Diyuturunumiyu 30:20 - Hanunuu

²⁰ Mahala niyu ti Panginuun niyu Diyus. Sunda niyu siya ag pagsa kanya di gid kamu, dahil siya kanyu buhi. Nu buwatun niyu inda, mabuhi kamu dugay ati sa daga kay itinaratu iayaw sa kanyu manga ginurang sa kanda ni Abraham, ni Isaak ag ni Hakub.”

Diyuturunumiyu 30:20 Iomraidhean Croise

Gimpuunan 12:7

Bag-u napakakit ti Panginuun sa kan Abram ag magkun, “Inda pag daga ipakaun niku sa kanmu manga linahi.” Nakan nagbuwat harandugan si Abram para sa Panginuun imaw ti napakakit sa kanya.

Gimpuunan 17:1

Pagka 99 yi ka timpu si Abram, napakakit sa kanya ti Panginuun ag magkun, “Aku ti Diyus Makamaskihan. Pag pirmi kawu matinupadun sa kangku ag pagpangabuhi matadlung.

Kanta 27:1

Ti Panginuun kang sulu ag manugribri, nakan unman aku magkadala! Ti Panginuun kang darangpan. Balaw aku may pagkadalaan!

Kanta 30:5

Dahil kay pangagalit balaw magdugay, dapat kay kaayadan pumarargu hanggan aban. Mahimu sa yabi maglumi kita, dapat rumas-ug ti surip may kabayaan kita.

Kanta 36:9

Dahil kawu ti gimpuunan buhi. Pagrayawan nimu kami, ag magkarayawan kanmi kaisipan.

Kanta 37:3

Pagsarig kawu sa Panginuun ag pagbuwat mayad. Ag mangulian kawu ribri sa kadamhakan sa inda pag daga.

Kanta 66:9

Pag-alagaan niya kanta buhi; balaw niya pag-ipahintulut midamhak kita.

Huwan 14:6

Sinmagut si Hisus sa kanya magkun, “Aku ti dalan, ti katutuuhanan, ti buhi. Ginan lang sa kangku pag makaati ti tawu sa Ama.”

Huwan 17:3

Inda yi ngani ti ibug sabihun buhi unman may katapusan nu kilalan-un tawu kawu lang ti tutuu gid pag Diyus ag nu kilalan-un niya si Hisu-Kiristu, ti sinugu nimu.

Binwat 11:23

Pagka siya rinmas-ug ati, nakitan niya kay papalad Diyus sa kanda. Nakan nakabaya gid siya. Kay pinaanyuan sida magkun pangungud sida pagmatinupadun sa Panginuun, danga sida magbul-iw.

Binwat 17:25

Una siya pagsirbihan tawu, ti Diyus unman magkaibug kanda manga handug, dahil siya ngani tigpakaun kinabuhi, arup hanggan karabuhian sa tanan tawu.

Binwat 17:28

dahil siya ti gimpuunan nita arup, nita buhi, hanggan nita kabisugan. Parihu sa sinabi niyu iba magpinangawat ambahan magkun, ‘Kita tanan kay manga anak niya.’

Ruma 12:9

Pag-ungud yi gid kanyu pagmahal. Pagsuku yi kamu sa daut, mayada niyu ti kaayadan.

Galasya 2:20

Namatay aku kaibahan ni Kiristu sa kurus. Pagka kainda aku nabuhi, balaw yi kang sadili buhi, nu unman si Kiristu lang ti nabuhi sa kangku. Hanggan aku sitay di waya sa babaw daga, kang ugali buhi magsarig sa Anak Diyus, sa nagmayad sa kangku ag nagpakaun kay buhi sa kamatayan para sa kangku.

Diyuturunumiyu 1:8

Bantayi niyu! Pag-iayaw niku inda pag daga sa kanyu. Paglakaw yi kamu bag-u apua yi tunda pag daga ti itinaratu niku sa kanyu manga ginurang, sa kanda ni Abraham, ni Isaak, hanggan ni Hakub, tugka waya sa kanda manga sinulput.’ ”

Diyuturunumiyu 10:12

“Bag-u taynguna, nasakupan Israil, ti paghilingun lang sa kanyu Panginuun niyu Diyus paggalang kamu sa kanya, pagpangabuhi angay sa kay manga kagustuhan, mahala siya, pagsirbi sa kanya sa buu niyu tagipusuun hanggan karadwa,

Diyuturunumiyu 10:20

Galanga niyu ti Panginuun niyu Diyus ag siya lang gid kanyu sirbihan. Pagsa kanya di gid kamu ag pagsumpa kamu sa kay lang ngaran.

Diyuturunumiyu 11:22

“Nu tupadun niyu inda mayad ti tanan pag-ipakaun niku pag manga sugu sa kanyu kuntay mahalun niyu ti Panginuun niyu Diyus ag mangabuhi angay sa kay kagustuhan ag pumirmaminti sa kanya,

Diyuturunumiyu 11:9

Nu sumunud kamu, mabuhi kamu dugay ati sa marinu ag abunda pag daga, ti itinaratu Panginuun ipakaun sa kanyu manga ginurang hanggan sa kanda manga sinulput.

