Diyuturunumiyu 32:22 - Hanunuu

²² Dahil kang pangagalit maglabdab ga apuy. Mag-irub inda sa daga ag sa tanan asan, hanggan sa kaabasad-basadan daga, ag sa manga paratungtungan manga bantud.

Diyuturunumiyu 32:22 Iomraidhean Croise

Kanta 144:5

Panginuun, bukasi ti langit ag pagdugsun kawu. Ayuhapa ti manga bantud hampay manganus.

Kanta 21:9

Nu pumakakit yi kawu, rurisun nimu sida ag bumaliw sida parihu sa maglabdab pag pugun. Sa kanmu pangagalit ipairub nimu sida sa apuy.

Kanta 46:2

Nakan danga kita magkadala una waya matandug ti daga ag mapugdak ti manga bantud ag magkaralagpak sa kalalawdan dagat,

Kanta 83:14

Bukada sida bag-u padalaa nimu bagyu parihu sa apuy mag-irub sa manga kapuruan sa kabantudan.

Kanta 86:13

Dahil daka kanmu pagmahal sa kangku; irinibri nimu aku sa kamatayan.

Kanta 97:3

Mag-una sa kanya ti apuy magsunug sa kay manga kalaban sa sangput.

Isayas 24:6

Nakan sinaadan Diyus ti kalibutan, nakan may saragtun ti manga nasakupan dahil sa kanda manga kasalanan. Sunugun sida ag pira-pira wadi ti masawad.

Isayas 30:33

Dugay yi nakaalistu ti rugar sunugan sa hari Asirya. Daka inda ag abasad, alistu yi ti mayamu pag pamagba. Ti arup Panginuun ga maglabdab asupri imaw ti pumalabdab sa pamagba.

Isayas 54:10

Una magkarapugdak ti tagudtud ag bantud, ti pagmahal niku sa kanmu balaw madura, una kang kasunduan sa kanmu ipauli niku kawu sa marinu pag kahamtangan. Aku, ti Panginuun magkaawa sa kanmu, ti magsabi inda.

Hirimyas 15:14

Buwatun niku kamu panawuhun niyu manga kalaban sa daga balaw niyu alam, ag ipaagum niku sa kanyu kang pangagalit ga maglabdaban apuy.”

Hirimyas 17:4

Madura sa kanyu kang ipinakaun pag daga. Buwatun niku kamu suruguun niyu manga kalaban ati sa balaw niyu alam pag rugar, dahil ginalit niyu aku parihu sa maglabdaban apuy balaw magkapsa hanggan aban.”

Hirimyas 4:4

Lumpiyuha niyu kanyu manga tagipusuun sa atubangan Panginuun, kamu pag manga taga Huda ag taga Hirusalim, dahil nu balaw katida malakawan niyu ti isug niku ga apuy unman magkapsa dahil sa binwat niyu pag kadautan.

Karukuan 2:2

Dinaut niya unman may awa ti tanan manga balay sa manga linahi ni Hakub. Sa kay pangagalit pinandaut niya ti manga may alad batu pag manga banwa sa Huda. Ipinatabu niya ag pinakay-a inda pag kaharian hanggan ti manga takinan siyun.

Karukuan 2:3

Sa masyadu niya pangagalit dinura niya ti tanan kapangyarihan sa Israil. Unman niya inda inawatan pagka dinugma kalaban. Parihu siya sa apuy mag-irub sa manga linahi ni Hakub ag sa tanan manga bagay sa kanda kalibut.

Karukuan 2:4

Ipinatuyang niya kay pamana sa kay nasakupan, ga kay kalaban. Pinanmatay niya ti tanan pagmahalun niya nasakupan. Ipinasamit niya kay masyadu pangagalit ga apuy sa manga nasakupan Hirusalim.

Karukuan 4:11

Ipinasamit Panginuun kay buu pangagalit sa Hirusalim. Nakan inirub niya inda hanggan ti manga patakinan inda.

