Diyuturunumiyu 31:16 - Hanunuu

¹⁶ Nagbagaw ti Panginuun sa kan Muysis, “Arani yi kawu mamatay ag miminsan sa kanmu manga ginurang. Nu udyi kawu, inda pag manga tawu mansamba sa iba pag manga diyus imaw ti pagsambahun manga tawu ati sa atagan nida pag daga. Bugyahan nida aku ag lapastanganun kang binwat kasunduan sa kanda.

Diyuturunumiyu 31:16 Iomraidhean Croise

Gimpuunan 15:15

Kawu waydi Abram, palawigun niku kanmu buhi ag mamatay kawu gurangun yi gid ag may kahusayan.

Gimpuunan 25:8

Namatay siya gurangun yi gid. Bag-u ipinaamut siya sa kay manga katawuhan namatay yi.

Gimpuunan 47:29

Pagka magkaramdaman niya arani yi siya mamatay, tinawagan niya si Husi ag magkun, “Nu mahimu, paulian nimu kanmu kamang sa tab-anan niku duwa ka balangbang ag pagsumpa kawu iparargu nimu kanmu mayad pag nabubut-un sa kangku. Danga aku paglubngan atay sa Ihiptu.

Gimpuunan 47:30

Nu mamatay yi aku, lubngan nimu aku sa lulubngan niku manga ginurang.” Nagsagut si Husi, “Tupadun duy niku kanmu pagsabihun.”

2 Samwil 7:12

Nu mamatay kawu ag ilbung kaibahan manga ginurang nimu, iilis niku sa kanmu ti usa sa kanmu manga anak, ag parig-unun niku kay maghari.

1 Hari 1:21

Nu balaw kawu manpaanyu, aku hanggan kang anak si Sulumun ipaparihu nida sa manugdaya nu tigbak yi kawu.”

1 Hari 18:18

Sinmagut si Ilyas, “Balaw aku ti magpan-gulu sa Israil, nu unman kawu hanggan ti magtal-anakan nimu ama. Dahil dinayu niyu ti manga sugu Panginuun ag sinamba niyu ti manga histuda diyus-diyusan Baal.

1 Hari 19:10

Sinmagut si Ilyas, “Panginuun, Diyus Makamaskihan, matinupadun duy aku magsirbi sa kanmu. Dapat dinayu manga Israilita ti kasunduan nida sa kanmu, winayak nida kanmu manga harandugan ag pinanmatay kanmu manga purupita. Aku wadi duy ti nasawad, ag paghingabtun diman nida aku matyun.”

2 Hari 18:12

Nangyari inda sa manga taga Israil dahil unman sida nagsunud sa Panginuun nida Diyus. Linabag nida ti kasunduan Panginuun sa kanda — ti tanan pag sugu ipinakaun Panginuun sa panab-anan ni Muysis kay manugsirbi. Unman sida nagpatingi ngatay nagsunud sa tunda pag kasunduan.

2 Hari 20:1

Ati pag udas, nasakit si Isikyas ag ga mamatay yi siya. Nag-ati sa kanya si Purupita Isayas kay anak ni Amus ag magkun, “Sinabi Panginuun buwata yi ti kailangan nimu buwatun dahil unman yi kawu maayadan, mamatay yi kawu.”

2 Krunika 21:11

Nagpatindug siya manga simbahan sa manga kabantudan Huda imaw kay dahilan pagsamba manga taga Hirusalim ag taga Huda sa manga diyus-diyusan.

Hub 20:11

Mabisug ag balaw waya gurangun siya mamatay yi ag ilbung.

Kanta 106:39

hanggan kanda sadili. Dahil sa kanda binwat, nagpudil sida sa Diyus parihu sa usa ka babayi magpanguragin.

Kanta 73:27

Pihu gid magkaradura ti manga tawu magpakarayu sa kanmu; ipadamhak nimu sida pag manga balaw magtupad sa kanmu.

Pag-ighit 32:6

Nakan pagkanasurip, madlum surip nagbangun yi ti manga tawu ag namakaun manga handug pagsunugun hanggan handug sa mayad pagpakiusa. Nansararuhan sida ag nanginuman, bag-u ilinubus kanda kabayaan sa pagsamba sa gintu baka.

Pag-ighit 34:15

Danga gid kamu magbuwat kasunduan sa manga tawu mag-uli sa daga kanyu atihan. Dahil barang matuksu kamu mangaun kanda manga ihinandug nu binan-awan kamu nida sa kanda maghandug ag magsamba sa kanda manga diyus.

Isayas 48:8

Balaw niyu napatingihan ngatay naintindihan inda pag manga bagay dahil ginan waya kaybi magpabungul-bungul yi kamu. Alam niku kanyu kapudilan, dahil ginan di waya sa kanyu pagkalusad maglaban yi kamu.

