Diyuturunumiyu 31:17 - Hanunuu

¹⁷ Sa ati pag sirang, mangisug aku sa kanda ag bugyahan niku sida. Patlikudan niku sida bag-u maruris sida. Mayamu pag kadamhakan ag kakurian ti rumas-ug sa kanda, bag-u sa tunda pag udas mamaingana sida, ‘Nagras-ug aw sa kanta inda pag kadamhakan dahil balaw kita pag-ibahan Panginuun?’

Diyuturunumiyu 31:17 Iomraidhean Croise

1 Hari 8:57

Mana ibahan kita Panginuun nita Diyus parihu sa kay pag-iba sa kanta manga ginurang. Mana balaw niya kita bugyahan ngatay pabay-anan.

2 Hari 22:13

“Pagpaingana kamu sa Panginuun para sa kangku ag para sa nasakupan Huda tungkul sa nakasurat sa ribru nakitan. Masyadu gid ti pangagalit Panginuun sa kanta dahil unman nagsunud kanta manga ginurang sa nakasurat sa inda pag ribru, ti pag-isugu diman sa kanta.”

1 Krunika 28:9

“Ag kawu, Sulumun anak niku, kilalan-a ag sirbihi ti Diyus ga kanmu ama sa buu nimu tagipusuun ag kaisipan, dahil mag-akitan Panginuun ti kada tagipusuun ag alam niya kanta gayak ag pag-isipun. Nu magdangup kawu sa kanya, awatan kawu niya; dapat nu mamugya kawu sa kanya, dayuun kawu niya tugka aban.

2 Krunika 15:2

Napasampak siya kan Asa ag magkun, “Patingihi niyu aku Hari Asa, hanggan kamu tanan pag taga Huda ag taga Binhamin. Pumirmaminti ti Panginuun sa kanyu habang pirmaminti kamu sa kanya. Nu mandangup kamu sa kanya, awatan niya kamu. Dapat nu patlikudan niyu siya, patlikudan waydi niya kamu.

2 Krunika 21:10

Taynguna tugka maglaban waya ti Idum sa Huda. Sa ati diman pag panahun, naglaban diman ti Libna sa Huda, dahil dinayu ni Hihuram ti Panginuun, ti Diyus niya manga ginurang.

2 Krunika 24:20

Sinuldan Ispiritu Diyus si Sakaryas kay anak ni Hihuyada. Tinmindug siya sa atubangan manga tawu ag magkun, “Inda ti pagsabihun Diyus: Hayga balaw niyu sinunud ti manga sugu Panginuun? Unman kamu umalwan. Dinayu niyu ti Panginuun, nakan dayuun diman niya kamu.”

Nihimyas 9:32

“Kawu kanmi Diyus makamaskihan ag tutuu makadululaw gid. Pagtupadun nimu kanmu kasunduan ag pag-ipakakit nimu kanmu pagmahal. Taynguna, unman pagpahalagaan kanmi manga pag-agwanta. Nag-agwanta kami tanan kanmu nasakupan, hanggan kanmi manga hari, manga takinan, manga manughandug, manga purupita hanggan manga ginurang, ginan waya sa panahun pinakurian kami manga hari Asirya tugka kainda.

Hub 13:24

Hayga lugud mag-aman kawu sa kangku, ag pagbaliwun nimu aku kanmu kalaban?

Hub 34:11

Pagbalusan niya ti tawu angay sa kay binuwat; pagmayadun niya inda angay sa kay ugali.

Kanta 104:29

Dapat nu pabay-anan nimu sida, magkadala sida; nu bul-un nimu kanda arup, magkamatay sida ag magbalik sa daga sa nagbul-an sa kanda.

Kanta 2:12

Sunda niyu kay pinili pag hari, dahil nu unman, barang kadaka mangisug siya ag rargu ipadamhak niya kamu. Mapalad ti kada tawu maghagad awat sa Panginuun.

Kanta 27:9

Danga kawu magpatagu sa kangku! Danga aku pagbugyahi dahil sa kanmu pangagalit sa kangku, sa kanmu manugsirbi. Kawu ti mag-awat sa kangku, nakan danga aku pagpabay-ani ngatay pagbugyahi, Diyus kang manugribri.

Kanta 44:10

Ipinapalagiw nimu kami sa kanmi manga kalaban. Ag pinanbuul nida kanmi manga kasiyunan.

Kanta 89:46

Panginuun, kapira waya lugud tugka kawu pag magpatagu? Tugka aw sa unman may katapusan? Tugka kapira waya lugud kanmu pangagalit ga apuy?

Kanta 90:11

Balaw may nakalakaw kanmu lubus pangagalit. Ag habang magdugang kanmi naalaman sa kanmu pangagalit magdugang diman kanmi paggalang sa kanmu.

Isayas 2:6

Ungud duy ipinurya nimu, Panginuun, kanmu manga nasakupan, ti linahi ni Hakub, dahil nagpaniwala sida sa manga turun-anun ginan sa butlakan hanggan sa manga manughula, parihu sa manga Pilistiyu. Pagsundun nida ti ugali manga day-uhan.

Isayas 5:25

Nakan dahil sa masyadu pag galit Panginuun sa kanyu sa kay nasakupan, parusahan niya kamu. Matandug ti manga bantud ag magkarawayak sa manga baklayan kanyu manga bangkay ga manga paruk. Dapat udwaya gid maparaw kay pangagalit Panginuun. Nakaalistu di siya pumarusa sa kanyu.

