Diyuturunumiyu 32:21 - Hanunuu

²¹ Pinaimun nida aku sa bukun tutuu pag diyus, ag ginalit nida aku sa kanda unman may pulus pag manga diyus-diyusan. Nakan paimunun waydi niku sida sa iba pag manga tawu. Galitun niku sida sa panab-anan pagpapalad sa luku-luku pag nasyun.

Diyuturunumiyu 32:21 Iomraidhean Croise

1 Hari 14:22

Nagbuwat kadautan ti manga nasakupan Huda sa magbantay Panginuun, ag mas subra waya ti galit Panginuun sa kanda kaysa kanda manga ginurang, dahil subra gid kanda manga kasalanan.

1 Hari 14:9

Mas daut ti binwat nimu kaysa binwat manga takinan nag-una sa kanmu. Dinayu nimu aku ag ipinalabi waya nimu ti manga diyus-diyusan baul.

1 Hari 16:13

Dahil ginalit ni Baasa hanggan niya anak ni Ila ti Panginuun, ti Diyus Israil, sa manga binuwat nida kasalanan, imaw ti pinun-an kasalanan manga taga Israil sa panab-anan pagsamba sa manga diyus-diyusan.

1 Hari 16:26

Nagsunud siya sa pagpangabuhi ni Hirubuam kay anak ni Nabat hanggan sa kay binwat kasalanan, imaw ti pinun-an kasalanan manga taga Israil, sa panab-anan pagsamba sa manga diyus-diyusan. Nakan nagalit sa kanda ti Panginuun, ti Diyus Israil.

2 Hari 17:11

Nagsunug sida manga kamangyan sa kada simbahan sa abwat pag manga rugar, parihu sa binuwat manga nasyun ipinalayas Panginuun sa panab-anan nida. Nagbuwat sida daut pag manga bagay pag-ikagalit Panginuun.

2 Hari 17:15

Ipinurya nida kay manga surundanun hanggan kasunduan kay binwat sa kanda manga ginurang, binaliwala nida ti manga pasandam sa kanda. Sinunud nida ti manga unman may pulus pag manga diyus-diyusan, ag sida nagbaliw diman unman may pulus. Sinunud nida ti manga nasyun sa kanda sangput una pagsabihan sida Panginuun danga magsunud. Binwat gid nida ti pag-irangan Panginuun pag manga bagay kanda buwatun.

2 Hari 21:6

Isinagda niya kay sadili pag anak sa apuy. Binwat diman niya ti manga pagbuwatun manga panhirian hanggan manga manugpintu, ag nagpaingana siya sa manga pandaniwan maghampang sa karadwa manga namatay. Subra gid kay kasalanan sa Panginuun, pag-ikagalit inda Panginuun.

2 Hari 22:17

Ipakakit gid niku kang pangagalit sa inda pag rugar ag balaw inda umapas, dahil binugyahan aku nasakupan ag nagsunug sida kamangyan sa pagsamba sa tuhay pag diyus. Ginalit gid nida aku sa kanda manga binuwat.’

Kanta 31:6

Pagkadat-an niku ti manga magsamba sa manga diyus-diyusan unman may kabuluhan, dahil magsarig aku sa kanmu, Panginuun.

Kanta 78:58

Pinaimun ag pinaisug nida ti Diyus dahil sa kanda manga diyus-diyusan sa manga simbahan sa abwat pag manga rugar.

Isayas 65:3

Paggalitun nida aku. Pag-ipakakit nida sa kangku ti parargu nida pagsamba sa kanda diyus-diyusan sa panab-anan pagsagda sa manga tanum ag pagsunug manga kamangyan sa harandugan buwat sa daga pinaganit.

Hirimyas 10:8

Tanan sida maraganit kay ulu ag manga busal. Unman duy may pulus ti manga tudlu tungkul sa kanda manga diyus-diyusan binwat sa kayu.

Hirimyas 14:22

Unman una di usa ka diyus-diyusan manga nasyun ti makapauran ngatay makapaanitay. Una ti langit ngapu unman diman makapauran. Kawu lang, Panginuun kanmi Diyus ti lubus makabuwat inda, nakan sa kanmu duy kami pag magsarig.

Hirimyas 18:15

Dapat kang manga nasakupan magkalimut yi sa kangku. Magsunug sida kamangyan sa manga diyus-diyusan unman may pulus. Nagpatlikud sida sa insaktu ag daan pag dalan, linmakaw sida sa balaw mayad pag dalan nu naan nitalakpa sida.

