Diyuturunumiyu 29:23 - Hanunuu

²³ Kanyu buu daga bumaliw parihu sa tigangan daga natabunan yi asupri ag asin. Unman gid may magtanum sa inda pag daga dahil ti tanum unman manubu. Bumaliw parihu sa pagkadamhak Suduma ag Gumura, hanggan Adma ag Sibuyim pagka dinaut Panginuun dahil sa kay masyadu gid pag pangagalit.

Diyuturunumiyu 29:23 Iomraidhean Croise

Gimpuunan 14:2

ti naggira sa kanda ni Bira hari sa Suduma, ni Birsa hari sa Gumura, ni Sinab hari sa Adma, ni Simibir hari sa Sibuyim hanggan sa kan hari Bila pag-ingarnan diman Suar.

1 Hari 9:8

Una marinu ag bantug inda pag Balay Diyus, dautun niku inda. Mataranta ag madulaw gid ti tanan pag lumalawuy sitay ag sumabi, ‘Hayga binwat inda Panginuun sa inda pag daga ag sa inda pag Balay Diyus?’

1 Hari 9:9

Sumagut ti iba, ‘Dahil binugyahan nida ti Panginuun nida Diyus ti nagpalwas sa kanda manga ginurang sa Ihiptu, nagsirbi sida ag nagsamba sa tuhay pag manga diyus. Nakan ngani pinadaran-an sida Panginuun manga kadautan.’ ”

2 Hari 22:13

“Pagpaingana kamu sa Panginuun para sa kangku ag para sa nasakupan Huda tungkul sa nakasurat sa ribru nakitan. Masyadu gid ti pangagalit Panginuun sa kanta dahil unman nagsunud kanta manga ginurang sa nakasurat sa inda pag ribru, ti pag-isugu diman sa kanta.”

Hub 18:15

Madura kay ulian dahil mairub inda maglabdaban asupri.

Kanta 107:34

Pagbuwatun niya ti mayad pag daga unman may pulus, dahil sa manga kadautan manga mag-uli siyun.

Isayas 1:7

Udyi makinabangan kanyu nasyun; kanyu manga banwa nagkarairub yi. Habang mabantayan kamu, pagbul-un manga taga iba daga ti burak niyu manga tanum sa kanyu tanman. Dinaut nida kanyu daga tugka sa udyi kamu may makinabangan.

Isayas 13:19

Ti Babilunya pag kaharian imaw ti pinakamarinu sa tanan pag kaharian. Pag-ipadayaw tunda niya manga nasakupan. Dapat gubaun niku tunda parihu sa Suduma ag Gumura.

Isayas 34:9

Ti manga sapa hanggan daga sa Idum madaut. Ti buu nasyun mairub balaw yi makinabangan.

Isayas 64:11

Nairub ti banal ag marinu pag Balay Diyus nimi, nu naan kawu pagsambahun nimi manga ginurang. Nawayak ti tanan mahalaga pag bagay sa kanmi.

Hirimyas 17:6

Miparihu siya sa usa ka diit pag puun kayu sa tigangan pag daga, unman may marinu patabgan. Mangulian siya sa mamara ag maasin pag daga unman may iba mag-uli.

Hirimyas 20:16

Mana ati pag tawu miparihu sa manga banwa winayak Panginuun ag balaw kinaawaan. Mana buu sirang mapatingihan niya ti ringgit ag arunghung manga tawu sa girahan.

Hirimyas 49:18

Nu kabitay nawayak ti Suduma ag Gumura hanggan ti manga banwa sa kalibut inda, katida diman ti mangyari sa Idum. Ag udyi may mangulian atay. Aku, ti Panginuun, ti magsabi inda.

Hirimyas 9:11

Dahil magsabi ti Panginuun, “Wasakun niku ti Hirusalim, bumaliw inda ulian manga talun idu. Buwatun niku ga pangawakawaan ti manga banwa Huda tugka sa unman yi may mangulian siyun.”

Isikil 47:11

Dapat ti manga dalaag sa palibut maasin di, hampay may mabul-an asin ti manga tawu.

Libitiku 26:32

Gubaun niku kanyu rugar, ag ti sumakup siti pag manga kalaban niyu madulaw gid sa kay pagkaguba.

Amus 4:11

“Rinuris niku ti iba sa kanyu parihu sa binwat niku sa Suduma ag Gumura. Bag-u ti iba sa kanyu nakaribri parihu sa kayu rinabnut sa apuy. Dapat unman diman kamu nagbalik sa kangku. Aku, ti Panginuun, ti magsabi inda.

Lukas 17:29

Dapat pagka nighit lang sa Suduma si Lut, ati katpung pag sirang nalagpak ginan sa langit ti apuy hanggan asupri ga manga uran ag natabu yi lang namatay ti tanan tawu sa banwa Suduma.

Ruma 9:29

Si Isayas diman ti may sabi magkun, “Ti Panginuun makamaskihan sa tanan nagsawad di kay iba sa kanta lahi. Nakan kita unman niparihu ga Suduma ag ga Gumura.”

Hudas 1:7

Isipa diman niyu ti banwa Suduma hanggan ti banwa Gumura ag kay manga kaarani pag banwa. Nagumun diman sida sa manga mahalay pag buwat hanggan sa kalukuhan nakan sida pinarusahan sa apuy unman may katabuhan, bilang ga usa ka paalaala sa tanan tawu.

Ipinakakit 19:20

Nabihag ti hayup malangas, nabihag diman waydi ti pudilun pag purupita imaw ti manugbuwat makadululaw pag tanda sa atubangan hayup malangas. Tunda ngani pag manga tanda makadululaw ti ginamit niya pandaya sa manga tawu nakatanggap marka hayup malangas, sa manga magsamba sa kay tawu-tawu. Ti hayup malangas ag ti pudilun pag purupita iyinmut buhi tag sa maglabdab danaw apuy asupri.

Talaghusay 9:45

Buu sirang gid kanda lalabanan ni Abimilik. Igu sa uryan nasakup gid nida ti banwa, ag pinanmatay nida ti manga mag-uli siyun. Pagkatapus dinaut nida ti banwa ag rargu sinabragan asin.