Diyuturunumiyu 32:39 - Hanunuu

³⁹ Bantayi niyu kainda; aku lang gid ti Diyus! Unman yi may iba diyus purya sa kangku. Aku ti magmatay ag aku diman ti mag-ayaw buhi; aku ti magbiyag ag aku diman ti magbulung, ag unman may makapalagiw sa kang manga kamang.

Diyuturunumiyu 32:39 Iomraidhean Croise

2 Hari 20:5

“Pagbalik kawu sa kan Isikyas, ti takinan niku nasakupan, ag sabihan inda: ‘Inda ti pagsabihun Panginuun, ti Diyus nimu ginurang si Dabid: Nadnugan niku kanmu darangin ag nakitan niku kanmu manga luwa. Paayadun niku kawu. Sa ikatlu pag sirang taynguna ginan makabangun yi kawu, ag makaatag kawu sa Balay Diyus Panginuun.

2 Hari 5:7

Pagka nabasa hari Israil ti surat, ginisi niya kay rutay dahil sa karukuan ag magkun, “Hayga sa kangku niya pag-ipinadara inda pag tawu hampay paayadun kay sakit sa lukub? Hintay aku, Diyus aw? May kapangyarihan aw lugud aku manmatay ag bumuhi? Magbuwat lang siya dahilan hampay man-girirahan kami!”

Nihimyas 9:6

Kawu ti Panginuun. Binwat nimu ti kalangitan, ti daga, ti dagat hanggan ti tanan asan sa kanda. Pagpakan-an nimu buhi ti tanan nimu linalang ag pagsambahun kawu manga anghil sa langit.

Hub 10:13

Dapat kainda naalaman niku ti tutuu pag gayak nimu sa kangku,

Hub 10:7

Alam nimu unman aku may kasalanan, dapat si unu ti manribri sa kangku ginan sa kanmu?

Hub 5:18

Dahil kay manga pagbiyagan kay di maan pagbulungun.

Kanta 102:27

Dapat kawu bay imaw diman; balaw kawu may katapusan.

Kanta 102:28

Ti manga linahi nimu manga manugsirbi mangabuhi ribri sa kadalaan ag bantayan nimu sida.”

Kanta 18:31

Kawu lang, Panginuun, ti Diyus; kawu lang kanmi palalan-iban pag batu.

Kanta 50:22

Patingihi niyu inda, kamu pag manga magkalimut sa Diyus, dahil nu unman, rurisun niku kamu ag unman may rumibri sa kanyu.

Kanta 51:8

Pasulunga aku may kabayaan; una waya pagrunutun nimu kang manga but-ul mana makabaya maan aku.

Kanta 68:20

Kanta Diyus, Diyus magribri. Siya ti Panginuun Diyus magribri sa kanta sa kamatayan.

Kanta 86:10

Dahil makamaskihan kawu, ag makadululaw kanmu manga buwat; ag kawu lang ti Diyus.

Pag-ighit 15:26

“Nu buu tagipusuun kamu sumunud sa kangku, ti Panginuun niyu Diyus, ag bumuwat mayad sa kang magbantay, ag sundun kang manga kasuguan hanggan surundanun, unman kamu padaran-an niku manga panakitun parihu sa ipinadara niku sa Ihiptu. Aku ti Panginuun kanyu manugbulung.”

Pag-ighit 4:7

Magkun ti Panginuun, “Paulian maan kanmu kamang sa sulud nimu rutay.” Sinunud maan ni Muysis. Pagka ilinuwas niya kay kamang, mayad yi maan parihu sa iba niya bahagi bilug.

Manugtudlu 3:3

may udas sa pagmatay ag may udas diman sa pagbulung, may udas sa pagguba ag may udas diman sa pagbungsud,

Isayas 19:22

Parusahan Panginuun sarut ti manga taga Ihiptu, dapat paayadun di waydi niya. Mamakarani sida sa Panginuun, ag dungugun niya kanda manga darangin bag-u paayadun sida.

Isayas 30:26

Rumayaw ti bulan ga init. Ti init waydi rumayaw pitu ka dubli, parihu sa rayaw pitu ka init mininsan sa usa lang ka init. Mangyari inda sa sirang bulungun ag paayadun Panginuun ti biyag manga nasakupan niya.

Isayas 41:4

Si unu ti nagbuwat inda tanan? Si unu ti nag-isip sa tanan pag manga mangyari ginan waya kaybi sa un-an pag sinulput? Unman aw aku? Aku ti Panginuun asan yi sa pag-umpisa kalibutan, ag asan diman aku tugka sa katapusan.

Isayas 43:10

Manga nasakupan Israil, kamu kang manga kastigus. Ipinasaman niku kamu kang manugsirbi, agud makilala niyu aku ag sumarig kamu sa kangku, bag-u masalman niyu aku lang ti Diyus. Ud may iba diyus inmuna sa kangku, unman diman may Diyus dumasun waya sa kangku.

