Diyuturunumiyu 28:49 - Hanunuu

⁴⁹ “Ipagira kamu Panginuun sa usa ka nasyun ginan sa arayu pag rugar, ginan sa baliw dipay kalibutan, kanda pamagaw balaw niyu magkasalman. Girahun nida kamu parihu sa agila magsagib.

Diyuturunumiyu 28:49 Iomraidhean Croise

Gimpuunan 11:7

Nakan abala, pakialman nita sida. Tuhay-tuhayun nita kanda manga pamagaw hampay unman sida magkaraintindihan.”

Kanta 81:5

Ipinakaun niya inda pag kasuguan sa manga lahi ni Husi katpung ginira niya ti Ihiptu. Nakadnug aku busis balaw niku kilala magkun,

Kabagawan 30:19

Nu kabitay makalayang ti agila sa kahawaan, nu kabitay makayapang ti ulay sa kabatuhan, nu kabitay ti barku makayataw sa dagat, ag nu kabitay ti lalaki magkaibug sa babayi.

Isayas 33:19

Dapat balaw yi niyu makitan tunda pag manga tawu mayabang, kanda manga pamagaw balaw niyu magkasalman.

Isayas 39:3

Taynguna, nag-atag si Purupita Isayas sa kan hari Isikyas ag nagpaingana, “Naan ginan tunda pag manga tawu ag hintay kanda kailangan?” Sinmagut si Isikyas, “Nag-ataytag sida ginan waya sa Babilunya.”

Isayas 7:18

Sa ati pag sirang, paniplan Panginuun ti manga taga Ihiptu ag Asirya. Bag-u rumas-ug ti manga taga Ihiptu ga manga langaw ginan sa ararayu pag sapa Ihiptu. Ag rumas-ug diman ti manga taga Asirya ga manga putyukan.

Hirimyas 4:13

Bantayi niyu! Magras-ug ti manga kalaban nita ga manga rurum. Kay manga kalisa niya ga buhawi kay manga kabayu niya maliksi waya kaysa manga agila. Kaawaawa gid kita! Inda yi kanta katugkaan!

Hirimyas 48:40

Magkun waya ti Panginuun, “Bantayi niyu! Ti kalaban Muab ga agila maglayang hampay dagitun inda.

Hirimyas 49:22

Bantayi niyu! Ti kalaban ga sa agila maglayang mandagit sa manga taga Busra. Sa ati pag udas, dalaun ag bumaliw ga babayi arani yi manganak ti manga sundalu sa Idum.”

Karukuan 4:19

Mas mabisug waya sa manga agila kanmi manga kalaban maglagas sa kanmi. Paglagsun nida kami tugka sa manga bantud. Ag una sa pangawakawaan kami ati diman sida mag-alagad sa pagdugma sa kanmi.

Isikil 11:9

Palayasun niku kamu sa inda pag banwa ag ipabihag sa day-uhan ag ipaparusa niku kamu sa kanda.

Isikil 17:12

“Paingan-a inda pag maglaban pag nasakupan Israil nu alam nida nu unu kay ibug sabihun tunda pag pahalimbawa. Sabihi sida imaw inda kay ibug sabihun: Nag-atag ti hari Babilunya sa Hirusalim ag binihag niya ti hari nida hanggan ti manga manugpamahala, ag dinara sida atabug sa Babilunya.

Isikil 17:3

ag sabihi sida aku, ti Panginuun Diyus, ti magpatultul inda: May usa ka daka pag agila linmayang atabug sa Libanun. Malapad kay manga pakpak ag madamul kay manga bulbul tuhay-tuhay kay kulay. Inmapun inda sa tungud kayu sidru,

Isikil 3:6

Nu ipadara niku kawu sa nasakupan tuhay kanda pamagaw ag makuri intindihun, pihu mamatingi sida sa kanmu.

Danyil 7:4

“Kay un-an pag hayup ga liyun, dapat may pakpak agila. Habang magbantay aku, pinlud kay pakpak. Ipinatindug siya ga tawu ag pinakan-an kaisipan parihu sa tawu.

Danyil 9:26

Pagkalawuy 434 ka timpu, matyun ti pinili Diyus pag takinan ag unman may mangawat sa kanya. Rumas-ug ti usa ka hari ag dautun niya manga tawuhan ti banwa hanggan ti Balay Diyus. Ag angay sa itinagka Diyus, ti pagwayak ag paggira pumarargu tugka sa katapusan. Ti katapusan rumas-ug ga baha.

Husyas 8:1

“Uypi kanyu budyung paandam sa kang nasakupan Israil kang ulian, girahun sida kalaban ga agila kay kaliksi. Dahil balaw pinahalgaan nida kang kasunduan sa kanda ag linabag nida kang Kasuguan.

Bilang 24:24

Rumas-ug ti manga barku ginan sa Kitim ag sakupun nida ti nasakupan Asirya hanggan Ibir, dapat ti Kitim maruris diman.”

Matiyu 24:28

“Nu naan ti may buyuk, ati diman waydi pag magkatigsun ti manga uwak.”

1 Kurintu 14:21

Kainda ti pagsabihun sa Banal Kasuratan, magkun ti Panginuun, “Bumagaw aku sa inda pag nasyun, dapat tuhay kay pamagaw ti manugpadakit sa kanda. Dayu aku patingihan nida una manga dayuhan ti pumadakit kang bagaw.”