Diyuturunumiyu 32:43 - Hanunuu

⁴³ Kamu pag manga nasyun, dayawa niyu ti nasakupan Panginuun, dahil balusan Panginuun ti manga nagmatay sa kay manga manugsirbi. Balusan niya kay manga kalaban, ag linisun niya kay daga hanggan kay manga nasakupan.

Diyuturunumiyu 32:43 Iomraidhean Croise

Gimpuunan 12:3

Papaladan niku ti magpapalad sa kanmu. Dapat saadan waydi niku ti magsaad sa kanmu. Sa panab-anan nimu, papaladan niku ti tanan tawu sa kalibutan.”

1 Hari 8:43

patingihi sida asan sa kanmu ulian sa langit. Ag buwata una hintay ti hagadun nida, hampay ti tanan manga tawu sa kalibutan makakilala ag gumalang sa kanmu parihu sa kanmu nasakupan manga Israilita, ag hampay maalaman nida paggalangun kawu sa ipinatindug niku pag Balay Diyus.

2 Hari 9:7

Rurisun nimu ti magtal-anakan ni Akab kanmu amu, hampay mabalusan niku si Hisibil sa kay nagmatay sa kang manga manugsirbi pag manga purupita ag sa iba waya niku manga manugsirbi.

Hub 13:24

Hayga lugud mag-aman kawu sa kangku, ag pagbaliwun nimu aku kanmu kalaban?

Kanta 22:27

Ti buu kalibutan makaalala ag bumalik sa kanmu, Panginuun. Sambahun kawu tanan nasakupan tawu sa manga nasyun.

Kanta 58:10

Makabaya ti manga matadlung nu makitan yi nida pag balusan Diyus ti manga daut, ag nagbulus yi kanda dugu.

Kanta 65:3

Nu tungkul sa kanmi manga kasalanan, una mayamu inda, pagpatawadun di nimu.

Kanta 79:10

Danga pagpahintuluti sumabi sa kanmi ti iba pag manga nasyun, “Naan yi lugud kanyu Diyus?” Habang magbantay kami, ipaisip nimu sa manga nasyun kuntay bumalus kawu sa kanda pagmatay sa kanmu manga manugsirbi.

Kanta 79:9

Awati kami, Diyus nimi manugribri, hampay madayaw kawu. Ribrihan kami ag patawada kanmi manga kasalanan para sa kanmu kadayawan.

Kanta 85:1

Panginuun, pag mayadun nimu kanmu daga; ipinabalik nimu ti mayad pag kahamtangan sa manga linahi ni Hakub.

Kanta 85:3

Dinura nimu kanmu masyadu pag pangagalit sa kanmi.

Isayas 1:24

Nakan magkun ti Panginuun, ti Makamaskihan pag Diyus Israil, “Gumaan kang tagipusuun nu maparusahan yi niku kamu pag manga taga Hirusalim kang manga kalaban.

Isayas 1:25

Parusahan niku kamu hampay bumag-u, parihu sa pilak pagtunawun sa apuy.

Isayas 11:10

Rumas-ug ti sirang, ianak ti bag-u pag hari ginan sa linahi ni Dabid imaw ti bumaliw pasandam sa manga nasyun hampay tumipun sida. Tumiripun sida sa kanya, bumaliw may kadayawan ti pag-ulian niya pag rugar.

Isayas 19:23

Sa ati pag sirang, magkaimaw daka pag dalan ginan sa Ihiptu atabug sa Asirya. Ti manga taga Ihiptu hanggan ti manga taga Asirya pabalik-balik sa Ihiptu ag sa Asirya, bag-u mirinsan sida mansamba.

Isayas 19:25

Papaladan sida Panginuun Makamaskihan magkumun, “Pagpapaladan niku ti manga taga Ihiptu kang manga nasakupan, ti manga taga Asirya kang linalang, hanggan ti manga taga Israil kang magkaapu.”

Isayas 44:22

Kanmu manga kasalanan kang yi dinura ga rurum ngatay anitay. Pagbalik kawu sa kangku, hampay mairibri niku kawu.”

Isayas 60:6

Mapnu kanmu daga manga kamilyu manga taga Midyan hanggan manga taga Ipa. Rumas-ug sida sa kanmu ginan sa Shiba may dara manga gintu hanggan manga kamangyan para sambahun ti Panginuun.

