Diyuturunumiyu 29:9 - Hanunuu

⁹ “Nakan sunda niyu kaayad ti manga pag-isugu sa inda pag kasunduan, hampay abunda kamu sa tanan niyu pagbuwatun.

Diyuturunumiyu 29:9 Iomraidhean Croise

1 Hari 2:3

ag tupada ti manga pag-isugu Panginuun kanmu Diyus. Pagsunud kawu sa kay manga paanyu, ag tupada kay manga surundanun hanggan manga sugu nakasurat sa Kasuguan ni Muysis, hampay manalu kawu sa tanan nimu buwatun, una naan tabug kawu.

2 Krunika 20:13

Habang matindugan ati sa atubangan Panginuun ti tanan lalaki taga Huda, kaibahan kanda manga asawa kag anak, hanggan kanda manga lapsag,

2 Krunika 31:21

Nagbaliw marapanalu siya, dahil sa tanan binwat niya para sa Balay Diyus ag sa pagsunud niya sa kasuguan, nagdangup siya sa kay Diyus buu tagipusuun.

Kanta 25:10

Sa tanan nimu pagbuwatun, pag-ipakakit nimu kanmu pagmahal hanggan katapatan sa manga magsunud sa pag-isugu nimu kasuguan.

Hirimyas 50:5

Mamaingana sida sa dalan atabug sa Hirusalim ag umati sida. Mamuwat sida unman may katapusan pag kasunduan sa kangku, ag unman yi gid nida inda kalimtan.

Lukas 11:28

Dapat sinabi ni Hisus, “Lalu waya papaladan Diyus ti manga tawu nu magpatingi sa kay bagaw bag-u kanda pagtupadun.”

Diyuturunumiyu 29:1

Inda ti manga tultulanun sa pagsunud sa taratu pag-isugu Panginuun sa kan Muysis tabug sa manga Israilita sa Muab. Dugang inda sa taratu kay binuwat sa kanda sa Hurib.

Diyuturunumiyu 29:10

Tinmindug kamu tanan kainda pag sirang sa atubangan Panginuun niyu Diyus: ti manga takinan niyu manga lahi, ti manga manugpamahala, ti manga takinan, ag ti tanan lalaki Israil,

Diyuturunumiyu 31:12

Tipuna ti manga tawu — ti manga lalaki, ti manga babayi, ti manga kalay-awan, hanggan ti manga day-uhan mag-uli sa kanyu manga banwa — hampay makapatingi sida ag maanad maggalang sa Panginuun niyu Diyus ag pagsunud kaayad sa tanan pag-ipatupad sa inda pag manga sugu.

Diyuturunumiyu 4:6

Sundun niyu inda maluag sa kanyu tagipusuun, dahil sa panab-anan niyu pagsunud maipakakit niyu kanyu kadunungan ag pan-intindi sa iba manga nasyun. Nu madnugan nida inda tanan pag surundanun sumabi sida, ‘Ungud duy maaw madunung ag maraintindihun ti manga tawu sa inda pag makapangyarihan pag nasyun.’

Diyuturunumiyu 5:3

Balaw niya inda binuwat sa kanta manga ginurang bagkus ngap sa kanta tanan sa magkabuhi taynguna.

Huswi 1:7

Basta pagpakarig-un lang kawu hanggan pagmatutum gid kanmu naisipan. Sunda gid nimu kaayad ti tanan kasuguan ipinakaun sa kanmu ni Muysis kang suruguun. Danga gid nimu inda pagkalimti, hampay marapanalu kawu sa tanan nimu pagbuwatun.

Huswi 1:8

Danga gid pagkalimti basahun ti ribru Kasuguan. Isip-isipa nimu inda sirang yabi, hampay maalaman nimu nu kabitay matupad nimu ti tanan nakasurat asan. Sa panab-anan inda bumaliw abunda kanmu kahamtangan ag marapanalu kawu.

Huswi 24:1

Kainda, ipinatipun ni Huswi ti tanan linahi Israil sa Sikim. Tinawag rargu niya ti manga manugpamahala, ti manga takinan, hanggan ti manga manughusay, ag ti manga may kangaranan sa Israil, bag-u nagpakarani sida sa atubangan Diyus.

Huswi 8:35

Inusa-usa binasa ni Huswi ti manga sugu ni Muysis sa atubangan tanan kadamlan Israil, kaibahan diman ti manga babayi, ti anak hanggan ti manga day-uhan mag-uli kaibahan nida.