Diyuturunumiyu 29:1 - Hanunuu

¹ Inda ti manga tultulanun sa pagsunud sa taratu pag-isugu Panginuun sa kan Muysis tabug sa manga Israilita sa Muab. Dugang inda sa taratu kay binuwat sa kanda sa Hurib.

Diyuturunumiyu 29:1 Iomraidhean Croise

2 Hari 23:3

Bag-u nagtindug si Husyas sa saruy tulduk pirmi pagtindugan hari. Ag nagbuwat siya kasunduan sa atubangan Panginuun kuntay sumunud siya sa Panginuun sa panab-anan pagtupad sa kay manga sugu, hanggan tudlu, ag surundanun sa buu niya tagipusuun ag karadwa. Sa kainda pag paraan matupad ti manga pag-isugu sa kasunduan Diyus nakasurat sa inda pag ribru. Ag nangaku diman ti manga tawu tumupad sa kasunduan Diyus.

Kanta 105:27

Ipinakakit nida ati sa daga manga linahi ni Kam ti makadululaw pag manga buwat Diyus.

Hirimyas 11:2

“Paalalahanan nimu sa manga taga Huda hanggan sa manga taga Hirusalim ti manga kailangan sundun sa kanmi kasunduan.

Hirimyas 11:6

Bag-u magkun maan sa kangku ti Panginuun, “Sabihun nimu inda tanan kang manga bagaw sa manga banwa Huda hanggan sa manga baklayan Hirusalim: ‘Alalahana niyu ag tupada ti manga pagsabihun sa inda pag kasunduan.

Hirimyas 31:32

Balaw inda parihu sa un-an pag kasunduan kang binuwat sa kanda manga ginurang katpung giniyahan niku sida sa pagluwas sa Ihiptu. Una aku ga kanda asawa, balaw nida tinupad ti un-an nimi pag kasunduan. Aku, ti Panginuun, ti magsabi inda.”

Hirimyas 34:18

Ti manga may kangaranan sa Huda ag Hirusalim, ti manga kaawat sa balay hari, hanggan ti manga manughandug ag ti tanan nasakupan nagbuwat kasunduan sa kangku sa panab-anan paglakaw nida sa sinangsang ibun baka. Dapat unman nida tinupad kanda kasunduan sa kangku, nakan buwatun diman niku sa kanda ti binwat nida sa ibun baka.

Libitiku 26:46

Imaw tunda ti tuhay-tuhay pag manga sugu hanggan manga surundanun ti ipinakaun Panginuun sa manga Israilita ati sa Bantud Sinai sa panab-anan ni Muysis.

Libitiku 27:34

Imaw tida kay manga sugu ipinakaun Panginuun tag sa kan Muysis ati sa Bantud Sinai para sa manga Israilita.

Binwat 3:25

Sa kanyu ngani tabug ti manga taratu Diyus ipinadakit manga purupita ag kamu nasakup sa kay taratu tinalaghut Diyus sa kanyu manga ginurang pagka sinabi niya sa kan Abraham magkun, ‘Ginan sa kanmu minamat papaladan niku ti tanan manga nasyun sa babaw daga.’

Diyuturunumiyu 1:1

Inda pag ribru tungkul sa manga itinultul ag binagaw ni Muysis sa tanan Israilita katpung ati di waya sida sa pangawakawaan, sa butlakan Sapa Hurdan. Makampuhan sida sa Karatagan Hurdan arani sa Sup, sa karaw-an Paran, Tupil, Laban, Hasirut hanggan Disahab.

Diyuturunumiyu 28:68

Pabalikun kamu Panginuun sa Ihiptu sakay sa barku, una nagtaratu siya sa kanyu unman yi gid kamu pabalikun ati. Ipabili niyu kanyu sadili sa kanyu kalaban bilang manga suruguun, dapat unman may mamili sa kanyu.”

Diyuturunumiyu 29:12

Tinmindug kamu sitaay hampay manupad kasunduan sa Panginuun niyu Diyus. Nagsumpa ti Panginuun sa inda pag kasunduan kay binuwat sa kanyu taynguna pag sirang,

Diyuturunumiyu 29:2

Ipinatawag ni Muysis ti tanan Israilita ag sinabihan, “Kamu mismu ti nakakit sa tanan binuwat Panginuun sa hari Ihiptu hanggan sa tanan niya takinan ag sa buu niya nasyun.

Diyuturunumiyu 29:21

Ipablag siya Panginuun sa tanan pag linahi Israil, ag pakurianan siya angay sa manga saad kasunduan masuratan sa inda pag Ribru Kasuguan.

Diyuturunumiyu 29:25

“Ag kay sagut kaindaay: ‘Dahil naglabag inda pag manga tawu sa kasunduan binuwat sa kanda Panginuun, ti Diyus nida manga ginurang, pagka ipinaluwas niya sida sa Ihiptu.

Diyuturunumiyu 4:10

Alalahanun niyu ti sirang tinmindug kamu sa atubangan Panginuun niyu Diyus ati sa Bantud Sinai, nu naan magkun siya sa kangku, ‘Tipunun nimu sa kang atubangan ti manga nasakupan para mamatingi sa kang manga pagsabihun hampay maanad sida maggalang sa kangku hanggan buhi waya sida, ag maitudlu nida inda sa kanda manga anak.’

Diyuturunumiyu 4:13

Itinultul niya sa kanyu ti manga buwatun niyu pag bagay sa pagtupad manga kasunduan niya sa kanyu. Tunda yi ngani ti Sampulu ka Sugu ti kay pag-isugu sa kanyu tupadun gid niyu. Bag-u isinurat niya inda sa duwa ka malapad pag batu.

Diyuturunumiyu 4:23

Dapat pag-aman kamu hampay balaw niyu malimtan ti kasunduan binuwat Panginuun niyu Diyus. Danga kamu magbuwat manga diyus-diyusan sa histuda una hintay pag bagay, dahil pag-irangan gid inda Panginuun niyu Diyus.

Hibriyu 8:9

Ti bag-u taratu balaw miparihu sa daan taratu ga kang binwat kaybi sa kanda manga ginurang, sa ati katpung kang naggiya sa kanda hampay ipalwas sida ginan sa daga Ihiptu.” Magkun ti Panginuun, “Unman nagtupad sida sa kang taratu, nakan pinabay-anan niku sida.”

1 Samwil 12:24

Pagmaginalangun yi gid kamu sa Panginuun, ag pagsirbi sa kanya may katapatan sa buu niyu tagipusuun. Isip-isipa gid niyu nu kabitay kay kadaka kay binwat sa kanyu.