku nagbagaw sa lipudan, sa unman may nakaalam. Balaw niku sinabi sa manga linahi ni Hakub kuntay pagpakarani sida sa kangku, unman diman waydi sida may matanggap sa kangku. Aku, ti Panginuun, magbagaw tutuuhanan. Pagsabihun niku nu hintay ti tama.”

Amus 5:4

Nakan pagdangup kamu sa kangku, kamu pag nasakupan Israil, agud mabuhi kamu.

Matiyu 6:33

Dapat una sa tanan hugudan niyu hampay kamu harian Diyus ag hampay mag-ugali angay sa kay kagustuhan bag-u ipakaun niya sa kanyu ti tanan niyu pangangailangan.

Binwat 7:38

Kaibahan diman manga Israilita si Muysis sa kanda magmirinsanan sa pangawakawaan. Siya diman ti naghampang sa anghil pagka nagbagaw ti anghil sa kanya hanggan sa kanta manga ginurang ati sa Bantud Sinai. Siya diman ti pinakan-an manga bagaw may kabuhian hampay kay maan ipadakit sa kanta.

Diyuturunumiyu 30:16

Pagsuguun niku kamu kainda mahala niyu ti Panginuun niyu Diyus, pagpangabuhi kamu angay sa kay manga palakaw, ag pagsunud sa kay manga sugu hanggan surundanun. Nu buwatun niyu inda, mangabuhi kamu dugay ag yumamu, bag-u papaladan kamu Panginuun niyu Diyus ati sa ulianan ag apuun niyu pag daga.

Diyuturunumiyu 31:13

Buwata niyu inda hampay kanyu manga anak balaw waya may alam sa inda pag manga sugu dumunung maggalang sa Panginuun niyu Diyus habang magkabuhi kamu sa apuun niyu pag daga sa baliw dipay Hurdan.”

Diyuturunumiyu 33:25

Pag may panangga mana baul ag galang kanda manga puwirtahan banwa, ag pag sa kanda di ti kamaskihan habang sida magkabuhi.

Diyuturunumiyu 4:40

Tupada niyu kay manga sugu hanggan surundanun ipinakaun niku sa kanyu kainda, hampay balaw may daut mangyari sa kanyu tugka waya sa kanyu sinulput, ag hampay mabuhi kamu dugay sa daga pag-ipakaun Panginuun niyu Diyus agud maapu niyu inda hanggan waya aban.”

Diyuturunumiyu 4:6

Sundun niyu inda maluag sa kanyu tagipusuun, dahil sa panab-anan niyu pagsunud maipakakit niyu kanyu kadunungan ag pan-intindi sa iba manga nasyun. Nu madnugan nida inda tanan pag surundanun sumabi sida, ‘Ungud duy maaw madunung ag maraintindihun ti manga tawu sa inda pag makapangyarihan pag nasyun.’

Diyuturunumiyu 8:3

Ipinakumbaba niya kamu sa panab-anan pagpalun-us sa kanyu bag-u pinakan-an niya kamu mana — usa ka kalasi karan-unun unman waya gid niyu nasamitan una hanggan niyu manga ginurang. Binwat inda Panginuun hampay itudlu sa kanyu balaw lang sa karan-unun pag magkabuhi ti tawu, nu unman sa kada bagaw Panginuun.

1 Timutiyu 4:8

May pakinabang diman nu magpaantigu ti bilug. Dapat lalu waya may pakinabang nu mangungud kita kanta bilug hanggan tagipusuun sa kanta turunu marapasakup sa Diyus. Dahil nu katida kita pag mag-ugali, may patabgan di kita kaayadan balaw lang sa kainda pag buhi, lalu waya sa ikadwa pag buhi.

2 Pidru 1:16

Dahil pagka kanmi ipinakilala sa kanyu ti kamaskihan nita Panginuun Hisu-Kiristu hanggan kay pagras-ug niya aban unman gid nimi itinudlu sa kanyu ti manga pinathaw lang pag tultulanun. Nakitan ngap nimi mata kay kamaskihan.

2 Pidru 1:3

Tinanggap nita dahil sa kay kamaskihan Diyus ti tanan nita manga pangailangan hampay mag-ugali kita marig-un sa kanya. Mangyari inda dahil sa kanta magkilala sa kan Hisus. Siya diman ti nagpili sa kanta sa panab-anan niya sadili kadayawan hanggan kaayadan.

Ipinakakit 22:14

Papaladan Diyus ti maglumpiyu kanda manga rutay, pakan-an sida karampatan hampay makakaun burak kayu makapakaun tutuu pag buhi ag hampay makasulud sa banwa lakaw sa kay manga puwirtahan.