Diyuturunumiyu 32:32 - Hanunuu

³² Kanta manga kalaban, parihu kay ka daut sa manga mag-uli sa Suduma ag Gumura, parihu sa ubas mapait ag makahililu kay burak.

Diyuturunumiyu 32:32 Iomraidhean Croise

Hub 14:17

Parihu lang isinukad lang nimu inda sa bay-ung hampay matakluban ag balaw yi nimu makitan waya.

Isayas 1:10

Kamu pag manga takinan hanggan manga nasakupan Hirusalim parihu sa manga taga Suduma ag Gumura, patingihi niyu ti bagaw ag kasuguan Panginuun nita Diyus.

Isayas 5:4

Hintay waya kang nalimtan buwatun para sa kang ubasan? Matagsing pag burak ti pagsarigan niku, dapat pagka pinuti niku maaslum inda.

Hirimyas 2:21

Parihu kamu sa usa ka pinakamayad pag kalasi ubas kang itinanum. Dapat hayga linmuwang kamu lugu ag unman may pulus pag ubas?

Hirimyas 23:14

Dapat nakitan diman niku mas daut waya ti pagbuwatun manga purupita sa Hirusalim, dahil magpanguragin sida ag magpudil waya. Pagpabisugun nida ti nalub-anan manga daut pag tawu hampay bumuwat waya kadautan, nakan udyi sida magpatlikud sa kanda kadautan. Ti manga taga Hirusalim parihu kay ka daut sa manga taga Suduma ag Gumura.

Karukuan 4:6

Ti parusa sa kang manga kasimanwa subra waya kaysa parusa sa Suduma, kadaka lang pinapas Diyus unman gid may nangawat sa kanda.

Matiyu 11:24

Dapat kang pagsabihun sa kanyu, nu kaudasan yi sintinsiya aban, lalu ngap mabuyat kay sintinsiya Diyus sa kanyu, balaw lang ga sa manga taga Suduma.”

Diyuturunumiyu 29:18

Pihua niyu unman una di usa sa kanyu, lalaki ngatay babayi, una magtal-anakan, ngatay lahi ti pumatlikud sa Panginuun nita Diyus ag mansamba sa ati pag manga diyus iba nasyun hampay unman may una di usa sa kanyu ti bumaliw ga gamut ilamnun magtubu mapait ag makahililu.

Diyuturunumiyu 32:33

Parihu sida sa irinmun may dalit ulay.

Hibriyu 12:15

Pagdahan kamu hampay unman may pumatlikud sa kanyu tanan sa kay pakaun Diyus karibrihan. Barang may magtubu ga ilamnun mapait sa kanyu bag-u miabay ti mayamu ngap pag patar-ari sumimray sa katutuuhanan.