Diyuturunumiyu 28:65 - Hanunuu

⁶⁵ Unman kamu may kahusayan ati hanggan rugar paraharyan. Balaw kamu pakan-an Panginuun kaariwayahan ag mabul-an kamu pag-asa, bag-u pirmi kamu mag-ibuyu.

Diyuturunumiyu 28:65 Iomraidhean Croise

Gimpuunan 8:9

dapat unman may maapunan ti kalampati dahil magkalapawan waya danum ti buu kalibutan. Nakan binmalik yi lang ti kalampati sa kan Nuwi sa barku. Ihinunat ni Nuwi kay takyay ag ipinaapun niya ti kalampati bag-u ipinaslud sa barku.

Hub 11:20

Dapat ti manga daut mibuyu, unman yi may mapalagiwan waya, ti kanda lang pagsarigan imaw ti kamatayan.”

Isayas 51:17

Hirusalim, pagbangun kawu! Ti pangagalit Panginuun ga intus ininum nimu tanan tugka kawu sa magpasuray-suray sa langu.

Isayas 57:21

Ti daut pag tawu ud may kahusayan kay buhi.” Tunda ti binagaw niku Diyus.

Isayas 65:14

Manganta sida sa kabayaan, dapat kamu lumumi sa karukuan hanggan sa daut pag nalub-anan.

Karukuan 1:3

Pinakurianan ti Huda ag binihag kay nasakupan. Ati sida pag nangulian sa iba nasyun nu naan makuri kanda kahamtangan. Linagas sida nida manga kalaban tugka sa unman yi sida may mapalagiwan.

Karukuan 3:65

Paganita kanda tagipusuun ag saadi sida.

Karukuan 5:17

Dahil siyun magkasaktan kanmi tagipusuun ag magpandulum kanmi pamantay.

Libitiku 26:16

indaay kang buwatun sa kanyu: Makulbaan kamu sa dala dahil padaran-an niku kamu makamatay pag manga sakit hanggan init bilug imaw ti dumaut sa kanyu manga mata hanggan manga bilug. Tumanum kamu, dapat balaw niyu inda makinabangan dahil girahun kamu niyu manga kalaban bag-u kan-un nida kanyu manga patubas.

Libitiku 26:36

Kamu pag manga nagkarasawad buhi sa labanan bag-u dinara niyu manga kalaban sa kanda rugar, padalaun gid niku. Una sa karanas lang labung kayu pag-uypun durus magpalagiw kamu bilang ga paglagsun kamu agud matyun una unman may maglagas sa kanyu. Ag habang magpalalagiwan kamu mandurunggaban kamu bag-u magkaraplid. Nakan dayu gid kamu lumaban sa kanyu manga kalaban.

Amus 9:4

Una bihagun waya sida nida manga kalaban, ipamatay di gid niku sida. Buwatun gid niku inda; ipadamhak niku sida ag balaw awatan.’ ”

Habakuk 3:16

Magkun si Habakuk, “Pagka nadnugan niku inda pag ipinasandam Panginuun sa kangku, nangirkirug kang buu bilug hanggan kang bibig dahil sa kadalaan. Nanlumuy aku ag nangirkirug kang manga tuud. Ag dahil sa inda pag ipinasandam Panginuun, agwantahun niku alagdun ti udas pagparusa niya sa manga naggira sa kanmi.

Matiyu 24:8

Ti tanan tunda imaw yi ti umpisa di waya manga kakurian.

Lukas 21:26

Manlubay yi lang gid aban ti manga tawu sa dala sa manga mangyari waya sa bilug kalibutan. Ti manga bagay sa panungaan langit daga matandug ag magkalabalyuhan.

Ruma 11:10

Pagmandulum yi kanda mata hampay udyi lang sida makakit, paggapang yi lang sida sa kakurian hanggan tugka sa mamatay.”

Diyuturunumiyu 28:66

Pirmi may kadalaan kanyu buhi; sirang yabi pirmi kamu pagkulbaan, ag unman may kasiguraduhan kanyu buhi.