Diyuturunumiyu 31:6 - Hanunuu

⁶ Pagpakarig-un kamu ag pag matutum. Danga kamu magkadala sa kanda dahil ti Panginuun niyu Diyus mag-iba sa kanyu; balaw niya kamu tayakan ngatay pabay-anan.”

Diyuturunumiyu 31:6 Iomraidhean Croise

Gimpuunan 26:24

Sa tunda pag yabi sa kay pagras-ug, napakakit sa kanya ti Panginuun ag magkun, “Aku ti Diyus nimu ama, ni Abraham. Danga kawu magkadala dahil kaibahan nimu aku. Papaladan niku kawu ag pakan-an mayamu pag lahi dahil sa kan Abraham kang manugsirbi.”

Gimpuunan 28:15

Pirmi nimu alalahanun aku kanmu kaibahan ag alagaan niku kawu una naan tabug. Ipabalik niku kawu sa inda pag daga ag balaw pabay-anan tugka sa matupad niku kang itinaratu sa kanmu.”

2 Samwil 10:12

Pagpakatatag kamu! Manlaban kita sa buu nita kabisugan para sa kanta manga nasakupan hanggan sa manga banwa nita Diyus. Buwatun Panginuun nu hintay ti mayad sa kanya.”

1 Hari 2:2

“Arani yi aku mamatay. Nakan pagpakarig-un kawu ag pagpakabaskug,

1 Hari 8:57

Mana ibahan kita Panginuun nita Diyus parihu sa kay pag-iba sa kanta manga ginurang. Mana balaw niya kita bugyahan ngatay pabay-anan.

1 Krunika 22:13

Ag nu matupad nimu mayad ti manga sugu ag manga surundanun, ipinakaun niya sa Israil sa panab-anan ni Muysis, bumaliw marapanalu kawu. Nakan pagpakabisug kawu ag pagpakarig-un. Danga kawu magkadala ngatay maglubay.

1 Krunika 28:10

Nakan isipa inda kaayad. Pinili kawu Panginuun sa pagpatindug Balay Diyus para ati siya dayawun. Pagpakarig-un kawu, ag buwata inda pag buruwatun.”

1 Krunika 28:20

Magkun waydi si Dabid sa kay anak si Sulumun, “Pagpakarig-un kawu ag pagpakabaskug. Umpisahi yi ti pagbuwat. Danga kawu magkadala ngatay maglubay, dahil ti Panginuun Diyus, kang Diyus, kaibahan nimu. Unman kawu niya tayakan ngatay pabay-anan tugka matapus ti tanan pag buwat para sa Balay Diyus Panginuun.

2 Krunika 32:7

“Pagmatutum kamu ag pagpakaisug. Danga kamu magkadala ngatay manlubay dahil sa hari taga Asirya ngatay sa mayamu niya pag manga sundalu. Dahil higit makamaskihan ti sa kanta kaysa sa kanya.

Kanta 27:1

Ti Panginuun kang sulu ag manugribri, nakan unman aku magkadala! Ti Panginuun kang darangpan. Balaw aku may pagkadalaan!

Kanta 27:14

Pagsarig kamu sa Panginuun! Pagpakarig-un kamu, danga magkabul-an pag-asa. Pagsarig lang kamu sa Panginuun!

Kanta 94:14

Dahil balaw gid nimu pagbugyahan, Panginuun, ti pag-apuun nimu pag nasakupan.

Isayas 41:10

Danga kawu magkaarimputu dahil aku kanmu Diyus. Pabisugun niku kawu ag awatan. Alagaan niku kawu sa panab-anan niku kamaskihan imaw ti rumibri sa kanmu.

Isayas 51:12

Sinmagut ti Panginuun, “Aku ti nagpabisug ag nagpasulung sa kanyu. Nakan hayga kamu madala sa kaparihu niyu tawu mamatay diman ga ilamnun?

Hirimyas 1:8

Danga kawu magkadala sa manga tawu dahil kaibahan nimu aku ag awatan niku kawu. Aku, ti Panginuun, ti magsabi inda.”

Hirimyas 32:40

Mamuwat aku kasunduan unman may katugkaan sa kanda kuntay parargu aku magbuwat kaayadan sa kanda. Pakan-an niku sida maghinaum maggalang sa kangku hampay balaw yi sida pumakarayu sa kangku.

Hagay 2:4

Dapat pag matutum kamu! Iparargu niyu ti pagbuwat sa Balay Diyus dahil kaibahan niyu aku, ti Panginuun Makamaskihan.

Sakaryas 8:13

Manga nasakupan Huda ag Israil, pagsaadan kamu iba manga nasyun. Dapat iribri niku kamu ag bumaliw papalad kamu sa kanda. Nakan danga kamu magkadala, pagpakarig-un kamu.”

Bilang 13:20

Bantayi diman niyu nu abunda aw sa ani pag daga ngatay unman, ag nu may manga kayu aw ngatay unman. Ag sikapun niyu makadara manga burak kayu sa kanyu pagbalik.” (Ati katpung tiglulutu ubas.)

