Diyuturunumiyu 32:1 - Hanunuu

¹ Langit, pagpatingi dahil mamagaw aku! Daga, patingihi kang manga bagaw.

Diyuturunumiyu 32:1 Iomraidhean Croise

Kanta 49:1

Pagpatingi kamu, tanan kamu pag manga nasakupan mag-uli sitay sa kalibutan,

Kanta 50:4

Pagtawagan niya ti kalangitan ag ti kalibutan hampay kumastigus sa kay pagsintinsiya sa kay nasakupan.

Isayas 1:2

Patingihi niyu langit ag daga, dahil magkun ti Panginuun, “Inalagaan niku ag pinadaka ti manga Israilita kang manga anak, dapat naglaban sida sa kangku.

Isayas 34:1

Kamu pag manga nasyun, pagpakarani kamu ag pagpatingi kaayad. Pagpatingi ti buu kalibutan hanggan ti tanan asan sa kanya.

Hirimyas 2:12

Kinulbaan ti buu kalangitan sa binuwat nida; ag natandug sa daka pag kadiklahan. Aku, ti Panginuun, ti magsabi inda.

Hirimyas 22:29

Daga Huda, patingihi nimu ti bagaw Panginuun.

Hirimyas 6:19

Buu kalibutan, pagpatingi kamu! Mamadara aku kadamhakan sa manga tawu sitay bilang parusa sa kanda manga daut paggayakun. Dahil balaw nida pinatingihan kang manga bagaw, dinayu nida ti manga kasuguan niku.

Diyuturunumiyu 30:19

“Taynguna pag sirang, nagtawag aku sa langit ag daga hampay kumastigus nu naan sitaay kanyu piliun: buhi ngatay kamatayan, papalad ngatay saad. Pilia mana niyu ti buhi hampay mabuhi kamu dugay hanggan kanyu manga anak.

Diyuturunumiyu 31:19

“Nakan suratan nimu inda pag kanta bag-u tudluan sa manga Israilita. Ipakanta nimu inda sa kanda hampay kastigus niku inda laban sa kanda.

Diyuturunumiyu 31:28

Tipuna sa kang atubangan ti tanan manugpamahala sa kanyu lahi hanggan ti tanan takinan hampay sabihun niku sa kanda inda pag manga bagay. Ag tawagun niku ti langit ag ti daga bilang kastigus laban sa kanda.

Diyuturunumiyu 31:30

Inda ti kabuuhan kanta kay ipinadnug ni Muysis sa buu kapulungan Israil:

Diyuturunumiyu 4:26

“Kainda pag sirang, saksi niku ti langit ag ti daga laban sa kanyu nu balaw niyu sundun aku, unman kamu dumugay sa kanyu manahun pag daga ati sa baliw dipay Hurdan. Mangulian kamu ati ngalay lang pag panahun, bag-u maruris kamu lubus.