Diyuturunumiyu 30:9 - Hanunuu

⁹ Paalwanun gid kamu Panginuun niyu Diyus sa tanan niyu pagbuwatun. Payamuun niya kanyu manga anak, manga hayup, hanggan kanyu manga ani, dahil magbaya ti Panginuun magpapalad sa kanyu parihu sa kay magpapalad niya sa kanyu manga ginurang.

Diyuturunumiyu 30:9 Iomraidhean Croise

Isayas 62:4

Balaw yi kawu ingarnan, “Binugyahan” ngatay “Pinabay-anan”. Ingarnan kawu, “Kabayaan Diyus” ngatay “Ipinaasawa sa Diyus”, dahil magbaya ti Diyus sa kanmu ag bilang kawu ga ipaasawa sa kanya.

Isayas 62:5

Siya ti naglalang sa kanmu mangasawa sa kanmu bilang ga usa ka kan-akan ipaasawa sa usa ka tugnaw pag daraga. Ag nu abitay ti aguman lalaki magbaya sa kay aguman babayi, ti Diyus magbaya diman sa kanmu.

Isayas 65:19

Makabaya aku sa Hirusalim hanggan sa kay manga nasakupan. Balaw yi ati may masaydan lulumian ngatay maghagad awat hanggan magpakabitay.

Hirimyas 31:27

Magkun waya ti Panginuun, “Rumas-ug ti sirang payamuun niku ti nasakupan Israil ag Huda, hanggan kanda manga hayup.

Hirimyas 31:28

Sa kabag-u, winayak, dinaut, ag pinuil niku sida dapat sa uryan baliwa, utru bangunun niku sida ag ipatindug.

Hirimyas 32:41

Kabayaan niku ti buwatan sida mayad ag buu tagipusuun niku sida patahanun sa inda pag daga.”

Hirimyas 33:9

Nu mangyari yi inda, ti banwa Hirusalim makapakaun kadayawan sa kangku, hanggan kabayaan, ag kagalangan. Ti kada nasyun sa kalibutan takigan sa dala nu mabaritaan nida ti manga kaayadan, kaalwanan ag kahusayan itinunghul niku sa inda pag banwa.”

Libitiku 26:4

padaran-an niku kamu uran sa tama pag panahun hampay ti daga makapatubas bag-u ti manga kayu mamururak.

Libitiku 26:6

Ipadara niku ti kahusayan sa kanyu rugar, nakan makaturug kamu balaw may pagkadalaan. Tabugun niku ti maisug pag manga hayup gin sa kanyu rugar, ag unman may manga kalaban man-gira sa kanyu.

Sipanyas 3:17

Dahil kaibahan niyu ti Panginuun niyu Diyus. Parihu siya sa usa ka makamaskihan pag sundalu manribri sa kanyu. Makabaya gid siya sa kanyu, ag sa panab-anan niya pagmahal bag-uhun niya kanyu buhi. Manganta siya ag manhuyaw may kabayaan dahil sa kanyu,

Lukas 15:32

Dapat kailangan kita magbaya gid ag masulung lubus, dahil sitay tigbak kanmu ari ag taynguna buhi yi maan. Sitay nadura ag kainda nakitan maan.’ ”

Huwan 15:11

“Inda tanan duy kang itinultul sa kanyu hampay magbaya kamu parihu sa kang magbaya ag hampay lubus yi lang gid magbaya kanyu tagipusuun.

Diyuturunumiyu 28:4

Papaladan niya kamu mayamu pag anak, abunda pag ani ag mayamu pag hayup.

Diyuturunumiyu 28:63

Nu kabitay pag-ikabaya Panginuun ti pagpaabunda ag pagpayamu sa kanyu, pag-ikabaya diman niya ti pagpadamhak ag pagmatay sa kanyu, tugka sa madura kamu sa ulianan ag apuun niyu pag daga.

Diyuturunumiyu 30:8

Sundun maan niyu ti Panginuun ag tupadun ti tanan niya manga sugu kang pag-ipakaun sa kanyu taynguna.

Diyuturunumiyu 7:14

Papaladan niya kamu higit waya sa iba manga tawu sa kalibutan. Unman may lalaki ngatay babayi sa kanyu ti mabaug, katunda diman sa kanyu manga hayup.