Isayas 66:10

Kamu tanan manga magmahal sa Hirusalim, pagmasulung kamu kaibahan nida. Hanggan kamu pag manga maglumi sa kanda, pagbaya kamu sa kanya,

Hirimyas 13:14

Panlintugun niku sida sa usa kag usa, ti gurang ag ti anak. Balaw gid aku maawa sa pagmatay sa kanda. Aku, ti Panginuun ti magsabi inda.’ ”

Hirimyas 51:36

Nakan magkun ti Panginuun, “Manga taga Hirusalim, apinan niku kamu ag mamalus aku para sa kanyu. Pamarahun niku ti dagat ag ti manga bulbugan sa Babilunya.

Karukuan 2:5

Dinaut Panginuun ti Israil parihu ga kalaban. Dinaut niya ti manga may alad batu pag manga banwa sa Israil ag ti tanan mapag-un pag bahagi siyun. Dinugangan waya gid niya ti karukuan ag lulumian sa Huda.

Isikil 16:63

Alalahanun nimu kanmu manga kasalanan ag mangay-a kawu, ag ga udyi kawu makabagaw sa masyadu pag kakay-ahan nu patawadun yi niku ti tanan nimu binwat. Aku, ti Panginuun Diyus, ti magbagaw inda.”

Isikil 25:14

Manbalus aku sa Idum sa panab-anan niku nasakupan manga Israilita. Parusahan nida ti manga taga Idum angay sa kang masyadu pag pangagalit, bag-u maalaman manga taga Idum nu kabitay aku magbalus. Aku, ti Panginuun Diyus, ti magbagaw inda.”

Lukas 19:27

Nu bay kang manga kalaban tunda, daran-a niyu sitay tag sa kangku matya sa kang atubangan dahil sa dayu sida aku makahari sa kanda.’ ”

Lukas 2:32

usa ka sulu hampay marayawan ti manga balaw Hudiyu, ag hampay ipakilala ti kadayawan nimu nasyun Israil.”

Ruma 12:19

Manga mayad patar-ari, danga kamu magbalus. Ipabahala niyu tunda sa Diyus. Dahil nakasurat sa Banal Kasuratan magkun, “Magkun ti Panginuun, aku ti bahala magganti, pihu gumanti aku.”

Diyuturunumiyu 32:35

Nagbagaw siya, “Aku ti bumalus ag pumarusa sa kanda, dahil rumas-ug ti kaudasan miligsay gid sida. Arani yi rumas-ug kanda kadamhakan. Balaw yi inda dugay.”

Ipinakakit 15:2

May nakitan aku ga dagat kay histuda ga bubug pag salamin kay pagkasnag. Nakitan diman niku ti manga tawu nanalu sa hayup malangas hanggan sa kay tawu-tawu hanggan sa rumiru niya ngaran. Ati sida pag matindugan sa arani dagat ga bubug pag salamin kay pagkasnag. May bitbit sida alpa kay ipinakaun Diyus sa kanda.

Ipinakakit 15:4

Si unu nguna, Panginuun, ti unman magkadala sa kanmu? Si unu nguna ti dayu manultul sa kanmu kamaskihan? Kawu lang ti banal. Tanan pag manga nasyun pumakarani, sumamba sa kanmu. Dahil nakitan tanan tawu matadlung kanmu manga buwat.”

Ipinakakit 18:2

Nangungud siya namagaw daka magkun, “Nawasak yi siya, nawasak yi ti bantug pag banwa Babilunya. Taynguna ulian yi manga labang tunda pag daga, tunda yi ti paratag-an manga labang. Asan diman ti purugadan manga manuk mayagting ag manga pag-ampuan tawu.

Ipinakakit 18:20

“Kawu duy pag langit pagbaya sa nangyari sa banwa Babilunya. Pagbaya kamu pag manga pinili Diyus, manga apustul hanggan manga purupita. Nasintinsiyahan yi Diyus ti banwa Babilunya sa kaparusahan dahil sa binwat niya sa kanyu.”

Ipinakakit 19:2

Dahil matadlung ag kang-ud kay manga sintinsiya. Sinintinsiyahan niya ti bantug pag babayi uragin, imaw nakan ti nagbuwat kadautan sa babaw daga. Pinarusahan siya Diyus dahil minatay niya ti manga suruguun Diyus.”

Ipinakakit 6:10

Magpamurus sida sa tawag magkun, “Panginuun, kawu ti makamaskihan, ti banal hanggan ti masarigan. Kabitay waya kadugay kami pag mag-alagad. Kapira waya pag sintinsiyahan nimu sa kaparusahan ti manga tawu mag-uli sa babaw daga dahil sa kanda nagmatay sa kanmi.”