Bilang 14:9

Danga lang kamu maglaban sa Panginuun. Ag danga kamu magkadala sa manga tawu taga ati dahil matalu di nita sida. Unman may mangawat sa kanda, dapat ti Panginuun ti mangawat sa kanta. Nakan danga kamu magkadala sa kanda.”

Lukas 12:32

Sinabi ni Hisus magkun, “Danga kamu magkadala una kamu ga balaw mayamu, dahil kay ibug ngapu niyu Ama iintirga sa kanyu ti kaharian.

1 Kurintu 16:13

Pagdahan kamu, pagpakarig-un kamu sa kanyu pagsarig, pagmatutum kanyu naisipan, kamu pagmabisug.

Ipisu 6:10

Inda wadi kang bilin sa kanyu, pagpakarig-un kamu dahil sa kanyu pakiusa sa Panginuun ag dahil sa awat niya daka pag kamaskihan.

Diyuturunumiyu 1:21

Bantayi niyu ti inayaw niya pag daga sa kanyu! Apuun niyu inda angay sa sinabi Panginuun, ti Diyus niyu manga ginurang. Danga kamu magkadala ngatay magpanlumuy.’

Diyuturunumiyu 1:29

“Bag-u magkun aku sa kanyu, ‘Danga kamu magkakulbaan ngatay magkadala sa kanda.

Diyuturunumiyu 11:8

“Nakan sunda niyu ti tanan sugu kang pag-ipakaun sa kanyu taynguna hampay may kabisugan kamu sa pagpanlakawun hanggan sa pag-apu daga ati sa baliw dipay Hurdan.

Diyuturunumiyu 20:1

“Nu maglakaw kamu hampay manggira sa kanyu manga kalaban, ag mag-akitan niyu kanda manga kabayu, manga kalisa hanggan manga sundalu mas mayamu waya kaysa kanyu, danga kamu magkadala sa kanda, dahil kaibahan niyu ti Panginuun niyu Diyus ti nagpalwas sa kanyu sa Ihiptu.

Diyuturunumiyu 31:23

Binilinan Panginuun si Huswi kay anak ni Nun: “Pagpakarig-un kawu ag pagmatutum, dahil kawu ti mandumara sa manga Israilita atabug sa daga kang itinaratu iayaw sa kanda, ag ibahan niku kawu.”

Diyuturunumiyu 31:7

Bag-u tinawagan ni Muysis si Huswi ag sinabihan sa atubangan tanan Israilita, “Pagpakarig-un kawu ag pag matutum, dahil kawu ti pumangulu sa inda pag manga tawu atabug sa daga itinaratu Panginuun iayaw sa kanda ginurang. Kailangan hurayun nimu inda sa kanda bilang mana nida.

Diyuturunumiyu 31:8

Pangunahan kawu Panginuun ag giyahan niya kawu; balaw niya kawu tayakan ngatay pabay-anan. Nakan danga kawu magkadala ngatay magpanlumuy.”

Diyuturunumiyu 4:31

Dahil ti Panginuun niyu Diyus maawaun, balaw niya kamu pabay-anan ngatay rurisun. Balaw niya kalimtan ti kasunduan kay itinaratu sa kanyu manga ginurang.

Diyuturunumiyu 7:18

Dapat ay danga kamu magkadala sa kanda, nu unman alalahanun ngap niyu ti binuwat Panginuun niyu Diyus sa hari Ihiptu hanggan sa tanan Ihipsiyu.

2 Timutiyu 2:1

Timutiyu, kang pinagkaanak, pagpakarig-un kawu sa kaayadan kay pag-ipakaun ni Kiristu Hisus dahil sa kanmu pakiusa sa kanya.

Hibriyu 13:5

Danga kamu mag-ugali maraibgun sa kuwarta. Pagmasulung yi lang kanyu naisipan sa kanyu kahamtangan. Dahil Diyus diman ti may sabi magkun, “Una sa hintay ngarana balaw pakurangan niku kawu, una sa hintay ngarana unman gid pabay-anan niku kawu.”

Huswi 1:9

Alalahana nimu inda kang manga bilin sa kanmu: ‘Pagpakarig-un kawu hanggan pagkatutum. Danga kawu magkadala ngatay maglumuy, dahil aku, ti Panginuun kanmu Diyus, kaibahan nimu una naan tag kawu.’ ”

Huswi 10:25

Magkun si Huswi sa kanda, “Danga kamu magkadala ngatay magpanlumuy. Pagpakarig-un kamu ag pagpakatutum. Katida ngani ti buwatun Panginuun sa tanan niyu manga kalaban.”

Ipinakakit 21:8

Dapat makuri masyadu ti malakawan manga madalain, manga unman nagsarig sa Diyus, manga magkadara sa daut pag kahalayan, manga maglibun sa kay kaparihu tawu, manga uragin, manga magsarig sa kapangyarihan ni Satanas, manga magsamba sa diyus-diyusan hanggan tanan pag manga pudilun. Iyamut sida sa malabdaban danaw apuy asupri, tida imaw ti ikadwa pag kamatayan.”

1 Samwil 12:22

Balaw gid kamu pabay-anan Panginuun, dahil balaw niya gustu mangay-a kay ngaran. Pag-ikabaya gid niya kamu buwatun nasakupan niya.