Isayas 63:17

Panginuun, hayga kami kanmu pinahintulutan pumakarayu sa kanmu manga palakaw? Hayga pagpaganitun nimu kanmi tagipusuun imaw ti nagtiklud sa kanmi hampay balaw kami gumalang sa kanmu? Pagbalik duy kawu sa kanmi, dahil kami kanmu manugsirbi ag para lang sa kanmu.

Isayas 64:7

Unman una di usa sa kanmi ti maghagad ag maghingbut makahiyaput sa kanmu. Dahil napakarayu kawu sa kanmi, ag pinabay-anan nimu kami sa kanmi manga kasalanan.

Isayas 8:17

Magpaniwala aku sa Panginuun una waya pinatlikudan niya ti linahi ni Hakub. Sa kanya di aku pag magsarig.

Hirimyas 23:33

“Hirimyas, nu may mamaingana sa kanmu usa ka nasakupan, ngatay purupita, aw ngatay manughandug nu unu ti pagsabihun niku, sabiha nimu dinayu niku sida.

Hirimyas 23:39

kalimtan ag tabugun niku kawu ginan sa atubangan niku. Pabay-anan niku inda pag banwa ti ipinakaun niku sa kanmu manga ginurang.

Hirimyas 33:5

suldun diman inda manga taga Babilunya. Mayamu ti mamatay sa inda pag banwa dahil wayakun niku inda sa kang masyadu pag pangagalit sa kanyu. Pagdayuun niku inda pag banwa dahil sa kay kadautan nida.

Hirimyas 36:7

Barang abi sa panab-anan inda pumakarani sida sa Panginuun ag patlikudan nida ti daut nida pag-ugali. Dahil pinakan-an yi sida pasandam Panginuun kuntay sida parusahan niya dahil sa masyadu niya pag galit sa kanda.”

Hirimyas 40:2

Pagka nakitan ni Nibusaradan si Hirimyas, magkun siya sa kanya, “Ti Panginuun kanmu Diyus magsabi wayakun niya ti Hirusalim.

Hirimyas 8:19

Patingihi niyu ti lulumian manga kasimanwa niku kuntay mag-adnugan inda sa buu daga. Magkun sida, “Unman yi aw lugud ti Panginuun sa Hirusalim? Unman yi aw lugud ati ti Diyus, ti Hari sa Hirusalim?” Sinmagut ti Panginuun, “Hayga niyu aku ginalit sa panab-anan niyu pagsamba sa manga diyus-diyusan unman may pulus?”

Isikil 39:29

Balaw yi gid niku sida pabay-anan dahil ipadara niku kang Ispiritu sa kanda. Aku, ti Panginuun Diyus, ti magsabi inda.”

Husyas 10:4

Sigi lang sida sa bagaw dapat unman diman sa buwat. Magsumpa sida pudil ag magbuwat kasunduan unman diman pagtupadun. Nakan ngani ti katadlungan nagbaliw ga ilamnun makahilu magtubu sa inaradu pag daga.

Husyas 9:12

Una waya magkaanak sida, bul-un di niku sida tanan ag manrukuan kamu. Kaawaawa gid kamu nu pabay-anan yi niku.

Mikas 3:4

Sa udas parusahan kamu, manhagad kamu awat sa Panginuun, dapat balaw niya kamu awatan. Pabay-anan niya kamu dahil sa kanyu daut pag manga buwat.

Bilang 14:42

Danga kamu maglakaw, dahil ti Panginuun unman kaibahan niyu, ag matalu kamu niyu manga kalaban.

Diyuturunumiyu 29:20

Balaw gid siya patawadun Panginuun. Manlabdab ti pangagalit Panginuun sa kanya, ag mangyari gid sa kanya ti tanan nakasurat pag saad sa inda pag ribru, bag-u panasun Panginuun kay ngaran sa kalibutan.

Diyuturunumiyu 30:18

kainda di waya pagpaandaman yi niku kamu pihu gid kamu midamhak. Balaw kamu mabuhi dugay sa daga niyu suldun ag apuun ati sa baliw dipay Hurdan.

Diyuturunumiyu 30:19

“Taynguna pag sirang, nagtawag aku sa langit ag daga hampay kumastigus nu naan sitaay kanyu piliun: buhi ngatay kamatayan, papalad ngatay saad. Pilia mana niyu ti buhi hampay mabuhi kamu dugay hanggan kanyu manga anak.

Diyuturunumiyu 31:18

Patlikudan gid niku sida sa tunda pag udas dahil sa tanan nida binwat kadautan sa panab-anan pagsamba sa iba pag manga diyus.

Diyuturunumiyu 7:21

Danga kamu magkadala sa kanda dahil ti Panginuun niyu Diyus kaibahan niyu, ti makamaskihan ag makadululaw pag Diyus.

Talaghusay 10:6

Nagbuwat maan kadautan ti manga Israilita sa magbantay Panginuun. Nagpatlikud sida sa Panginuun ag nagsamba sa manga tawu-tawu Baal hanggan Astarut, ag sa manga diyus-diyusan Aram, Sidun, Muab, Amun, ag Pilistiya.

Talaghusay 6:13

Nagsagut si Gidyun, “Nu kaibahan nimi ti Panginuun, hayga unman siya magbuwat manga makadululaw parihu sa kay binwat kaybi pagka ipinalwas niya sa Ihiptu kanmi manga ginurang, angay sa kanda sinabi sa kanmi? Dapat taynguna pinabay-anan yi kami Panginuun ag ipinahintulut sa manga Midyanita.”