Diyuturunumiyu 31:12 - Hanunuu

¹² Tipuna ti manga tawu — ti manga lalaki, ti manga babayi, ti manga kalay-awan, hanggan ti manga day-uhan mag-uli sa kanyu manga banwa — hampay makapatingi sida ag maanad maggalang sa Panginuun niyu Diyus ag pagsunud kaayad sa tanan pag-ipatupad sa inda pag manga sugu.

Diyuturunumiyu 31:12 Iomraidhean Croise

Isra 10:1

Habang maluhudan magdarangin si Isra sa atubangan Balay Diyus, maglumi siya, magpahayag manga kasalanan nasakupan Israil, mayamu pag manga Israilita lalaki, babayi, hanggan manga kalay-awan ti nagtiripun sa kay palibut. Maglulumian diman sida mabaskug.

Libitiku 9:5

Nakan dinara ngani buu nasakupan kanda manga handug sa atubangan Turda Taragbuan, ti tanan pag pag-isugu sa kanda ni Muysis. Nagtipun sida tanan siyun sa atubangan Panginuun.

Hagay 1:12

Sinunud ngani nida ni Surubabil, ni Huswi, hanggan tanan Israilita nakabalik sa Israil ginan sa pagkabihag sa Babilunya ti sinabi Panginuun nida Diyus sa panab-anan ni Purupita Hagay kay suruguun. Sa panab-anan inda, ipinakakit nida kanda maggalang sa Panginuun.

Huwan 5:39

Pirmi diman pag-adalun niyu ti manga Banal Kasuratan dahil kanyu pag-isipun siyun kamu pag makakit buhi unman may katapusan. Tunda pag manga Banal Kasuratan tigpakilala nu si unu aku.

Diyuturunumiyu 29:29

“May manga lihim pag manga bagay ti Panginuun lang ti may alam, dapat ipinaburayhaw niya sa kanta kay kasuguan, ag kailangan nita inda sundun hanggan nita lahi hanggan waya aban.

Diyuturunumiyu 29:9

“Nakan sunda niyu kaayad ti manga pag-isugu sa inda pag kasunduan, hampay abunda kamu sa tanan niyu pagbuwatun.

Diyuturunumiyu 31:13

Buwata niyu inda hampay kanyu manga anak balaw waya may alam sa inda pag manga sugu dumunung maggalang sa Panginuun niyu Diyus habang magkabuhi kamu sa apuun niyu pag daga sa baliw dipay Hurdan.”

Diyuturunumiyu 4:10

Alalahanun niyu ti sirang tinmindug kamu sa atubangan Panginuun niyu Diyus ati sa Bantud Sinai, nu naan magkun siya sa kangku, ‘Tipunun nimu sa kang atubangan ti manga nasakupan para mamatingi sa kang manga pagsabihun hampay maanad sida maggalang sa kangku hanggan buhi waya sida, ag maitudlu nida inda sa kanda manga anak.’

Huswi 8:33

Ti tanan Israilita, kaibahan kanda manga takinan, manga manugpamahala, ag manga manughusay, hanggan ti manga balaw Israilita mag-uli kaibahan nida, tinmindug sa duwa ka gurupu magkaatubang. Kay usa ka gurupu matlikudan sa Bantud Girisim ag kay usa waya gid matlikudan sa Bantud Ibal. Sa kanda karaw-an matindugan ti manga manughandug manga lahi ni Libi magtabyang sa Kaban Kasunduan Panginuun. Nagsugu sa kanda kaybi si Muysis ti suruguun Panginuun kuntay buwata inda sa udas tanggapun nida ti basbas.

Huswi 8:35

Inusa-usa binasa ni Huswi ti manga sugu ni Muysis sa atubangan tanan kadamlan Israil, kaibahan diman ti manga babayi, ti anak hanggan ti manga day-uhan mag-uli kaibahan nida.