Diyuturunumiyu 31:19 - Hanunuu

¹⁹ “Nakan suratan nimu inda pag kanta bag-u tudluan sa manga Israilita. Ipakanta nimu inda sa kanda hampay kastigus niku inda laban sa kanda.

Diyuturunumiyu 31:19 Iomraidhean Croise

2 Samwil 14:3

Bag-u pag-atag kawu sa hari ag sabiha nimu sa kanya kang sabihun sa kanmu.” Ag sinabi ngani ni Huab sa kanya ti dapat niya sabihun sa hari.

Kanta 102:18

Suratan inda para sa sunud pag manga sinulput tawu, agud dumayaw diman sida sa Panginuun:

Pag-ighit 4:15

Hampanga nimu siya ag tudlui nu hintay kay sabihun. Awatan niku kamu duwa sa pagbagaw, ag itudlu diman niku sa kanyu nu hintay kanyu buwatun.

Isayas 51:16

Itinudlu niku sa kanyu kang bagaw, ag pagbaliwahan niku kamu sa panab-anan niku kamaskihan. Aku ti nagpauli langit hanggan paratukawan kalibutan, ag aku ti magkumun sa Israil, ‘Kawu kang nasakupan.’ ”

Isayas 59:21

Inda kang kasunduan sa kanyu: Dayu madura kang Ispiritu asan sa kanyu hanggan kang manga itinultul pag bagaw sa kanyu. Tultulan niyu inda sa kanyu manga anak, ag kailangan itultul maan nida inda sa kanda manga anak tugka sa dumasun pag manga sinulput. Aku, ti Panginuun, ti magsabi inda.”

Hirimyas 1:9

Bag-u hinikap Panginuun kang tarip bibig ag magkun, “Ipakaun niku sa kanmu taynguna ti sarabihun nimu pag manga bagaw niku.

Isikil 2:5

Mamatingi ag sa unman inda pag manga maglaban, maalaman nida may purupita maaw asan sa kanda.

Matiyu 10:18

Dahil sa kanyu magpasakup sa kangku, ipaatubang kamu sa manga gubirnadur hanggan sa manga hari hampay tumultul kamu tungkul sa kangku sa atubangan nida hanggan sa manga balaw Hudiyu.

Huwan 12:48

Dapat may sumintinsiya sa tawu nu siya magdayu sa kangku ag nu unman siya magpaniwala sa kang pagbagawun. Kang ngap manga binagaw imaw ti sumintinsiya sa kanya sa katapusan panahun aban.

Diyuturunumiyu 11:19

Tudluan pirmi inda sa kanyu manga anak. Hampangi niyu inda nu siyun kamu sa kanyu balay ag una sa kanyu maglakaw, una sa kanyu magpahari ag nu magbangun kamu.

Diyuturunumiyu 31:18

Patlikudan gid niku sida sa tunda pag udas dahil sa tanan nida binwat kadautan sa panab-anan pagsamba sa iba pag manga diyus.

Diyuturunumiyu 31:26

“Bul-a niyu inda pag Ribru Kasuguan bag-u paulian sa saruy Kaban Kasunduan Panginuun niyu Diyus. Ati lang inda bilang kastigus laban sa nasakupan Israil.

Diyuturunumiyu 31:30

Inda ti kabuuhan kanta kay ipinadnug ni Muysis sa buu kapulungan Israil:

Diyuturunumiyu 32:1

Langit, pagpatingi dahil mamagaw aku! Daga, patingihi kang manga bagaw.

Diyuturunumiyu 6:7

Tudluan pirmi inda sa kanyu manga anak. Hampangi niyu inda nu siyun kamu sa kanyu balay ag una sa kanyu maglakaw, una sa kanyu magpahari ag nu magbangun kamu.

Huswi 24:27

Ag magkun si Huswi sa tanan manga tawu, “Inda pag batu imaw kanta kastigus kuntay nagpakihampang ti Panginuun sa kanta. Pumatutuu inda laban sa kanyu nu unman kamu mantupad sa kanyu sinabi sa Diyus.”