Diyuturunumiyu 30:3 - Hanunuu

³ kaawaan kamu Panginuun niyu Diyus. Tipunun niya kamu ginan sa tanan pag nasyun nu naan pag ipinabihag niya kamu, ag rargu ibalik niya kanyu mayad pag kahamtangan.

Diyuturunumiyu 30:3 Iomraidhean Croise

Gimpuunan 28:15

Pirmi nimu alalahanun aku kanmu kaibahan ag alagaan niku kawu una naan tabug. Ipabalik niku kawu sa inda pag daga ag balaw pabay-anan tugka sa matupad niku kang itinaratu sa kanmu.”

Gimpuunan 48:21

Pagkatapus, magkun si Israil sa kan Husi, “Arani yi aku mamatay, dapat danga kawu magkaarimputu dahil ibahan di kawu Diyus ag ibalik kamu sa daga niyu ginurang.

1 Krunika 16:35

Pagdarangin kamu, “Ribrihan kami, Diyus kanmi Manugribri; bawia kami sa manga nasyun ag tipuna maan kami sa kanmi daga, hampay makapasalamat kami ag makadayaw sa kanmu kabanalan.

Nihimyas 1:9

Dapat nu bumalik kamu sa kangku ag tumupad sa kang manga sugu, una magkarawayak waya kamu sa arayu pag rugar, tipunun maan niku kamu sa rugar pinili niku hampay paggalangun aku.’

Hub 42:10

Pagka naidarangin ni Hub kay manga kakilala, pinaalwan maan siya Panginuun ag pinakan-an dubli waya sa natanggap niya sa kabag-u.

Kanta 107:3

Nakan tinipun niya kamu ginan sa manga daga sa butlakan, isalpan, salatan, ag kanaway.

Kanta 147:2

Pag-ipatindug maan Panginuun ti Hirusalim; ag pagtipunun maan niya ti nabihag pag manga taga Israil.

Isayas 27:12

Sa ati pag sirang, panipunun tig-usa-usa Panginuun ti manga Israilita ginan sa Sapa Iyupratis tugka sa bululusan danum Ihiptu ga magtipun manga butir sa girik-an.

Isayas 43:5

Danga kawu magkadala dahil kaibahan nimu aku. Tipunun niku kanmu manga linahi ginan sa butlakan tugka sa isalpan.

Isayas 54:7

Tinayakan kawu niku ngalay, dapat dahil sa daka pag-awa niku sa kanmu utru kawu niku alagaan.

Isayas 56:8

Magkun waya ti Panginuun Diyus ti nagtipun sa manga Israilita nabihag, “Tipunun waya niku ti iba, purya sa manga natipun yi.”

Hirimyas 12:14

Magkun waya ti Panginuun, “Inda ti buwatun niku sa tanan daut pag nasyun sa sangput Israil ti nagdaut daga ipinakaun niku sa kang nasakupan: Palayasun niku sida sa kanda daga parihu sa pagpalayas niku sa manga taga Huda sa inda ginan pag daga.

Hirimyas 23:3

Aku ngapu ti tumipun sa manga nasawad niku pag nasakupan ginan sa tuhay-tuhay pag rugar nu naan niku sida pag pinanwayak, ag darahun niku sida ibalik sa kanda daga bag-u yumamu maan sida ati.

Hirimyas 29:14

Hu, awatan niku kamu ag ibalik di niku ginan sa pagkabihag. Tipunun niku kamu ginan sa tuhay-tuhay pag manga nasyun nu naan pag winayak niku kamu, ag ibalik sa kanyu sadili daga. Aku, ti Panginuun, ti magsabi inda.

Hirimyas 31:10

“Manga nasyun, patingihi niyu ti pag-itultul niku, bag-u ibarita niyu inda sa ararayu rugar: ‘Winayak niku ti manga taga Israil, dapat tipunun di maan niku sida ag alagaan parihu sa manug-alaga manga karanidu.’

Karukuan 3:22

ti pagmahal ag pangaawa Panginuun unman may katugkaan. Imaw tunda nakan unman kita napapas lubus.

Karukuan 3:32

Dapat una magpakaun siya kakurian, pag-ipakakit di maan niya kay pangaawa dahil sa kay daka pagmahal unman may katugkaan.

Isikil 11:17

Nakan aku, ti Panginuun Diyus, magbagaw magkun tipunun niku kamu ginan sa manga nasyun nu naan pag nagkarawayak kamu, ag ipakaun maan niku sa kanyu ti daga Israil.

Isikil 36:24

Dahil bul-un niku kamu sa tuhay-tuhay pag manga nasyun bag-u pabalikun sa kanyu sadili daga.

Isikil 39:28

Bag-u maalaman niku nasakupan aku ti Panginuun nida Diyus. Dahil una ipinabihag niku sida sa iba manga nasyun, ibinalik di maan niku sida tanan sa kanda daga unman gid may nasawad una di usa.

Mikas 7:19

Kaawaan di maan nimu kami ag bul-un nimu ti tanan nimi manga kasalanan. Tat-an nimu inda ag iyamut sa kaabasad-basadan dagat.

Sakaryas 10:9

Una winayak niku sida sa iba nasyun, maalaala di nida aku ati. Mabuhi di sida hanggan kanda manga anak, ag bumalik sida sa kanda rugar.

Ruma 11:23

Ti manga Hudiyu misugdung di maan uman nu sida bumalik sa Diyus ag sumarig sa kanya, dahil may kamaskihan ti Diyus hampay isugdung maan sida.

Ruma 11:26

Nu katunda, miribri di aban ti usa ka nasyun Israil, angay sa isinurat sa Banal Kasuratan magkun, “Aban ginan sa Siun ti Manugribri, duraun niya ti tanan kadautan linahi ni Hakub.

Ruma 11:31

Katunda diman waydi sida nagbaliw manga malaban taynguna katpung kamu pagkaawaan, hampay sida kaawaan di maan waydi Diyus.

Diyuturunumiyu 13:17

Danga gid niyu pagtaguan ti una hintay pag manga bagay siyun ti itinagka yi wasakun lubus. Nu tupadun niyu inda tanan, duraun Panginuun kay masyadu pag pangagalit, ag kaawaan niya kamu. Ag sa kay pangaawa, payamuun niya kamu angay sa kay itinaratu sa kanyu manga ginurang.

Diyuturunumiyu 4:27

Panwayakun kamu Panginuun tabug sa iba manga nasyun, ag pira wadi ti masawad sa kanyu ati sa manga nasyun nu naan kamu pag ipinauli Panginuun.