Diyuturunumiyu 32:11 - Hanunuu

¹¹ Tinanudan niya sida parihu sa agila magtanud sa kay manga pispis habang kay pagpatigayunun sa paglayang. Pagladladun niya kay manga pakpak hampay sambutun ag darahun sida.

Diyuturunumiyu 32:11 Iomraidhean Croise

Gimpuunan 1:2

Ti kalibutan unman waya may histuda, unman waya may imaw una hintay. Ti danum malantapan sa kalibutan nas-ub kadudulman. Ag ti Ispiritu Diyus mag-arayhay sa babaw danum.

Kanta 18:10

Sinmakay kawu sa kirubin, mabisug linmayang napadara sa durus.

Pag-ighit 19:4

‘Nakitan gid niyu nu hintay kang binwat sa manga Ihipsiyu, ag nu kabitay kamu niku dinara sitay tag sa kangku, parihu sa pagdara agila sa kay manga pispis sa panab-anan niya manga pakpak.

Isayas 31:5

Aku, ti Panginuun Makamaskihan, tanudan niku ti Hirusalim ga manuk magtanud sa kay pugad. Dahanan niku inda, iribri, ag balaw pabay-anan.”

Isayas 40:31

dapat ti manga magpaniwala sa Panginuun magkaimaw di kabisugan. Lumayang sida parihu sa agila. Una malagiw sida balaw gasaun. Manlakaw sida dapat balaw manlumuy.

Isayas 46:4

Alagaan niku kamu tugka sa maggurangun ag manlagti kanyu buhuk. Linalang niku kamu nakan kamu alagaan niku. Awatan niku kamu ag iribri.

Isayas 63:9

Sa tanan nida karukuan, magkaruku diman siya, ag irinibri niya sida sa panab-anan anghil nagpaburayhaw sa kay uyahun. Dahil sa kay pagmahal ag pangaawa irinibri niya sida. Kaybi di waya ginan, inalagaan niya sida sa tanan pag sirang.

Hirimyas 13:11

Nu kabitay mana ti huragkus mahawudan maghut sa awak tawu, gustu diman mana niku ti tanan nasakupan Israil hanggan Huda mihawud maghut sa kangku. Pinili niku sida hampay dayawun nida aku ag galangun, dapat dayu sida mamatingi sa kangku. Aku, ti Panginuun ti magsabi inda.”

Husyas 11:3

Aku ti nag-alaga sa kanda. Inabat niku sida ag tinudluan maglakaw, dapat unman nida kinilala aku ti nag-alaga sa kanda.

Diyuturunumiyu 33:12

Magkun si Muysis tungkul sa lahi ni Binhamin, “Pagmahalun Panginuun ti lahi ni Binhamin, ag pag-ipakarayu niya sida sa kadautan ag pag-alagaan sa buu sirang.”

Hibriyu 11:3

Dahil sa kanta pagsarig sa Diyus nakan naintindihan nita ti kalibutan namhan dahil sa kay Bagaw Diyus. Ti manga mag-akitan nita, binwat Diyus ginan sa unman may mag-akitan sa mata.

Ipinakakit 12:14

Dapat ti babayi pinakan-an manga pakpak agila daka hampay makalayang siya tabug sa pangawakawaan. Ati siya pag alagaan sa sulud tulu ka timpu may tunga arayu ginan sa ulay.

Ipinakakit 12:4

Linaptik ikug daragun ti ikatlu pag bahagi manga pamgasan sa langit bag-u kay ayinmut tag sa daga. Bag-u tinmuhung ti daragun sa atubangan babayi arani yi manganak hampay kay alakhakun ti lapsag nu milusad.