Hirimyas 2:11

May nasyun aw nag-ilis kanda diyus una balaw tutuu diyus? Dapat aku, ti makamaskihan pag Diyus, ibinalyu niku manga nasakupan sa manga diyus unman may pulus.

Hirimyas 5:7

Magkun sa kanda ti Panginuun, “Hayga patawadun niku kamu? Una kanyu manga anak nagbugya sa kangku ag nagsumpa sa ngaran balaw tutuu pag diyus. Ipinakaun niku ti manga pangailangan nida, dapat nabwat waya nida ti panguragin hanggan ti pagdurutdutan sa balay manga babayi baraydan.

Hirimyas 7:18

Ti manga anak magkayu, ti manga ama magpamakut apuy, ti manga babayi magkamas arina hampay buwatun tinapay para sa Rayna Langit. Magsagda diman sida manga irinmun sa iba diyus hampay galitun aku.

Hirimyas 8:19

Patingihi niyu ti lulumian manga kasimanwa niku kuntay mag-adnugan inda sa buu daga. Magkun sida, “Unman yi aw lugud ti Panginuun sa Hirusalim? Unman yi aw lugud ati ti Diyus, ti Hari sa Hirusalim?” Sinmagut ti Panginuun, “Hayga niyu aku ginalit sa panab-anan niyu pagsamba sa manga diyus-diyusan unman may pulus?”

Isikil 8:3

Ihinunat niya kay ga kamang ag hiniyaptan niya aku sa buhuk. Ipinaabwat aku Ispiritu sa kapawaan ag dinara sa Hirusalim, sa salatan baliwa pag sabian sa sulud sugkadan Balay Diyus, nu naan nakapauli ti usa ka diyus-diyusan nakapagalit gid sa Diyus.

Husyas 1:10

Dapat rumas-ug ti sirang kaawaan niku sida ag papaladan; bumaliw sida ga baras sa baybay dagat kay kayamu unman matakal ngatay mabilang. Taynguna pag-ingarnan sida, ‘Balaw kang nasakupan,’ dapat aban ingarnan sida, ‘Manga anak buhi pag Diyus.’

Hunas 2:8

Ti manga tawu magsamba sa unman may pulus pag manga diyus-diyusan balaw matinupadun sa kanmu.

Binwat 11:15

Magkun si Pidru, “Kang diway nag-umpisa nagbagaw sa kanda, kadaka sinuldan sida lubus Ispiritu Banal, parihu diman ga nangyari sa kanta sa kabag-u.

Binwat 14:15

magkun, “Danga duy buwatun niyu tunda. Kami manga tawu lang waydi parihu ga kanyu. Pag-itudlu nimi sa kanyu ti Mayad pag Barita tungkul sa kan Hisus hampay ipatlikud nimi kamu sa tunda pag manga buwat unman may kabuluhan ag hampay tudluan nimi kamu magsamba sa Diyus buhi. Siya ti naglalang sa langit, daga, dagat hanggan sa tanan-tanan bagay.

Ruma 10:19

Inda waya kang paingana, unman aw nguna nakaintindi ti nasyun Israil? Kaybi waya nasagut yi tunda ni Muysis magkun, “Ti manga tawu balaw paman masabi kuntay usa ka nasyun imaw ngap ti gamitun niku aban hampay sida pumahirak sa kanyu. Gamitun niku ti usa ka nasyun tawu unman may kadunungan hampay paisugun nida kamu.”

Ruma 9:25

Kainda kay sinabi Diyus sa ribru ni purupita Husyas magkun, “Tunda pag manga tawu balaw daan pinili niku pag nasyun, kang gid ngap ingarnan Kang yi Nasyun. Ti balaw daan niku pagmahalun pag nasyun, kang gid ngap ingarnan Mahal Niku.

1 Kurintu 10:22

Gustu aw lugud nita masubukan kay irang Panginuun, kita aw lugud lalu mabisug man sa kanya?

Diyuturunumiyu 32:16

Pinaimun nida ag ginalit ti Panginuun sa kanda mayagting pag manga diyus.

Diyuturunumiyu 32:17

Nagsagda sida sa manga labang balaw tutuu pag diyus — manga diyus balaw nida kilala ag bag-u lang linmutaw, ag balaw ginalang nida manga ginurang.

1 Samwil 12:21

Danga yi kamu magsunud sa manga diyus-diyusan unman makaawat, unman diman makaparibri sa kanyu dahil unman ngani may pulus.