Diyuturunumiyu 32:10 - Hanunuu

¹⁰ Nakitan niya sida sa tigangan daga, sa rugar harus unman may magtubu tanum. Inalagaan niya sida ag binantayan parihu sa pag-alaga tawu sa kay alintawu mata.

Diyuturunumiyu 32:10 Iomraidhean Croise

Istir 6:13

Pagka rinmas-ug siya sa kay balay, itinultul niya sa kay asawa sa kan Siris hanggan sa kay manga kakilala ti tanan nangyari. Magkun kay asawa sa kanya hanggan kay manga manugpatigayun pag kakilala, “Amat-amat kawu magkatalu ni Murdukyu. Dayu nimu siya matalu dahil usa siya ka Hudiyu. Pihu gid matalu di kawu.”

Kanta 107:40

pagsaadan Diyus ti manga mag-api sa kanda ag pagpatalangun sa pangawakawaan unman may manga dalan.

Kanta 17:8

Alagai aku parihu sa pag-alaga tawu sa kay mata, ag alagai aku parihu sa pag-alaga manuk sa kay manga butu sa sirung niya manga pakpak.

Kabagawan 7:2

buwata ti manga pag-isugu niku sa kanmu, hampay lumawig kanmu buhi. Dahanan kaayad ti manga pag-itudlu niku sa kanmu parihu sa pagdahan nimu sa kanmu mata.

Kanta ni Sulumun 8:5

Si unu lugud inda ti magras-ug ginan sa pangawakawaan maslandigan sa kay aguman lalaki? Pinulaw niku kanmu tagipusuun sa sirung puun kayu mansanas, nu naan kawu pag-iinanak.

Isayas 63:9

Sa tanan nida karukuan, magkaruku diman siya, ag irinibri niya sida sa panab-anan anghil nagpaburayhaw sa kay uyahun. Dahil sa kay pagmahal ag pangaawa irinibri niya sida. Kaybi di waya ginan, inalagaan niya sida sa tanan pag sirang.

Hirimyas 13:11

Nu kabitay mana ti huragkus mahawudan maghut sa awak tawu, gustu diman mana niku ti tanan nasakupan Israil hanggan Huda mihawud maghut sa kangku. Pinili niku sida hampay dayawun nida aku ag galangun, dapat dayu sida mamatingi sa kangku. Aku, ti Panginuun ti magsabi inda.”

Hirimyas 2:17

“Kamu di waydi manga Israilita ti nagdara inda pag kadamhakan sa kanyu sadili. Dahil dinayu niyu aku, ti Panginuun niyu Diyus, ti naggiya sa kanyu maglakaw.

Hirimyas 2:6

Udyi nida aku hinanap una aku yi ti nagpalwas sa kanda sa Ihiptu hanggan ti nag-una sa kanda sa pangawakawaan unman may tanum — tigangan pag daga, may manga tuyungan, mahawag ag unman may mag-uli ngatay maglakaw.

Isikil 16:5

Unman gid may magpasunaid sa pagbuwat inda pag manga bagay sa kanmu; unman gid may naawa sa kanmu. Bagkus ngap, iyinmut kawu sa karatagan, ag kinadat-an kawu ginan sa sirang nimu pagkalusad.

Isikil 20:36

Pihuun niku kamu, nu kabitay pinihu niku kanyu manga ginurang sa pangawakawaan Ihiptu. Aku, ti Panginuun Diyus, ti magbagaw inda.

Husyas 11:3

Aku ti nag-alaga sa kanda. Inabat niku sida ag tinudluan maglakaw, dapat unman nida kinilala aku ti nag-alaga sa kanda.

Husyas 13:5

Inalagaan niku kamu sa pangawakawaan, sa tigangan pag rugar.

Sakaryas 2:12

Ag apuun maan Panginuun ti Huda bilang kay bahagi sa banal pag daga Israil. Ag ti Hirusalim baliwun diman niya kay pinili pag banwa.

Sakaryas 2:8

Pagka nakitan niku ti manga ipinakakit tida, sinugu aku Panginuun mamagaw laban sa manga nasyun naggira ag nagbuul sa kanyu manga kasiyunan. Dahil una si unu ti bumuwat daut sa kanyu, ga magbuwat diman daut sa mahal pag Panginuun. Inda ti pagsabihun Panginuun Makamaskihan laban sa ati pag manga nasyun:

Ruma 2:18

Alam nimu kay kagustuhan, nakilala diman nimu nu hintay ti mayad, dahil imaw ti itinudlu Kasuguan sa kanmu.

Ruma 3:2

Daka gid duy. Un-an gid sa tanan, ti manga Hudiyu ti pinaintirgahan manga katutuuhanan bagaw Diyus.

Diyuturunumiyu 1:19

“Angay sa pag-isugu Panginuun nita Diyus, nighit kita ginan sa Bantud Sinai, bag-u naglakaw sa maluang ag madala pag pangawakawaan kanyu gid nakitan, bag-u inmatag kita sa kabantudan manga Amuriyu. Pagras-ug nita sa Kadis Barnia,

Diyuturunumiyu 1:31

hanggan sa pangawakawaan. Nakitan niyu nu kabitay kamu inalagaan Panginuun niyu Diyus, parihu sa ama mag-alaga sa kay anak, tugka sa makaaput kamu sa inda pag daga.’

Diyuturunumiyu 4:36

Ipinadnug niya sa kanyu kay busis ginan sa langit hampay kamu bilinan. Ipinakakit niya sa kanyu sitay sa babaw daga kay makamaskihan pag apuy bag-u nanhampang siya sa kanyu ginan sa inda pag apuy.