Diyuturunumiyu 31:11 - Hanunuu

¹¹ basaha niyu inda pag manga sugu sa tanan Israilita nu magtiripun sida sa atubangan Panginuun niyu Diyus sa piliun niya pag rugar.

Diyuturunumiyu 31:11 Iomraidhean Croise

2 Hari 17:37

Kailangan tupadun niyu pirmi kang manga sugu, manga surundanun, manga pag-itudlu, ag manga kasuguan kang isinurat para sa kanyu. Danga gid kamu magsamba sa iba pag manga diyus.

2 Hari 23:2

Nag-atag siya sa Balay Diyus Panginuun kaibahan ti tanan manga nasakupan Huda ag Hirusalim ginan sa pinakaabwat tugka sa pinakaababa. Nagkuyug diman ti manga manughandug ag manga purupita. Binasa ni Husyas sa kanda ti tanan nakasurat sa Ribru Kasunduan, ti nakitan ngani sa Balay Diyus Panginuun.

Nihimyas 8:13

Pagka sa ikadwa pag sirang sa tunda pag bulan, nagtipun sa kay atubangan ni Isra ti manga takinan manga magtal-anakan, ti manga manughandug hanggan ti manga Libita hampay mangadal waya tungkul sa Kasuguan.

Nihimyas 8:18

Sirang-sirang pagbasahun ni Isra sa manga tawu ti Ribru Kasuguan Diyus, ginan sa umpisa pag sirang tugka sa katapusan pag sirang pista. Idinaus nida ti pista pitu ka sirang, ag pagka sa ikawalu pag sirang, nagtipun sida para mansamba sa Panginuun, angay sa Kasuguan.

Nihimyas 9:3

Matindugan sida sa sulud tulu ka udas habang pagbasahun sa kanda ti Kasuguan Panginuun nida Diyus. Sa sulud diman tulu ka udas, itinultul nida kanda manga kasalanan ag nagsamba sa Panginuun nida Diyus.

Kanta 84:7

Lalu di gid sida magbisug habang maglakaw, tugka sa makaras-ug ti kada usa sa atubangan Diyus ati sa Siun.

Pag-ighit 34:24

Palayasun niku ti manga nasakupan sa pag-ipakaun niku pag daga sa kanyu, padakaun niku kanyu magkaakupahan. Ag unman may gumira sa kanyu ngatay sumakup sa kanyu nasyun sa udas pumakarani kamu sa kangku, ti Panginuun niyu Diyus, sa inda pag tulu ka pista kada timpu.

Binwat 13:15

Pagka binasa usa ka tawu ginan sa Kasuguan ni Muysis hanggan ginan sa Kasuratan manga Purupita, nagsabi ti pangulu simbahan ti manga Hudiyu sa usa ka tawu, sabihi sida ni Pablu magkun, “Manga kaparihu nimi Hudiyu, nu kamu may iadal sa ikarig-un manga tawu, tultula yi niyu.”

Binwat 15:21

Dahil dugay yi pag timpu pagbasahun ti Kasuguan ni Muysis sa manga simbahan manga Hudiyu kada Sirang Pamahari ag sa kada banwa pag-itudlu diman kay manga binagaw.”

Diyuturunumiyu 12:11

Bag-u darahun niyu kanyu manga handug ati sa piliun Panginuun niyu Diyus pag rugar nu naan pag dayawun siya. Inda pag manga handug ti pag-isugu niku sa kanyu: manga handug pagsunugun ag iba waya pag manga handug, hanggan kanyu ikasampulu, ag ti ipinablag pag manga pakaun, hanggan ti tanan pag pinakamayad pag handug kanyu itinaratu sa Panginuun.

Diyuturunumiyu 12:14

Ihandug lang niyu inda sa piliun Panginuun pag rugar sa usa sa kanyu lahi, ag ati pagbuwata niyu ti tanan isinugu niku sa kanyu.

Diyuturunumiyu 12:5

bagkus ngap pagdangup kamu sa Panginuun niyu Diyus ag dayawa niyu siya sa piliun niya pag rugar ginan sa tanan sakup manga linahi Israil. Ati niyu pag sambaha ti Panginuun, dahil imaw tunda kay pinili pag rugar nu naan siya pagdayawun.