Diyuturunumiyu 31:27 - Hanunuu

²⁷ Dahil alam di niku nu kabitay kamu maralabag ag maganit kanyu ulu. Una ngani taynguna kaibahan niyu aku, maglaban yi kamu sa Panginuun, lalu waya gid nu tigbak yi aku!

Diyuturunumiyu 31:27 Iomraidhean Croise

2 Krunika 30:8

Nakan danga maganit kanyu ulu parihu sa kanyu manga ginurang, nu unman pagpasakup kamu sa Panginuun. Pag-atag kamu sa Balay Diyus kay pinabanal hanggan aban. Ag pagsirbi kamu sa Panginuun niyu Diyus, hampay madura ti masyadu niya pag galit sa kanyu.

Nihimyas 9:16

Dapat sida kanmi manga ginurang nagmarapalabaw-labaw, maganit kay ulu, unman masinurundun sa kanmu manga sugu.

Nihimyas 9:29

Pagpasandaman nimu sida kuntay pagtupad maan sa kanmu Kasuguan, dapat marapalabaw sida ag unman nida pagtupadun kanmu manga sugu. Nagsalan sida laban sa kanmu manga sugu magpakaun tutuu pag buhi sa magtupad inda. Sa kaganitan nida manga ulu nagpatlikud sida sa kanmu, ag dayu sida mamatingi sa kanmu.

Kanta 78:17

Dapat kanta manga ginurang nagparargu sa pagbuwat kadautan laban sa kanya. Ati sa pangawakawaan naglaban sida sa Kaabwat-abwatan pag Diyus.

Kanta 78:8

Balaw sida pumarihu sa kanda manga ginurang manga maganit kay ulu, balaw matinupadun, balaw marig-un kanda pagsarig sa Diyus, ag balaw matapat sa kanya.

Isayas 30:9

Dahil manga manuglaban sida, pudilun, ag dayu mamatingi sa manga adal niku.

Isayas 48:4

Alam niku nu kabitay ka ganit kanyu ulu. Kanyu liug parihu kay ka ganit sa baul, kanyu bangas parihu kay kaganit sa galang.

Hirimyas 5:23

Dapat maganit kay ulu ag maralaban inda pag manga tawu. Kinalimtan ag pinatlikudan nida aku.

Isikil 20:21

“ ‘Dapat kanda manga anak naglaban diman sa kangku. Unman nida sinunud kang manga sugu hanggan manga surundanun, nu tupadun mana nida magpangabuhi sida. Unman gid nida pinahalgaan ti manga Sirang Pamahari kang ipinatupad sa kanda. Nakan magkun aku ipaagum niku kang masyadu pag pangagalit sa kanda ati sa pangawakawaan.

Binwat 7:51

Sigi waya gid kan Istiban paalaala sa Katipunan manga Pinunu magkun, “Tutuu maganit kanyu manga ulu. Kanyu tagipusuun parihu lang ga tawu unman nagsarig sa Diyus. Unman niyu pagpatingihan ti katutuuhanan. Unman waydi kamu magpaniwala sa pagsabihun Ispiritu Banal. Parihu yi lang gid kamu ga kanyu manga ginurang.

Diyuturunumiyu 31:26

“Bul-a niyu inda pag Ribru Kasuguan bag-u paulian sa saruy Kaban Kasunduan Panginuun niyu Diyus. Ati lang inda bilang kastigus laban sa nasakupan Israil.

Diyuturunumiyu 32:20

Nagbagaw siya, “Patlikudan niku sida, ag bantayan niku nu hintay gid abi kanda patabgan, dahil daut sida pag sinulput-lahi, manga anak balaw matinupadun.

Diyuturunumiyu 9:13

“Bag-u magkun waya gid ti Panginuun sa kangku, ‘Nakitan niku nu kabitay ka ganit kay ulu inda pag manga tawu.

Diyuturunumiyu 9:24

Ginan sa nakilala niku kamu lunsay lang paglaban sa Panginuun ti kanyu pagbuwatun.

Diyuturunumiyu 9:4

“Nu mapaighit yi sida Panginuun niyu Diyus, danga kamu magsabi sa kanyu sadili, ‘Dahil matadlung kita, nakan dinara kita sitay Panginuun hampay apuun inda pag daga.’ Balaw katida. Paighitun sida Panginuun dahil daut sida pag manga nasyun.

1 Samwil 12:15

Dapat nu unman patingihan niyu kay pagsabihun Panginuun, ag nu maglapastangan sa kay manga bilin, bumaliw kalaban niyu siya parihu sa kaybi sa kanyu manga ginurang.