Diyuturunumiyu 32:25 - Hanunuu

²⁵ Sa luwas nida balay mayamu ti magkaramatay sa irisgan, ag sa sulud humari ti dala. Magkaramatay ti manga gurangun, ti manga kalay-awan, hanggan ti manga anak.

Diyuturunumiyu 32:25 Iomraidhean Croise

2 Hari 7:5

Nakan pagka yabi, nag-atag ngani sida sa kampu manga Aramiyu. Dapat pagras-ug nida ati, unman may tawu ati una di.

2 Krunika 36:17

Ipinagira niya sida sa manga taga Babilunya. Pinanmatay manga taga Babilunya kanda manga kalay-awan lalaki una sa Balay Diyus. Unman gid sida may pangaawa una sa kantapu, lalaki man ngatay babayi, anak man ngatay gurangun, masakitun man ngatay bukun. Ipinabahala Diyus ti tanan niya nasakupan kan Nabukudunusur.

Isayas 30:16

ag magkun kamu, ‘Makapalagiw kami sa kanmi manga kalaban dahil marabisug kanmi manga kabayu.’ Hu ngani, makapalagiw kamu dapat marabisug man ti manga lumagas sa kanyu.

Hirimyas 44:7

“Nakan aku, ti Panginuun Diyus Makamaskihan, ti Diyus Israil magpaingana, ‘Hayga niyu pagdautun kanyu sadili? Gustu aw niyu maruris ti manga tawu sa Huda — ti manga lalaki, ti babayi, ti anak hanggan manga lapsag?

Hirimyas 44:8

Hayga niyu aku pag pagpagalitun sa pagbuwat niyu manga diyus-diyusan? Magsunug waya kamu manga kamangyan para siyun atay sa Ihiptu nu naan kamu taynguna pag mag-uli. Ipagpadamhak niyu kanyu sadili ag pagbuwatun niyu mayagting ag makakaray-a sa tanan pag nasyun sa kalibutan.

Hirimyas 9:21

Rinmas-ug ti kamatayan sa kanta magtal-anakan hanggan sa mapag-un pag bahagi nita banwa. Minatay ti manga anak magbuybuya sa manga baklayan hanggan ti manga kalay-awan lalaki magtiripnan sa manga buruybuyahan.

Karukuan 1:20

“Bantayi, Panginuun, nu kabitay kang karukuan! Masyadu gid kang mag-agwanta bilang ga pin-ga kang tagipusuun, dahil nagbaliw malinabagun aku sa kanmu. May magmaratyan sa kang manga sugkadan, ag una sa sulud balay may magkamatay.

Karukuan 4:4

Dahil sa uwaw ti dila nida manga lapsag maghuput sa kanda manga ngarus. Maghagad ti manga anak karan-unun, dapat unman gid may magpakaun sa kanda.

Isikil 7:15

“Ti manga tawu sa luwas banwa mamatay sa girahan. Ti patayak sa sulud banwa mamatay sa sakit ag lun-us.

Husyas 11:6

Girahun manga kalaban kanda manga banwa ag dautun ti talakup manga sabian. Dautun diman manga kalaban kanda manga gayak.

Husyas 9:12

Una waya magkaanak sida, bul-un di niku sida tanan ag manrukuan kamu. Kaawaawa gid kamu nu pabay-anan yi niku.

Husyas 9:16

Parihu sida sa tanum magkalayung kay gamut nakan unman magburak. Una waya sida magkaanak, matyun diman niku kanda manga pagmahalun pag anak.”

Libitiku 26:25

Ipagira niku kamu sa kanyu manga kalaban bilang parusa sa kanyu maglabag sa kanta kasunduan. Una waya patagu kamu sa kanyu manga banwa padaran-an di niku kamu manga kakurian, ag dahil siti mapilitan kamu sumuku sa kanyu kalaban.

Mikas 6:14

Mangaun kamu, dapat unman kamu mabsug; paglun-usun di kamu. Manhamnu kamu kanyu manga inani, dapat unman niyu inda mapakinabangan, dahil ipaagaw niku tunda sa kanyu manga kalaban.

2 Kurintu 7:5

Katpung sa Masidunya kami udyi may pahari, pasay kakurian kanmi nalakawan, may kalaban una naan ginan baliwa, pagkulbaan waya kanmi nalub-anan.