Diyuturunumiyu 28:8 - Hanunuu

⁸ Papaladan Panginuun niyu Diyus ti tanan niyu pagbuwatun ag pun-un niya manga inani kanyu manga haramnuan. Papaladan niya kamu ati sa pag-ipakaun niya pag daga sa kanyu.

Diyuturunumiyu 28:8 Iomraidhean Croise

2 Hari 6:27

Sinmagut ti hari, “Nu unman mangawat ti Panginuun sa kanmu unu kang mabuwat? Udyi aku may tirigu ngatay intus mipakaun sa kanmu.”

Kanta 1:3

Parihu siya sa kayu itinanum sa saruy sapa magburak nu udas tig bururak, ag balaw magkarubay kay manga labung. Ti kainda pag tawu umalwan sa kay manga pagbuwatun.

Kanta 128:2

Kanyu manga binudlayan kumang-ud sa kanyu manga pangailangan; bumaliw masulung kamu ag may kaabundahan.

Kanta 133:3

Ngatay parihu inda sa tun-ug sa bantud Hirmun nagras-ug sa manga bantud Siun. Ag sitay sa Siun nagtaratu ti Panginuun mamakaun papalad, imaw ti buhi unman may katapusan.

Kanta 144:13

Mana mapunu kanmi haramnuan tanan pag kalasi inani. Mana linibu-libu ti kanmi manga karanidu sa pasturan,

Kanta 42:8

Nu sirang pag-ipakakit nimu kanmu pagmahal, Panginuun, nakan nu yabi magkanta aku bilang darangin sa kanmu, Diyus niku buhi.

Kanta 44:4

Kawu kang Diyus ag Hari magpakaun panalu sa kanmi manga linahi ni Hakub.

Libitiku 25:21

Dahil papaladan niku kanyu daga sa ikan-um pag timpu hampay makatubas inda mayamu pag karan-unun kang-ud sa tulu ka timpu.

Libitiku 26:10

Dahil umabunda gid kanyu manga patubas, kanyu kan-un imaw waya ti nakalawuy niyu pag manga patubas tugka sa maabutan waya tunda ag matulsan manga bag-u maan pag patubas.

Hagay 2:19

Una udyi may nasawad tirigu, ag udyi ti burak manga ubas, igus, pumigranata, hanggan ulibu, dapat taynguna ginan papaladan yi kamu Panginuun.”

Matiyu 13:30

Pabay-ani lang niyu parihu magdaka hanggan sa ud tig-arani. Sa udas tig-arani aban sabihun niku sa manga manug-ani, “Tumpuka dap niyu ti manga ilamnun bag-u bugkusa niyu hampay sunugun sa apuy. Bag-u tipuna niyu ti tirigu sa kang balay haramnuan.” ’ ”

Matiyu 6:26

Bantayan niyu ti manga manuk sa tungud maglayang, unman sida magpamgas ag unman diman sida mag-ani, unman sida may tinipun sa balay haramnuan. Dapat pagpakan-an sida niyu Ama sa langit. Unman aw kamu mahalaga man sa manga manuk?

Lukas 12:18

Bag-u magkun siya, ‘Kainda kang buwatun, dautun yi lang niku kang manga daan balay haramnuan bag-u buwatun niku utru manga daka man sa siti. Ti tanan niku inani isukad maan niku siti hanggan kang manga butang.

Diyuturunumiyu 14:29

Iayaw niyu inda sa manga Libita (unman may minana daga), sa manga balaw Israilita, sa manga ilu, hanggan sa manga buranday pag babayi mag-ulian sa kanyu manga banwa hampay makakaun waydi sida ag mabsug. Nu buwatun niyu inda, papaladan kamu Panginuun niyu Diyus sa tanan niyu pagbuwatun.

Diyuturunumiyu 15:10

Pag-ayaw kamu sa kanya sa buluntadan. Nu buwatun niyu inda papaladan kamu Panginuun niyu Diyus sa tanan niyu pagbuwatun.

Diyuturunumiyu 15:4

“Kailangan unman may pugri sa kanyu, dahil papaladan gid kamu Panginuun niyu Diyus sa daga pag-ipakaun niya sa kanyu, kanyu maapu.

Diyuturunumiyu 28:20

Saadan kamu Panginuun, malitu kamu ag maarimputu sa tanan niyu pagbuwatun tugka sa midamhak kamu ag magkaradura dahil sa daut niyu pag buruwatun sa panab-an paglabag sa kanya.

Diyuturunumiyu 28:7

Ipatalu Panginuun sa kanyu ti magsalakay sa kanyu pag manga kalaban. Karaibahanan sida mansalakay sa kanyu dapat mamululagan sida malagiw ginan sa kanyu.