Diyuturunumiyu 30:13 - Hanunuu

¹³ Balaw diman waydi inda sa baliw dipay dagat, nakan balaw yi niyu kailangan ipaingana kuntay, ‘Si unu lugud ti dumipay sa dagat hampay bul-un tunda ag ipaburayhaw sa kanta hampay tupadun nita?’

Diyuturunumiyu 30:13 Iomraidhean Croise

Kabagawan 16:6

Nu pagmahalun nita tapat ti Panginuun, patawadun niya kanta manga kasalanan. Nu paggalangun nita siya, makaaman kita sa kadautan.

Kabagawan 8:11

Dahil ti kadunungan mas mahalaga waya kaysa mahalaga pag manga batu ag unman gid may una hintay pag bagay kanmu pagkaibgan ti makatupung siyun.

Matiyu 12:42

Sa ati katpung pag udas aban ti Rayna ginan sa salatan baliwa kumastigus laban sa kanyu, dahil nagluwang siya ginan sa puun langit hampay patingihan kay kadunungan ni Sulumun. Dapat balaw di ga kan Sulumun ti nagsitay kainda sa kanyu.”

Huwan 6:27

Danga kamu magbudlay tungkul lang sa karan-unun magkabangsiw. Pagmasigasid kamu hampay matanggap niyu ti karan-unun unman magkabangsiw, imaw ti makapakaun tutuu pag buhi unman may katapusan. Tunda ngani pag karan-unun ti ipakaun Anak Tawu sa kanyu dahil may tinanggap siya karampatan ginan sa Diyus Ama.”

Binwat 10:22

Sinmagut sida magkun, “Kami duy sinugu ngani ni Kapitan Kurnilyu. Mayad siya pag tawu, niabay yi sa surundanun manga Hudiyu. Paggalangun diman siya tanan manga Hudiyu. Sinabihan siya anghil Diyus kawu yi ngani kunu ti ipabuul niya atag sa kay balay hampay makapatingi siya sa kanmu manga pagsabihun.”

Binwat 10:33

Susun pinasuguan yi ngani niku kawu. Mayad ungud duy kanmu nalub-anan nakan kawu nagsitay. Taynguna kami tanan nagtiripun handa sa atubangan Diyus hampay magpatingi sa tanan nimu sarabihun angay sa kay ibinilin Panginuun sa kanmu.”

Binwat 16:9

Ati katpung pag yabi may ipinakakit ti Panginuun sa kan Pablu. May usa ka lalaki taga Masidunya matindugan ag magdangup sa kan Pablu magkun, “Pagluwang duy kawu atag sa Masidunya, awati nimu kami.”

Diyuturunumiyu 30:12

Balaw inda sa langit, nakan balaw yi niyu kailangan ipaingana kuntay, ‘Sitapu lugud ti atag sa langit hampay bul-un tunda ag ipaburayhaw sa kanta hampay tupadun nita?’

Diyuturunumiyu 30:14

Asan sa kanyu inda pag manga bagaw, sa kanyu bibig ag tagipusuun, nakan tupada niyu inda.