Diyuturunumiyu 32:40 - Hanunuu

⁴⁰ Taynguna, ipaabwat niku kang manga kamang ag manaratu, ‘Kainda buhi aku unman may katapusan,

Diyuturunumiyu 32:40 Iomraidhean Croise

Gimpuunan 14:22

Dapat magkun si Abram sa hari Suduma, “Magsumpa aku sa atubangan Panginuun, ti Diyus Makamaskihan sa tanan, ti naglalang langit ag daga,

Gimpuunan 21:33

Nantanum si Abraham usa ka puun kayu tamarisku ati sa may Biirsiba ag sinamba niya ati ti Panginuun, ti Diyus hanggan aban.

2 Samwil 22:47

Buhi kawu, Panginuun! Dayawun kawu kang palalan-iban pag batu! Pag-ipaabwat niku kawu dahil kawu ti Diyus kang Manugribri.

Kanta 144:11

Ribrihan aku sa kapangyarihan manga day-uhan pagkalaban, unman magsabi kay tutuu ag magpudil una sa kanda magsumpa.

Kanta 144:8

Inda sida balaw magtultul kay tutuu ag magpudil una sa kanda magsumpa.

Pag-ighit 6:8

Darahun niku kamu sa kang itinaratu pag daga ipakaun sa kanda ni Abraham, ni Isaak ag ni Hakub. Ipakaun niku inda sa kanyu agud kanyu maapu. Aku ti Panginuun.’ ”

Hirimyas 4:2

ag nu manumpa kawu sa pangaran lang niku mangabuhi kawu matinupadun, matadlung ag kang-ud, bumaliw papalad kawu sa manga nasyun bag-u dayawun nida aku.”

Hirimyas 44:26

Dapat pagpatingi kamu sa kang sabihun, kamu pag manga taga Huda mag-uli sa Ihiptu. Pag-isumpa niku sa kang sadili taynguna ginan udyi may bumanggit sa kanyu sa kang ngaran makamaskihan. Balaw yi niku pahintulutan gamitun niyu kang ngaran sa kanyu magsumpa parihu sa kainda, “Magsumpa aku sa ngaran buhi pag Panginuun Diyus.”

Isikil 20:5

Sabihi sida aku, ti Panginuun Diyus, magbagaw magkun: ‘Katpung udas pinili niku ti Israil kay manga linahi ni Hakub ag ipinakilala niku kang sadili sa kanda ati sa Ihiptu, nagsumpa aku sa kanda magkun, “Aku ti Panginuun niyu Diyus.”

Isikil 20:6

Ati katpung nagsumpa aku ipalwas niku sida sa Ihiptu ag darahun sa pinili niku pag daga para sa kanda — usa ka marinu ag abunda pag daga, ti pinakamarinu pag daga sa tanan.

Isikil 21:4

Hu, panmatyun niku kamu tanan niku baladaw ginan sa kanaway tugka sa salatan.

Isikil 21:5

Bag-u maalaman tanan aku ti Panginuun. Ginabut niku kang baladaw, ag unman niku inda isuul sa kay kaluban tugka sa unman matapus ti pagpanmatay inda.

Danyil 12:7

Ipinaabwat tawu nakarutay linu kay duwa ka kamang ag nasaydan niku nanumpa siya sa ngaran Diyus buhi unman may katapusan. Magkun siya, “Matapus inda pagkalawuy tulu ka timpu may tunga, nu matapus yi ti kakurian manga nasakupan Diyus.”

Bilang 14:21

Dapat magsumpa aku, ti Panginuun buhi, habang talaptap sa buu kalibutan kang kadayawan,

Ipinakakit 4:10

Sa kanda katpung magdayaw ti duwapulu may upat ka takinan napadapa sa atubangan tukawan hari, kanda pagsambahun ti matukawan siyun, ti may buhi unman may katapusan. Pag-ibugtang nida sa atubangan tukawan hari kanda manga sangbaw magkun,

Ipinakakit 4:9

Katunda ngani ti upat ka linalang may buhi kanda magdayaw, maggalang hanggan magpasalamat sa hari magtukaw sa tukawan, imaw ti may buhi unman may katapusan.