Diyuturunumiyu 3:24 - Hanunuu

²⁴ ‘Panginuun Diyus, inumpisahan yi nimu ipinakakit sa kanmu manugsirbi kanmu kamaskihan, dahil unman may diyus sa langit ngatay sa daga ti makabuwat manga makadululaw pag binwat nimu.

Diyuturunumiyu 3:24 Iomraidhean Croise

2 Samwil 7:22

“Panginuun Diyus, kadayaw-dayaw kawu. Unman duy kawu may kaparihu. Unman may iba Diyus purya sa kanmu ag unman diman kami may nasaydan may iba pag diyus parihu sa kanmu.

2 Krunika 6:14

ag magdarangin siya, “Panginuun, Diyus Israil, unman may Diyus parihu sa kanmu sa langit ngatay sa daga. Pagtupadun nimu kanmu taratu, ag pag-ipakakit nimu kanmu pagmahal sa manga matinupadun pag manugsirbi sa kanmu sa buu tagipusuun nida.

Nihimyas 9:32

“Kawu kanmi Diyus makamaskihan ag tutuu makadululaw gid. Pagtupadun nimu kanmu kasunduan ag pag-ipakakit nimu kanmu pagmahal. Taynguna, unman pagpahalagaan kanmi manga pag-agwanta. Nag-agwanta kami tanan kanmu nasakupan, hanggan kanmi manga hari, manga takinan, manga manughandug, manga purupita hanggan manga ginurang, ginan waya sa panahun pinakurian kami manga hari Asirya tugka kainda.

Kanta 106:2

Unman may makatultul ngatay makadayaw lubus sa makamaskihan pag manga binwat Panginuun.

Kanta 145:3

Makamaskihan kawu, Panginuun, ag dapat gid dayawun. Kanmu kamaskihan balaw gid masalman.

Kanta 145:6

Itultul manga tawu ti kamaskihan nimu makadululaw pag manga binwat, ag ipamarita diman niku kanmu pagkamaskihan.

Kanta 150:2

Dayawun niyu siya dahil sa kay makamaskihan pag manga binwat. Dayawun niyu siya dahil sa kay unman matupungan pag kamaskihan.

Kanta 35:10

Ti buu buhi niku sumabi, “Unman gid may pumarihu sa kanmu, Panginuun. Pag-iribri nimu ti manga makuri hanggan ti manga pugri sa manga mag-api ag mag-away sa kanda.”

Kanta 71:19

Kanmu pagkamatadlung, Diyus, balaw masalman. Makadululaw kanmu manga binwat; unman gid may pumarihu sa kanmu.

Kanta 86:8

Panginuun, unman may diyus pumarihu sa kanmu; unman may una si unu ti makabwat kanmu manga binwat.

Kanta 89:6

Panginuun, unman may una di usa sa langit ti parihu sa kanmu. Unman may taga langit pag linalang ti pumarihu sa kanmu.

Kanta 89:8

Panginuun Diyus Makamaskihan, unman kawu may kaparihu; makamaskihan kawu ag magtupad sa tanan nimu pagbuwatun.

Pag-ighit 15:11

Panginuun, si unu waya pag diyus ti parihu sa kanmu? Unman kawu may kaparihu sa kabanalan ag kamaskihan. Kawu lang ti Diyus ti magbuwat makadululaw pag bagay!

Pag-ighit 8:10

Sinmagut ti hari Ihiptu, “Idarangin nimu aku aldaw.” Magkun si Muysis, “Matupad tida angay sa pagsabihun nimu, hampay maalaman nimu unman may kaparihu ti Panginuun nimi Diyus.

Pag-ighit 9:14

Dapat nu unman, mamadara aku masyadu pag sarut mamarusa sa kanmu, hanggan sa kanmu manga may kangaranan ag nasakupan nimu hampay maalaman nimu unman aku may kaparihu sa buu kalibutan.

Isayas 40:18

Nakan sa kantapu niyu pag ipaparihu ti Diyus? Ngatay naan niyu siya pag ipatulad?

Isayas 40:25

Magkun ti Banal pag Diyus, “Sa kantapu niyu aku pag ipatulad? May kaparihu aw aku?”

Hirimyas 10:6

Panginuun, unman duy kawu may kaparihu. Makamaskihan kawu ag may kadayawan kanmu ngaran.

Danyil 3:29

Nakan pag-isugu niku una si unu pag tawu una naan pag nasyun hanggan linahi, ngatay pamagaw ti mamagaw daut laban sa Diyus nida ni Sadrak, ni Misak, ag ni Abidnigu pamuldun kay bilug ag dautun kay manga balay. Dahil unman gid may iba diyus manribri parihu ga kanda Diyus.”

Bilang 23:23

Unman may pandaniwan ngatay panhirian ti makapakuri sa kanda. Nakan sumabi ti manga tawu tungkul sa Israil, ‘Tutuu gid makadululaw ti binwat Diyus sa Israil.’

Diyuturunumiyu 11:2

Tandai niyu taynguna kanyu manga nalakawan pagtamyaw Panginuun niyu Diyus. Kamu ti nakasamit inda ag balaw kanyu manga anak. Unman sida nakakit sa kadayawan ag kamaskihan Panginuun,

Diyuturunumiyu 3:23

“Ati katpung pag udas, napaawa-awa aku sa Panginuun. Magkun aku,

Diyuturunumiyu 32:3

Ipadakit niku ti ngaran Panginuun. Dayawun nita ti pagka makamaskihan nita Diyus!