Diyuturunumiyu 28:60 - Hanunuu

⁶⁰ Ipalakaw niya sa kanyu ti madala pag manga durungugun ti ipinadara niya sa Ihiptu, ag balaw yi inda umayad.

Diyuturunumiyu 28:60 Iomraidhean Croise

Pag-ighit 15:26

“Nu buu tagipusuun kamu sumunud sa kangku, ti Panginuun niyu Diyus, ag bumuwat mayad sa kang magbantay, ag sundun kang manga kasuguan hanggan surundanun, unman kamu padaran-an niku manga panakitun parihu sa ipinadara niku sa Ihiptu. Aku ti Panginuun kanyu manugbulung.”

Pag-ighit 9:14

Dapat nu unman, mamadara aku masyadu pag sarut mamarusa sa kanmu, hanggan sa kanmu manga may kangaranan ag nasakupan nimu hampay maalaman nimu unman aku may kaparihu sa buu kalibutan.

Amus 4:10

“Pinadarahan niku kamu manga sarut parihu sa ipinadara niku kaybi sa Ihiptu. Ipinamatay niku kanyu manga kalay-awan lalaki sa girahan ag ipinabihag niku kanyu manga kabayu. Pinakurianan diman niku kamu sa buyuk manga namatay sa kanyu manga kampu. Dapat unman diman kamu nagbalik sa kangku. Aku, ti Panginuun, ti magsabi inda.

Diyuturunumiyu 28:27

Pakurianan kamu Panginuun sa manga baga ga kay ipinadara sa manga taga Ihiptu, hanggan manga tumur, bun-i ag maragatul unman mag-ayad.

Diyuturunumiyu 28:59

padarahan niya kamu hanggan kanyu manga lahi madala pag manga sakit masyadu gid masakit ag balaw yi mag-ayad.

Diyuturunumiyu 7:15

Apinan kamu Panginuun sa tanan pag sakit. Balaw niya ipadara sa kanyu ti mayagting pag manga sakit kanyu nakitan ati sa Ihiptu, dapat ipadara niya inda sa tanan magtanum galit sa kanyu.