Diyuturunumiyu 29:25 - Hanunuu

²⁵ “Ag kay sagut kaindaay: ‘Dahil naglabag inda pag manga tawu sa kasunduan binuwat sa kanda Panginuun, ti Diyus nida manga ginurang, pagka ipinaluwas niya sida sa Ihiptu.

Diyuturunumiyu 29:25 Iomraidhean Croise

1 Hari 9:8

Una marinu ag bantug inda pag Balay Diyus, dautun niku inda. Mataranta ag madulaw gid ti tanan pag lumalawuy sitay ag sumabi, ‘Hayga binwat inda Panginuun sa inda pag daga ag sa inda pag Balay Diyus?’

1 Hari 9:9

Sumagut ti iba, ‘Dahil binugyahan nida ti Panginuun nida Diyus ti nagpalwas sa kanda manga ginurang sa Ihiptu, nagsirbi sida ag nagsamba sa tuhay pag manga diyus. Nakan ngani pinadaran-an sida Panginuun manga kadautan.’ ”

2 Hari 17:15

Ipinurya nida kay manga surundanun hanggan kasunduan kay binwat sa kanda manga ginurang, binaliwala nida ti manga pasandam sa kanda. Sinunud nida ti manga unman may pulus pag manga diyus-diyusan, ag sida nagbaliw diman unman may pulus. Sinunud nida ti manga nasyun sa kanda sangput una pagsabihan sida Panginuun danga magsunud. Binwat gid nida ti pag-irangan Panginuun pag manga bagay kanda buwatun.

2 Hari 17:9

Nagbuwat sida lihim pag manga bagay laban sa Panginuun nida Diyus. Nagbuwat diman sida manga simbahan sa abwat pag manga rugar una naan sa Israil, ginan sa dariit pag manga baryu tugka sa daraka pag manga banwa may alad batu.

2 Hari 22:17

Ipakakit gid niku kang pangagalit sa inda pag rugar ag balaw inda umapas, dahil binugyahan aku nasakupan ag nagsunug sida kamangyan sa pagsamba sa tuhay pag diyus. Ginalit gid nida aku sa kanda manga binuwat.’

2 Krunika 36:13

Naglaban diman siya kan Hari Nabukudunusur, una ipinasumpa niya siya sa ngaran Diyus kuntay balaw siya manlaban sa kanya. Nagbaliw maganit gid kay tagipusuun ni Sidikyas, ag dayu siya mamabalik sa Panginuun, ti Diyus Israil.

Kanta 106:36

Sinamba nida kanda manga diyus-diyusan ag imaw ti nagdara sa kanda sa kadamhakan.

Isayas 47:6

Nangisug aku sa kang nasakupan ag ipinurya niku sida. Nakan ipinakaun niku sida sa kanmu manga kamang, balaw nimu sida kinaawaan. Una ti manga gurangun kanmu hinigpitan.

Isayas 65:11

Dapat pakurianan niku kamu pag manga nagbugya sa kangku hanggan balaw nagpahalaga sa banal pag bantud niku. Nansagda kamu sa pagpaniwalaan niyu pag manga diyus-diyusan imaw tig pakaun papalad sa kanyu ag mayad pag kapaladun.

Hirimyas 16:11

Sabihun nimu sa kanda inda kang sagut: ‘Binwat niku inda dahil dinayu aku niyu manga kaumputan. Nagsirbi ag nagsamba sida sa manga diyus-diyusan. Dinayu nida aku balaw nida sinunud kang bilin.

Hirimyas 22:8

Ti manga tawu ginan sa tuhay-tuhay pag nasyun maglawuy sa inda pag banwa mamaraingan-an, ‘Hayga nguna binuwat inda Panginuun sa may kadayawan pag banwa?’

Hirimyas 22:9

Ag inda ti isagut sa kanda, ‘Dahil dinayu nida ti kasunduan Panginuun nida Diyus, bag-u nagsamba hanggan nagsirbi sida sa manga diyus-diyusan.’ ”

Hirimyas 31:32

Balaw inda parihu sa un-an pag kasunduan kang binuwat sa kanda manga ginurang katpung giniyahan niku sida sa pagluwas sa Ihiptu. Una aku ga kanda asawa, balaw nida tinupad ti un-an nimi pag kasunduan. Aku, ti Panginuun, ti magsabi inda.”

Hirimyas 44:3

dahil sa kadautan binwat manga nasakupan nida. Ginalit nida aku sa pagsunug nida manga kamangyan ag pagsamba sa manga diyus-diyusan balaw nida kilala ngatay nida manga kaumputan.

Hirimyas 50:7

Siniba sida manga nakakit sa kanda. Magkun ti manga kalaban nida, ‘Nagsalan sida sa Panginuun imaw ti tutuu nida paraharyan ag pagsarigan manga kaumputan nida nakan unman kita may kasalanan sa kanta paggira sa kanda.’

Diyuturunumiyu 29:26

Nagsamba sida ag nagsirbi sa iba pag manga diyus unman nida kilala, ti pag-irangan Panginuun sambahun nida.

Hibriyu 8:9

Ti bag-u taratu balaw miparihu sa daan taratu ga kang binwat kaybi sa kanda manga ginurang, sa ati katpung kang naggiya sa kanda hampay ipalwas sida ginan sa daga Ihiptu.” Magkun ti Panginuun, “Unman nagtupad sida sa kang taratu, nakan pinabay-anan niku sida.”