Isayas 43:12

Ipinaburayhaw niku kamu kang iribri, tinupad ngani niku inda. Unman may iba diyus nagbuwat inda sa kanyu, kamu kang manga kastigus.” Magkun waya ti Panginuun, “Aku ti Diyus.

Isayas 43:13

Ginan waya kaybi aku yi ti Diyus. Unman may makapalagiw ginan sa kang manga kamang. Unman may makauman sa kang manga pagbuwatun.”

Isayas 45:18

Kawu, Panginuun, ti Diyus. Kawu ti naglalang langit hanggan kalibutan. Balaw nimu binuwat ti kalibutan ud may magkabuhi. Binuwat nimu inda hampay ulianan. Magkun kawu, “Aku ti Panginuun, udyi may iba waya.

Isayas 45:22

“Pagpakarani kamu sa kangku hampay maribri, kamu tanan sa buu kalibutan. Dahil aku ti Diyus, purya sa kangku udyi may iba waya.

Isayas 45:5

Aku ti Panginuun, udyi may iba waya; purya sa kangku udyi may iba Diyus. Pabisugun niku kawu una unman nimu aku kilala,

Isayas 46:4

Alagaan niku kamu tugka sa maggurangun ag manlagti kanyu buhuk. Linalang niku kamu nakan kamu alagaan niku. Awatan niku kamu ag iribri.

Isayas 48:12

“Pagpatingi kamu sa kangku, kamu pag manga taga Israil kang ipinasaman. Aku ti Diyus; aku ti gimpuunan ag ti katapusan tanan.

Isikil 37:12

Nakan sabihi sida aku, ti Panginuun Diyus, magkun: Nasakupan niku, bukasan niku kanyu manga lulubngan ag buhiun niku kamu, bag-u ibalik sa daga Israil.

Isikil 37:3

Pinaingana aku Panginuun, “Anak tawu, mabuhi aw waya nguna inda pag manga but-ul?” Nagsagut aku, “Panginuun Diyus, kawu lang gid ti makaalam inda.”

Husyas 5:14

Dahil girahun niku ti Israil hanggan ti Huda ga liyun maggus-ab sa kay bulay. Aku gid ngap ti rumuris sa kanda. Darahun niku sida sa iba nasyun, ag unman may manribri sa kanda.

Husyas 6:1

Nagharampangan ti manga Israilita. Magkun sida, “Abala, bumalik yi kita sa Panginuun. Siya ti nagpadamhak sa kanta ag siya diman ti mangawat sa kanta.

Mikas 5:8

Dapat dumara diman sida kadamhakan sa manga nasyun. Bumaliw sida parihu sa liyun maisug magduksul sa manga hayup sa katalunan ag sa manada manga karanidu sa pasturan. Nu magduksul ti liyun, pagtukbun niya kay magkablay bag-u pagkan-un, ag balaw makaribri sa kanya.

Huwan 8:24

Nakan sinabi ngani niku sa kanyu, mamatay kamu dahil sa kanyu manga kasalanan. Nu dayu kamu maniwala kuntay aku si Aku ngani, pihu ngap kamu mamatay dahil sa kanyu manga kasalanan.”

Diyuturunumiyu 32:12

Ti Panginuun lang gid ti mag-iba sa kay manga nasakupan, unman may awat ginan sa iba diyus.

Diyuturunumiyu 4:35

Ipinakakit sa kanyu tunda pag manga bagay hampay masalman niyu ti Panginuun imaw ti Diyus, ag udyi may iba waya.

Diyuturunumiyu 7:9

Alalahana niyu ti Panginuun niyu Diyus imaw lang ti Diyus. Masarigan siya pag Diyus, ag pagtupadun niya kay kasunduan tugka sa manga sinulput manga magmahal sa kanya ag magsunud sa kay manga sugu.

Hibriyu 1:12

Parihu sa usa ka kulimpay sida kanmu luhutun aban bag-u sida mailsan parihu sa bisti. Dapat kawu balaw mauman, kanmu timpu balaw may katapusan.”

Ipinakakit 1:11

Kay sabi, “Suratan nimu sa ribru ti kanmu makitan bag-u ipadara nimu inda sa pitu ka iglisya, ati sa banwa Ipisu, sa banwa Ismirna, sa banwa Tiyatira, sa banwa Sardis, sa banwa Piladilpiya hanggan sa banwa Laudisiya.”

Ipinakakit 2:8

“Isurat nimu inda para sa anghil magbantay sa iglisya sa banwa Ismirna: “Inda ti magsabi imaw ti kabag-u, imaw ti katapusan, imaw ti namatay, imaw maan ti nabuhi uman:

1 Samwil 2:6

Panginuun ti may kapangyarihan pumakaun ngatay bumawi sa arup tawu. Siya ti may kapangyarihan pumauli ngatay bum-ul sa kanda ati sa rugar manga namatay.