Diyuturunumiyu 30:1 - Hanunuu

¹ “Nu mangyari sa kanyu inda pag manga bagay — ti manga papalad hanggan ti manga saad kang sinabi sa kanyu — ag maalaala niyu inda nu ati yi kamu sa manga nasyun nu naan pag ipinabihag kamu Panginuun niyu Diyus.

Diyuturunumiyu 30:1 Iomraidhean Croise

Gimpuunan 4:14

Malu, taynguna aku kanmu yi itinulak ginan sa inda pag daga hanggan ginan sa kanmu atubangan. Bag-u aku malakaw-lakawan wadi, udyi may pirmaminti ulian. Nakan una hintay ti makakit sa kangku barang aku matyun.”

1 Hari 8:34

patingihi sida asan sa langit. Patawada sida sa kanda kasalanan ag daran-a sida pabalik sa daga ipinakaun nimu sa kanda manga ginurang.

2 Krunika 30:9

Dahil nu bumalik kamu sa Panginuun, kaawaan manga nagbihag kanyu manga anak ag manga katawuhan, ag pabalikun sida sa inda pag daga. Dahil mainawatun ag maawaun ti Panginuun niyu Diyus. Unman niya kamu patlikudan nu bumalik kamu sa kanya.”

Nihimyas 1:9

Dapat nu bumalik kamu sa kangku ag tumupad sa kang manga sugu, una magkarawayak waya kamu sa arayu pag rugar, tipunun maan niku kamu sa rugar pinili niku hampay paggalangun aku.’

Isayas 46:8

Kamu pag manga manuglaban, tandai niyu inda ag tanuman sa kanyu isip.

Hirimyas 29:14

Hu, awatan niku kamu ag ibalik di niku ginan sa pagkabihag. Tipunun niku kamu ginan sa tuhay-tuhay pag manga nasyun nu naan pag winayak niku kamu, ag ibalik sa kanyu sadili daga. Aku, ti Panginuun, ti magsabi inda.

Hirimyas 3:13

Akua lang nimu kanmu kasalanan, kuntay naglaban kawu sa kangku, sa Panginuun nimu Diyus, hanggan sa pagsunud nimu sa tuhay pag manga diyus sa panab-anan pagsamba sa kanda sa sirung kada maraybung pag puun kayu. Akua nimu kuntay unman kawu nagsunud sa kangku. Aku, ti Panginuun, ti magsabi inda.’ ”

Hirimyas 8:3

Ti nasawad buhi sa inda pag daut nasyun wayakun niku sa iba ka manga nasyun, ati gustuhun waya nida ti mamatay kaysa mabuhi. Aku, ti Panginuun Makamaskihan, ti magsabi inda.”

Isikil 18:28

Balaw siya mamatay nu unman parargu siya mabuhi dahil inampu niya ti tanan niya pag kasalanan ag tinayakan niya inda.

Isikil 6:9

bilang manga bihag. Alalahanun nida aku ati, ag maisip nida pinaruku nida aku sa kanda nag-uragin ag pagpalabi-labi sa manga diyus-diyusan. Kayagtingan nida kanda sadili dahil sa kanda daut ag mayagting pag pinanbuwat.

Sakaryas 10:9

Una winayak niku sida sa iba nasyun, maalaala di nida aku ati. Mabuhi di sida hanggan kanda manga anak, ag bumalik sida sa kanda rugar.

Lukas 15:17

“Dapat pagka siya nakaimatuun sa kay kahamtangan, kay inisip sa kay sadili, ‘Malu, mayamu pag suruguun suluhulan niku ama ati may kang-ud, subra waya kanda karan-unun, aku bay ga masbuk yi sitay sa lun-us.

Diyuturunumiyu 28:28

Papaungun kamu Panginuun, butaun ag lituhun.

Diyuturunumiyu 28:64

“Wayakun kamu Panginuun sa tanan nasyun, sa kada suuk kalibutan. Ag ati pag mansamba kamu sa iba pag manga diyus buwat sa kayu ag batu, balaw niyu kilala una niyu manga ginurang.

Diyuturunumiyu 29:27

Nakan masyadu gid ti pangagalit Panginuun sa kanda nasyun ag ipinalakaw niya sa kanda ti tanan pag saad masuratan sa inda pag ribru.

Diyuturunumiyu 29:28

Sa masyadu pag pangagalit Panginuun, pinalayas niya sida sa kanda nasyun ag ipinabihag sa iba pag nasyun nu naan pag mag-uli sida kainda.’

Diyuturunumiyu 30:15

“Pagpatingi! Kainda pag sirang papiliun niku kamu: buhi ngatay kamatayan, kaabundahan ngatay kadamhakan.

Diyuturunumiyu 30:19

“Taynguna pag sirang, nagtawag aku sa langit ag daga hampay kumastigus nu naan sitaay kanyu piliun: buhi ngatay kamatayan, papalad ngatay saad. Pilia mana niyu ti buhi hampay mabuhi kamu dugay hanggan kanyu manga anak.

Diyuturunumiyu 32:36

Apinan Panginuun kay manga nasakupan; kaawaan niya kay manga manugsirbi, nu makitan niya unman yi sida may kabisugan ag nu pira wadi ti nasawad sa kanda, panawuhun man una balaw panawuhun.