Diyuturunumiyu 12:10

Nu makadipay yi kamu sa Hurdan ag mag-uli sa daga pag-ipakaun Panginuun niyu Diyus sa kanyu bilang mana niyu, mangabuhi kamu may kahusayan dahil balaw pahintulutan Panginuun balagun kamu niyu manga kalaban sa kanyu kalibut.

Diyuturunumiyu 30:16

Pagsuguun niku kamu kainda mahala niyu ti Panginuun niyu Diyus, pagpangabuhi kamu angay sa kay manga palakaw, ag pagsunud sa kay manga sugu hanggan surundanun. Nu buwatun niyu inda, mangabuhi kamu dugay ag yumamu, bag-u papaladan kamu Panginuun niyu Diyus ati sa ulianan ag apuun niyu pag daga.

Diyuturunumiyu 30:6

Bag-uhun Panginuun niyu Diyus kanyu manga tagipusuun hanggan ti tagipusuun niyu manga katawuhan hampay mahalun niyu siya sa buu tagipusuun ag karadwa, ag mabuhi kamu dugay.

Diyuturunumiyu 31:1

Nagparargu si Muysis sa kay maghampang sa tanan Israilita.

Diyuturunumiyu 32:47

Inda pag manga sugu balaw pangaradnuganun lang pag manga bagaw; pumakaun inda buhi sa kanyu. Nu tupadun niyu inda mabuhi kamu dugay sa apuun niyu pag daga sa baliw dipay Hurdan.”

Diyuturunumiyu 4:1

Bag-u magkun si Muysis sa manga Israilita, “Patingihi niyu kaayad ti pag itudlu niku sa kanyu pag manga sugu hanggan surundanun. Sunda niyu inda hampay mabuhi kamu ag makapangulian sa pag-ipakaun Panginuun pag daga sa kanyu, ti Diyus niyu manga ginurang.

Diyuturunumiyu 4:4

Dapat kamu manga matinupadun sa Panginuun niyu Diyus buhi di tugka kainda.

Diyuturunumiyu 4:40

Tupada niyu kay manga sugu hanggan surundanun ipinakaun niku sa kanyu kainda, hampay balaw may daut mangyari sa kanyu tugka waya sa kanyu sinulput, ag hampay mabuhi kamu dugay sa daga pag-ipakaun Panginuun niyu Diyus agud maapu niyu inda hanggan waya aban.”

Diyuturunumiyu 4:6

Sundun niyu inda maluag sa kanyu tagipusuun, dahil sa panab-anan niyu pagsunud maipakakit niyu kanyu kadunungan ag pan-intindi sa iba manga nasyun. Nu madnugan nida inda tanan pag surundanun sumabi sida, ‘Ungud duy maaw madunung ag maraintindihun ti manga tawu sa inda pag makapangyarihan pag nasyun.’

Diyuturunumiyu 5:16

“ ‘Paggalang kamu sa kanyu ama ag ina, angay sa kang pag-isugu sa kanyu, hampay mabuhi kamu dugay ag hampay mayad kanyu kahamtangan sa pag-ipakaun niku pag daga sa kanyu.

Diyuturunumiyu 6:2

hampay kamu hanggan kanyu manga anak ag manga kaumputan maggalang sa Panginuun niyu Diyus tugka buhi waya kamu. Nu sundun niyu ti tanan niya manga sugu hanggan surundanun ti ipinakaun niku sa kanyu, mabuhi gid kamu dugay.

Diyuturunumiyu 6:5

Mahala niyu buu tagipusuun ti Panginuun niyu Diyus, buu karadwa ag buu niyu kabisugan.

Huswi 23:11

Nakan siguraduha gid mahalun niyu ti Panginuun niyu Diyus.

Huswi 23:8

bagkus ngap pagmatutum kamu sa Panginuun niyu Diyus, parihu sa kanyu pagbuwatun tugka kainda.

Ipinakakit 21:6

Sinabi waya waydi niya sa kangku magkun, “Kang-ud tinupad yi. Aku ti Alpa ag ti Umiga, aku ti umpisa aku diman ti masawad. Una si unu ti magkauwaw pakan-an niku karampatan hampay makainum danum unman may bayad ginan sa bulbugan gimpuunan buhi.

Ipinakakit 22:1

Ipinakakit diman anghil sa kangku ti usa ka sapa kay danum makapakaun tutuu pag buhi sa tawu. Tunda pag sapa kay danum malindag parihu sa bubug. Kay bulbugan ginan sa tukawan Diyus hanggan Anak Karanidu. Bag-u magbulus sa karaw-an karsada banwa.

Ipinakakit 22:17

Pagsabihun Ispiritu hanggan aguman babayi magkun, “Pagsitay yi gid duy kawu.” Ti tanan nakadnug inda pagsabi waydi, “Pagsitay yi gid kawu.” Una si unu ti magkauwaw pagpakarani, pagbuul danum makapakaun tutuu pag buhi. Pakan-an diman siya unman may bayad.