Diyuturunumiyu 28:4 - Hanunuu

⁴ Papaladan niya kamu mayamu pag anak, abunda pag ani ag mayamu pag hayup.

Diyuturunumiyu 28:4 Iomraidhean Croise

Gimpuunan 39:5

Ginan sa umpisa si Husi ti magpamahala, pinapaladan Panginuun ti magtal-anakan niya amu, si Putipar taga Ihiptu hanggan ti tanan kasiyunan niya sa kay balay ag tanman. Binwat inda Panginuun dahil sa kan Husi.

Gimpuunan 49:25

Siya ti Makamaskihan pag Diyus niyu manga ginurang, ti mag-awat ag magpapalad sa kanmu. Papaladan niya kawu uran ag danum sa manga bulbugan. Ag pakan-an niya kawu mayamu pag anak hanggan hayup.

Kanta 107:38

Pagpapaladan sida Diyus, ag magyamu gid sida. Una kanda manga hayup balaw niya pagpahintulutan pumira.

Kanta 127:3

Ti manga anak pakaun ag papalad ginan sa Panginuun.

Kanta 128:3

Kanyu asawa mag-uli sa kanyu manga balay bumaliw parihu sa maraburak pag ubas, kanyu manga anak mantiripun sa sangput niyu manga lamisa parihu sa sugbuk manga kayu ulibu.

Kabagawan 10:22

Magyaman ti tawu dahil sa pagpapaladan Panginuun, ag balaw may midugang sa kay magpangabudlay.

Kabagawan 13:22

Ti kayamanan mayad pag tawu manahun niya manga umput, dapat ti kayamanan makasalanan miatag sa manga matadlung.

Kabagawan 20:7

Ti matadlung pag tawu magpangabuhi unman may ikasabi. Mapalad kay manga anak magsunud sa kanya.

Libitiku 26:9

Ipakakit niku kang kaayadan sa kanyu bag-u payamuun niku kanyu manga lahi agud matupad niku kang kasunduan sa kanyu.

Diyuturunumiyu 28:11

Papaladan kamu Panginuun ati sa itinaratu niya pag daga sa kanyu manga ginurang kay iayaw sa kanyu. Payamuun niya kanyu manga anak, kanyu manga hayup hanggan kanyu manga patubas.

Diyuturunumiyu 28:18

Saadan niya kamu sa panab-anan pagpakaun sa kanyu pira-pira pag manga anak hanggan ani ag manga hayup.

Diyuturunumiyu 28:3

“Papaladan niya kanyu manga banwa hanggan manga tanman.

Diyuturunumiyu 28:5

Papaladan niya kamu abunda pag ani hanggan manga karan-unun.

Diyuturunumiyu 7:13

Mahalun ngani niya kamu, papaladan ag payamuun. Pakan-an niya kamu mayamu pag manga anak, paabundahun kanyu manga ani sa kanyu daga: kanyu manga tirigu, irinmun ubas hanggan lana ulibu. Payamuun niya kanyu manga hayup ati sa kay itinaratu pag daga iayaw sa kanyu manga ginurang hanggan diman sa kanyu.

1 Timutiyu 4:8

May pakinabang diman nu magpaantigu ti bilug. Dapat lalu waya may pakinabang nu mangungud kita kanta bilug hanggan tagipusuun sa kanta turunu marapasakup sa Diyus. Dahil nu katida kita pag mag-ugali, may patabgan di kita kaayadan balaw lang sa kainda pag buhi, lalu waya sa ikadwa pag buhi.