Diyuturunumiyu 28:64 - Hanunuu

⁶⁴ “Wayakun kamu Panginuun sa tanan nasyun, sa kada suuk kalibutan. Ag ati pag mansamba kamu sa iba pag manga diyus buwat sa kayu ag batu, balaw niyu kilala una niyu manga ginurang.

Diyuturunumiyu 28:64 Iomraidhean Croise

Gimpuunan 4:14

Malu, taynguna aku kanmu yi itinulak ginan sa inda pag daga hanggan ginan sa kanmu atubangan. Bag-u aku malakaw-lakawan wadi, udyi may pirmaminti ulian. Nakan una hintay ti makakit sa kangku barang aku matyun.”

2 Hari 17:6

Pagka sa ikasiyam pag timpu kay maghari ni Husyas, nasakup hari Asirya ti Samarya, ag dinara niya ti manga taga Israil sa Asirya bilang manga bihag. Ipinatahan niya sida sa banwa Hala, sa manga rugar arani sa Sapa Habur sa Gusan, hanggan sa manga banwa manga Midyanita.

2 Hari 25:21

sakup Hamat. Ag ati pag minatay sida hari. Nakan ti nasakupan Huda binihag, dinara sa arayu sa kanda daga.

Nihimyas 1:8

“Alalahana duy nimu kanmu sinabi kaybi sa kan Muysis magkun: ‘Nu kamu pag manga Israilita balaw magmatinupadun sa kangku, wayakun niku kamu sa tuhay-tuhay pag manga nasyun.

Kanta 44:11

Ipinahintulut nimu magkaramatay kami parihu sa manga karanidu pinangiyaw. Ag pinanwayak nimu kami sa manga nasyun.

Isayas 6:12

Tugka sa palayasun niku ti manga Israilita ag kanda manga daga mapabay-anan yi.

Hirimyas 15:14

Buwatun niku kamu panawuhun niyu manga kalaban sa daga balaw niyu alam, ag ipaagum niku sa kanyu kang pangagalit ga maglabdaban apuy.”

Hirimyas 16:13

Nakan palayasun niku kamu sa inda pag daga atabug sa daga balaw niyu alam, hanggan niyu manga ginurang. Bag-u ati, pumasawa kamu sa pagsirbi sa tuhay pag diyus sirang ag yabi, ag balaw yi niku kamu kaawaan.’

Hirimyas 50:17

“Ti manga Israilita ga manga karanidu namululagan pagbukadun manga liyun. Kabag-u, siniba hari sa Asirya, rargu ti pinaka-uryan nag-arit-it kanda manga but-ul si Hari Nabukudunusur sa Babilunya.

Hirimyas 9:16

Bululagun niku sida una naan pag nasyun sa balaw nida magkakilala una manga kaumputan nida. Mamadara aku gurupu man-gira sa kanda hampay lubus sida maruris.”

Karukuan 1:3

Pinakurianan ti Huda ag binihag kay nasakupan. Ati sida pag nangulian sa iba nasyun nu naan makuri kanda kahamtangan. Linagas sida nida manga kalaban tugka sa unman yi sida may mapalagiwan.

Isikil 20:23

Dapat nagsumpa aku sa kanda ati sa pangawakawaan wayakun niku sida sa tuhay-tuhay pag manga nasyun,

Isikil 36:19

Pinanwayak niku sida sa iba manga nasyun. Binwat ngani niku ti angay sa kanda ugali ag pagpangabuhi.

Libitiku 26:33

Padaran-an niku kamu gira imaw ti gumuba sa kanyu manga banwa. Kalatun niku kamu tabug sa iba pag manga nasyun, bag-u bumaliw mapanglaw kanyu daga.

Amus 9:9

Bantayi niyu! Mansugu yi aku; ayagun niku kamu pag nasakupan Israil kaibahan tanan nasyun, parihu sa mag-ayag manga uyas. Nu kabitay ti manga dariit pag batu unman makalapus sa ayagan,

Sakaryas 2:10

Magkun ti Panginuun, “Manhuruyawan kamu sa kabayaan, kamu pag manga taga Siun, dahil rumas-ug aku ag mangulian kaibahan niyu. Ag sa siyun pag udas, mayamu pag manga nasyun ti manpasakup sa kangku. Ag bumaliw sida kang nasakupan.” Nu mangyari yi tunda, maalaman niyu ti Panginuun Makamaskihan ngani ti nagpadara sa kangku tabug sa kanyu.

Sakaryas 7:14

Parihu aku sa buhawi manwayak sa kanda sa tuhay-tuhay pag rugar sa unman waya nida naatagan. Tinayakan yi nida kanda marinu pag daga tugka sa udyi nida inda mapakinabangan ag udyi maulian.”

Lukas 21:24

Matyun sida manga sundalu may armas baladaw, kay iba bihagun darahun tag sa una naan pag nasyun. Tatatataan manga balaw Hudiyu ti Hirusalim hanggan sa udwaya lumawuy ti kaudasan kapangyarihan manga balaw Hudiyu.”

Diyuturunumiyu 13:8

danga kawu magpadara-dara ngatay magpaniwala sa kanya. Danga nimu siya pagkaawai ngatay pag-apini.

Diyuturunumiyu 28:36

“Kamu hanggan kanyu pinili pag hari ipabihag Panginuun sa balaw niyu kilala pag nasyun una niyu manga ginurang. Ati pag mansamba kamu sa iba pag manga diyus buwat sa kayu ag batu.

Diyuturunumiyu 29:26

Nagsamba sida ag nagsirbi sa iba pag manga diyus unman nida kilala, ti pag-irangan Panginuun sambahun nida.

Diyuturunumiyu 30:1

“Nu mangyari sa kanyu inda pag manga bagay — ti manga papalad hanggan ti manga saad kang sinabi sa kanyu — ag maalaala niyu inda nu ati yi kamu sa manga nasyun nu naan pag ipinabihag kamu Panginuun niyu Diyus.

Diyuturunumiyu 32:17

Nagsagda sida sa manga labang balaw tutuu pag diyus — manga diyus balaw nida kilala ag bag-u lang linmutaw, ag balaw ginalang nida manga ginurang.

Diyuturunumiyu 32:26

Nagbagaw aku wayakun niku sida tugka sa balaw yi sida maalaman sa kalibutan.

Diyuturunumiyu 4:32

“Isipun niyu ti manga nangyari ginan sa sirang binuwat Diyus ti tawu sa kalibutan tugka taynguna. Bag-u usisaa niyu ti buu kalibutan nu may makitan kamu makadululaw pag bagay parihu sa kanyu nalakawan.