Diyuturunumiyu 3:6 - Hanunuu

⁶ “Rinuris nita sida lubus parihu sa binuwat nita sa kan Hari Sihun taga Hisbun. Pinanmatay nita ti tanan tawu sa kada banwa nita naaghas — manga lalaki, manga babayi hanggan manga anak.

Diyuturunumiyu 3:6 Iomraidhean Croise

Bilang 21:2

Bag-u nagsumpa ti manga Israilita sa Panginuun, “Nu ipabahala nimu inda pag manga tawu sa kanmi manga kamang, rurisun nimi lubus kanda manga banwa bilang handug sa kanmu.”

Diyuturunumiyu 1:4

Natupad inda igu natalu ni Muysis si Sihun imaw ti hari manga Amuriyu, mag-uli sa Hisbun, ag si Ug ti hari Basan, mag-uli sa Astarut ag Idri.

Diyuturunumiyu 2:24

“Pagkatapus, magkun ti Panginuun, ‘Kainda, pagdipay yi kamu sa Luung Arnun. Pag-ipakaun niku sa kanyu si Hari Sihun usa ka Amuriyu, taga Hisbun, hanggan kay daga. Giraha niyu siya bag-u apua kay daga.

Diyuturunumiyu 2:34

Sa ati katpung pag udas, sinakup nita ti tanan niya banwa ag rinuris sida lubus — manga lalaki, manga babayi hanggan ti manga anak. Unman gid kita may sinawadan buhi sa kanda.

Diyuturunumiyu 29:6

Unman kamu may karan-unun ati ngatay irinmun, dapat pinakan-an kamu Panginuun hampay maalaman niyu siya ti Panginuun niyu Diyus.

Diyuturunumiyu 3:2

Dapat magkun sa kangku ti Panginuun, ‘Danga kawu magkadala sa kanya dahil pihu ipakaun niku siya sa kanmu hanggan ti tanan niya sundalu hanggan kay daga. Buwata nimu sa kanya ti binuwat nimu sa kan Sihun ti hari manga Amuriyu, tig hari sa Hisbun.’

Diyuturunumiyu 3:5

Ti tanan banwa inda magkasangput arabwat pag alad batu ag may manga sabian bag-u may saradu. Sinakup diman nita ti manga mayamu baryu unman may alad batu.

Huswi 11:14

Pinanbuul manga Israilita ti tanan kasiyunan ag manga hayup sa inda pag banwa. Dapat pinanmatay nida ti tanan mag-uli ati, ag unman gid may nasawad buhi.