Diyuturunumiyu 32:36 - Hanunuu

³⁶ Apinan Panginuun kay manga nasakupan; kaawaan niya kay manga manugsirbi, nu makitan niya unman yi sida may kabisugan ag nu pira wadi ti nasawad sa kanda, panawuhun man una balaw panawuhun.

Diyuturunumiyu 32:36 Iomraidhean Croise

1 Hari 14:10

Dahil siyun, padarahan niku kadamhakan kanmu magtal-anakan. Matyun niku ti tanan lalaki, suruguun man ngatay bukun. Rurisun lubus niku kanmu magtal-anakan parihu sa paruk pagtutdan ag unman may magkasawad.

1 Hari 21:21

Nakan inda ti pagsabihun Panginuun sa kanmu: ‘Padarahan niku kawu kadamhakan. Matyun niku ti tanan nimu linahi lalaki, panawuhun man ngatay bukun.

2 Hari 14:26

Ipinahintulut Panginuun mangyari inda dahil nakitan niya ti masyadu pag aragwantahun manga taga Israil, una panawuhun una bukun panawuhun. Unman gid may makaawat sa kanda.

2 Hari 9:8

Maruris ti tanan magtal-anakan ni Akab. Panmatyun niku ti tanan kaibahan sa kay magtal-anakan pag manga lalaki, panawuhun man ngatay bukun.

Kanta 106:45

Pag-alalahanun Diyus kay kasunduan sa kanda, ag dahil sa kay daka pag mahal sa kanda nagbag-u kay naisipan balaw yi niya sida parusahan.

Kanta 135:14

Dahil pagpatutuuhanan nimu, Panginuun, unman may kasalanan kanmu nasakupan imaw ti kanmu manga manugsirbi, ag kaawaan nimu sida.

Kanta 50:4

Pagtawagan niya ti kalangitan ag ti kalibutan hampay kumastigus sa kay pagsintinsiya sa kay nasakupan.

Kanta 7:8

Panginuun, kawu ti magsintinsiya sa manga nasyun. Patutuhani nimu unman aku may kasalanan, dahil alam nimu matadlung aku, ag unman aku may binwat daut.

Kanta 90:13

Panginuun, tugka kapira waya lugud kanmu pangagalit sa kanmi? Patingihi ag kaawai kami kanmu manga manugsirbi.

Kanta 96:13

sa atubangan Panginuun. Dahil pihu yi rumas-ug siya agud intindihun ti manga tawu sa kalibutan. Intindihun niya sida may katadlungan ag angay sa kay katutuuhanan.

Pag-ighit 32:14

Nakan balaw yi ipinatarus Panginuun kay gayak rurisun kay manga nasakupan.

Hirimyas 20:11

Dapat kaibahan duy niku kawu, Panginuun. Kawu ga sundalu maisug ag makamaskihan, nakan matalu ti manga mag-unuunu sa kangku. Midamhak sida ag mangay-a, una kapira, unman malimtan ti kakay-ahan nida.

Hirimyas 31:20

Nagsagut ti Panginuun, “Kamu pag nasakupan Ipraim kang pagmahalun pag anak. Una pirmi aku magbagaw laban sa kanyu, pagbayaun di niku kamu. Maggagad di aku ag magkaawa sa kanyu.

Hirimyas 42:10

Nu pumirmaminti kamu sa inda pag daga, bangunun niku kamu ag utru ipatindug ag balaw yi niku kamu ipadamhak. Dahil tutuu nanruku gid aku sa kadamhakan kang ipinalakaw sa kanyu.

Danyil 12:7

Ipinaabwat tawu nakarutay linu kay duwa ka kamang ag nasaydan niku nanumpa siya sa ngaran Diyus buhi unman may katapusan. Magkun siya, “Matapus inda pagkalawuy tulu ka timpu may tunga, nu matapus yi ti kakurian manga nasakupan Diyus.”

Huwil 2:14

Barang ngani bumag-u kay isip ag papaladan kamu abunda pag ani, hampay makahandug kamu sa Panginuun niyu Diyus manga butir hanggan intus.

Huwil 2:18

Mapinasunaidun gid ti Panginuun sa kay banwa, ag magkaawa siya sa kay nasakupan.

Libitiku 26:43

Dapat kailangan gid paighitun dap niku kamu gin sa kanyu daga bilang kabaydanan niyu sa kanyu manga kasalanan, dahil sa kanyu paglabag sa kang manga sugu hanggan manga surundanun. Ag makapahari ti daga habang udwaya kamu.

Amus 7:3

Nakan nagbag-u ti kaisipan Panginuun ag magkun siya, “Kanmu nakitan balaw yi mangyari.”

Amus 7:6

Nakan nagbag-u ti kaisipan Panginuun ag magkun siya, “Kanmu nakitan balaw yi mangyari.”

Hibriyu 10:30

Nakilala waydi nita ti may sabi magkun, “Bahala aku magganti, aku ti pumarusa.” Siya diman waydi ti may sabi magkun, “Pihuun Panginuun aban ti daut ti mayad sa kay nasakupan.”

Talaghusay 2:18

Ti tanan takinan ipinakaun Panginuun sa kanda kay inawatan. Ag habang buhi kanda takinan, irinibri sida Panginuun sa kanda manga kalaban. Dahil magkaawa siya sa kanda dahil sa kanda mag-agwanta sa manga mag-api ag sa magpakuri sa kanda.