Diyuturunumiyu 3:18 - Hanunuu

¹⁸ “Ati katpung kaybi, sinugu niku ti manga lahi niyu mag-uli sa butlakan Hurdan, ‘Una ipinakaun Panginuun niyu Diyus inda pag daga hampay apuun niyu, kailangan dumipay di ti tanan sundalu niyu armasin sa Sapa Hurdan ag alistu manguna sa kanyu manga kaparihu Israilita sa girahan.

Diyuturunumiyu 3:18 Iomraidhean Croise

Gimpuunan 15:7

Magkun waya siya tag sa kan Abram, “Aku ti Panginuun, ti nagsugu sa kanmu kuntay pag-ighit ginan sa Ur sakup manga Kaldiyu hampay ipakaun sa kanmu inda pag daga kanmu maapu.”

Kanta 136:21

Ipinakaun niya kanda daga sa kay nasakupan hampay kanda apuun. Kay pagmahal unman may katapusan.

Bilang 33:53

Sakupa niyu tunda pag daga bag-u ati yi kamu pag-uli, dahil pag-ipakaun yi niku tunda sa kanyu.

Diyuturunumiyu 12:1

“Inda ti manga sugu hanggan manga surundanun kailangan niyu tupadun kaayad habang magkabuhi kamu atay sa daga pag-ipakaun sa kanyu Panginuun, ti Diyus niyu manga ginurang.

Diyuturunumiyu 15:4

“Kailangan unman may pugri sa kanyu, dahil papaladan gid kamu Panginuun niyu Diyus sa daga pag-ipakaun niya sa kanyu, kanyu maapu.

Diyuturunumiyu 19:14

“Nu rumas-ug kamu sa kanyu apuun pag daga, ti pag-ipakaun Panginuun niyu Diyus sa kanyu, danga pag-agawa ti daga nimu kaparihu sa panab-anan paghalin muhun sa daga ti ipinauli niyu manga ginurang.

Diyuturunumiyu 19:2

pagpili kamu tulu ka banwa darangpan sa pag-ipakaun Panginuun niyu Diyus pag daga kanyu apuun.

Diyuturunumiyu 19:7

Inda ti dahilan nu hayga pagsuguun niku kamu pagpili tulu ka banwa darangpan.

Diyuturunumiyu 21:1

“Halimbawa may nakitan bangkay tawu sa pag-ipakaun pag daga sa kanyu Panginuun niyu Diyus kanyu apuun, ag unman may nakaalam nu si unu ti nagmatay inda,

Diyuturunumiyu 25:19

Nakan rurisa gid niyu ti tanan Amalikita nu pakan-an yi kamu Panginuun niyu Diyus kahusayan sa tanan niyu manga kalaban ati sa pag-ipakaun niya sa kanyu pag daga, kanyu apuun. Danga gid niyu inda pag kalimti.

Diyuturunumiyu 5:31

Dapat ay pagpatayak kawu sitay sa kangku hampay iayaw niku sa kanmu ti tanan pag sugu hanggan surundanun ti itudlu nimu sa kanda, imaw kanda sundun ati sa pag-ipakaun niku pag daga kanda manahun.’

Diyuturunumiyu 6:1

“Inda ti manga sugu, ti manga tudlu, hanggan ti manga surundanun ipinakaun Panginuun niyu Diyus agud itudlu sa kanyu. Sunda niyu inda ati sa daga maapu niyu sa baliw dipay Hurdan,

Diyuturunumiyu 9:6

Nakan alalahanun niyu, balaw dahil manga matadlung kamu nakan pag-ipakaun Panginuun niyu Diyus inda pag mayad daga kanyu apuun. Sa tutuu lang, manga maganit kanyu ulu.

Huswi 1:11

“Palibuta niyu ti kampu bag-u sabihi ti manga tawu pag-alistu sida kanda manga karan-unun dahil sa ikatlu pag sirang kainda ginan, mandipay kita sa Sapa Hurdan hampay apuun ti daga pag-ipakaun Panginuun nita Diyus sa kanta.”