Diyuturunumiyu 28:62 - Hanunuu

⁶² Una parihu kamu ga pamgasan sa langit kay kayamu, pira lang ti masawad sa kanyu dahil unman kamu nagtupad sa Panginuun niyu Diyus.

Diyuturunumiyu 28:62 Iomraidhean Croise

2 Hari 13:7

Pagka sa uryan, ti nasawad sa kan Hihuahas ti 50 wadi ka manugkabayu, 10 ka kalisa, 10,000 ka sundalu, dahil ti iba pinanmatay hari Aram, parihu sa galbuk tinatatataan sida.

2 Hari 24:14

Binihag niya ti 10,000 ka nasakupan Hirusalim, dara ti tanan pag takinan hanggan ti pinakamadunung pag manga sundalu, ag ti tanan anad pag manga manugtarabahu ag manga manugpanday. Ti manga pinakapugri lang ti nasawad.

Nihimyas 7:4

Ati katpung, pagkaluang ti banwa Hirusalim dapat pira-pira lang ti manga mag-uli ati ag pira-pira diman ti manga balay.

Nihimyas 9:23

Pinayamu nimu kanda manga linahi, parihu sa manga pamgasan sa langit. Dinara nimu sida sa daga kanmu itinaratu sa kanda manga ginurang hampay suldun ag apuun.

Isayas 1:9

Nu ti Panginuun Makamaskihan balaw lang nagsawad una di pira sa kanta, parihu yi kita sa Suduma ag Gumura.

Isayas 24:6

Nakan sinaadan Diyus ti kalibutan, nakan may saragtun ti manga nasakupan dahil sa kanda manga kasalanan. Sunugun sida ag pira-pira wadi ti masawad.

Isayas 6:11

Nagpaingana aku, “Panginuun, kabitay duy kay kadugay?” Sinmagut siya, “Tugka sa mawayak ti manga banwa Israil ag balaw yi may mangulian siyun. Tugka sa udyi may mag-uli sa manga balay ag ti daga bumaliw kapawaan ag udyi makinabangan.

Isayas 6:13

Una matayak waya ti ikasampulu pag bahagi manga Israilita sa daga Israil, ipadamhak diman niku sida. Parihu sida sa tuud puun insina pinlud. Dapat may pinili aku masawad sa kanda, ti marinu pag salingsing.”

Hirimyas 42:2

Magkun sida kan Hirimyas, “Magpakihampang kami sa kanmu, kami ti manga nasawad, idarangin nimu kami sa Panginuun nimu Diyus. Mayamu kami kaybi, dapat taynguna pira wadi parihu sa kanmu mag-akitan.

Libitiku 26:22

Padaran-an niku kamu manga maisug pag manga hayup bag-u matyun nida kanyu manga anak hanggan manga hayup, ag dahil siyun pira wadi ti masawad sa kanyu ga udyi may maglakaw sa kanyu manga dalan.

Amus 5:3

Nakan magkun ti Panginuun Diyus, “Sa 1,000 sundalu ipadara usa ka banwa sa Israil, 100 wadi ti masawad. Sa 100 sundalu kay ipadara, 10 wadi ti masawad.

Markus 13:20

Nu abi unman padag-udun Panginuun aban tunda pag udas kakurian, unman may tawu maribri. Dapat ay dahil ngani sa kay manga pinili, padag-udun Panginuun tunda pag udas kakurian.

Diyuturunumiyu 1:10

Pinayamu kamu Panginuun niyu Diyus. Ag kainda, mayamu yi kamu ga manga pamgasan sa langit.

Diyuturunumiyu 1:11

Mana ti Panginuun, ti Diyus niyu manga ginurang, ti higit waya pumayamu sa kanyu linibu ka ulit ag papaladan niya kamu angay sa kay itinaratu.

Diyuturunumiyu 10:22

Katpung atabug kanyu manga ginurang sa Ihiptu, 70 lang sida tanan. Dapat kainda pinayamu kamu Panginuun niyu Diyus parihu sa pamgasan sa langit kay kayamu.

Diyuturunumiyu 4:27

Panwayakun kamu Panginuun tabug sa iba manga nasyun, ag pira wadi ti masawad sa kanyu ati sa manga nasyun nu naan kamu pag ipinauli Panginuun.