Hirimyas 31:32

Balaw inda parihu sa un-an pag kasunduan kang binuwat sa kanda manga ginurang katpung giniyahan niku sida sa pagluwas sa Ihiptu. Una aku ga kanda asawa, balaw nida tinupad ti un-an nimi pag kasunduan. Aku, ti Panginuun, ti magsabi inda.”

Hirimyas 36:7

Barang abi sa panab-anan inda pumakarani sida sa Panginuun ag patlikudan nida ti daut nida pag-ugali. Dahil pinakan-an yi sida pasandam Panginuun kuntay sida parusahan niya dahil sa masyadu niya pag galit sa kanda.”

Isikil 16:15

“ ‘Dapat nagsarig kawu sa kanmu karinuan, ag ginamit nimu kanmu pagkabantug sa kahalayan pagpanguragin. Nagpagamit kawu una lang sa kantapu pag lalaki maglawuy, ag nagpasawa-sawa sida sa kanmu.

Husyas 1:2

Inda ti ka bag-u sinabi Panginuun sa kan Husyas: “Pag-asawa kawu babayi magpanguragin, ag kanyu manga anak kilalan-un anak babayi uragin. Dahil inda ti mustara magpanguragin niku nasakupan sa panab-anan nida pagpatlikud sa Panginuun hanggan pagsamba sa manga diyus-diyusan.”

Husyas 10:4

Sigi lang sida sa bagaw dapat unman diman sa buwat. Magsumpa sida pudil ag magbuwat kasunduan unman diman pagtupadun. Nakan ngani ti katadlungan nagbaliw ga ilamnun makahilu magtubu sa inaradu pag daga.

Bilang 27:13

Nu maalantaw yi nimu inda, mamatay yi kawu parihu sa kanmu patar-ari sa kan Aarun.

Binwat 13:36

“Pagka natupad ni Dabid ti kagustuhan Diyus sa ati katpung pag manga tawu, namatay siya bag-u siya ilinbung kataid sa kay manga ginurang, nakalakaw karunutan kay bangkay.

Diyuturunumiyu 31:18

Patlikudan gid niku sida sa tunda pag udas dahil sa tanan nida binwat kadautan sa panab-anan pagsamba sa iba pag manga diyus.

Diyuturunumiyu 32:15

Nagmaalwan ti manga Israilita dapat naglaban sida. Nagtabul sida ag nagbisug, dapat pinatlikudan nida ti Diyus, ti naglalang sa kanda, ag binugyahan nida ti palalan-iban nida pag batu imaw ti kanda Manugribri.

Diyuturunumiyu 32:50

Ag sa tunda pag bantud mamatay kawu, ag miminsan kawu sa kanmu manga ginurang nagkaramatay yi, parihu sa kan Aarun kanmu patar-ari namatay sa Bantud Hur ag niminsan waydi sa kay manga ginurang.

Diyuturunumiyu 34:5

Nakan namatay ngani si Muysis, ti manugsirbi Panginuun ati sa Muab, angay gid sa sinabi Panginuun.

Diyuturunumiyu 4:25

“Aban, nu manganak kamu ag magka-umput, bag-u nangulianan dugay sa ati pag daga, danga niyu pag yagtingi kanyu sadili sa panab-anan pagbuwat manga diyus-diyusan una hintay kay histuda. Daut inda sa magbantay Panginuun niyu Diyus ag makapaisug gid inda sa kanya.

Ipinakakit 19:2

Dahil matadlung ag kang-ud kay manga sintinsiya. Sinintinsiyahan niya ti bantug pag babayi uragin, imaw nakan ti nagbuwat kadautan sa babaw daga. Pinarusahan siya Diyus dahil minatay niya ti manga suruguun Diyus.”

Talaghusay 10:13

Dapat nagpatlikud kamu sa kangku ag nagsamba sa tuhay pag manga diyus. Nakan taynguna balaw yi niku kamu iribri.

Talaghusay 10:6

Nagbuwat maan kadautan ti manga Israilita sa magbantay Panginuun. Nagpatlikud sida sa Panginuun ag nagsamba sa manga tawu-tawu Baal hanggan Astarut, ag sa manga diyus-diyusan Aram, Sidun, Muab, Amun, ag Pilistiya.

Talaghusay 2:11

Nagbuwat kadautan ti manga Israilita sa magbantay Panginuun ag nagsamba sa manga tawu-tawu Baal.

Talaghusay 2:12

Binugyahan nida ti Panginuun, ti Diyus nida manga ginurang, imaw ti nagpalwas sa kanda sa Ihiptu. Sinunud nida ag sinamba ti tuhay-tuhay pag manga diyus manga tawu sa sangput nida. Ginalit nida ti Panginuun,