Isikil 19:12

Dapat dahil sa pangagalit inayit inda, ag iyinmut sa daga. Nabaug kay manga burak dahil sa mainit pag durus ginan sa butlakan. Nalayung kay matibay pag manga sanga ag tinutdan.

Isikil 38:19

Ag sa masyadu niku pangagalit, pag-isumpa niku manlinug mabaskug sa daga Israil.

Libitiku 26:20

Bumaliw unman may pulus kanyu magpangabudlay, dahil kanyu manga daga udyi magtubas hanggan kanyu manga puun kayu balaw magburak.

Amus 5:6

Pagdangup kamu sa kangku, kamu pag lahi ni Husi, agud mabuhi kamu. Dahil nu unman, girahun niku kamu ga apuy. Nakan maruris ti Bitil ag unman may makaampara inda.

Amus 7:4

May ipinakakit waya ti Panginuun Diyus sa kangku: Nakitan niku nag-alistu siya hampay parusahan kay nasakupan sa panab-anan apuy. Bag-u pinamara apuy ti bulbugan danum ginan sa sirung daga, ag inirub ti tanan asan sa daga Israil.

Mikas 1:4

Ti malakawan niya pag manga bantud matunaw ga kandila nid-ut sa apuy. Ti malakawan niya pag manga ratag mangunha-kunha ga linakawan danum binmulus ginan sa madirig pag rugar.

Habakuk 3:10

Ti manga bantud parihu sa manga tawu nangirkirug pagka nakakit sa kanmu. Inmuran mabaskug; magpaywas ti danum sa dagat ag dinmaraka ti manga humbak.

Sipanyas 1:18

Dayu makaparibri sa kanda ti manga pilak ag gintu sa sirang ipakakit niku kang pangagalit parihu sa apuy umirub sa buu kalibutan. Dahil kadaka niku papasun ti tanan mag-ulian sa daga.”

Sipanyas 3:8

“ ‘Nakan kamu pag manga matinupadun pag taga Hirusalim, alagda niyu ti sirang unu-unuhun niku ti manga nasyun. Dahil nagpasya yi aku tipunun ti manga nasyun hanggan ti manga kaharian hampay ibuhus niku sa kanda ti mahigpit niku pag pangagalit parihu sa apuy mag-irub sa buu kalibutan.

Bilang 16:33

Hinalun sida tanan buhi hanggan ti tanan nida kasiyunan. Bag-u naghirum ti daga ag nadura sida sa kadamlan.

Bilang 16:35

Bag-u nagpadara ti Panginuun apuy, ag inirub ti 250 ka tagasunud ni Kura maghandug kamangyan.

Matiyu 10:28

Danga niyu kadalai ti magmatay sa bilug balaw makamatay sa karadwa. Dapat kadalaan niyu ti makamatay sa karadwa hanggan bilug sa impirnu.

Matiyu 18:9

Nu waydi kanmu mata tigpaturun sa kanmu tabug sa kasalanan, luwata nimu yamtan yi. Mayad waya nu kawu rumas-ug sa langit buta kanmu usa ka mata. Sayang lang una kawu may duwa ka mata bag-u iyamut lang waydi sa udyi magkapsa pag apuy hanggan waya aban.”

Matiyu 23:33

“Kamu ga manga ulay, linahi manga udtu adlaw. Kabitay kamu pag makaiwas sa sintinsiya tabug sa impirnu?

Diyuturunumiyu 29:20

Balaw gid siya patawadun Panginuun. Manlabdab ti pangagalit Panginuun sa kanya, ag mangyari gid sa kanya ti tanan nakasurat pag saad sa inda pag ribru, bag-u panasun Panginuun kay ngaran sa kalibutan.

2 Tisalunika 1:8

Rumas-ug siya sa karaw-an maglalabdaban pag apuy. Bag-u parusahan niya ti tanan tawu dayu magpaniwala sa Diyus ag ti manga dayu magsunud sa Mayad pag Barita tungkul sa kanta Panginuun Hisus.

Hibriyu 12:29

Dahil kanta Diyus ga apuy maghirut.