Diyuturunumiyu 28:25 - Hanunuu

²⁵ “Ipatalu kamu Panginuun sa kanyu manga kalaban. Magkarausa kamu man-gira sa kanda, dapat mamululagan kamu malagiw ginan sa kanda. Kadat-an kamu tanan kaharian sa kalibutan.

Diyuturunumiyu 28:25 Iomraidhean Croise

1 Hari 8:33

“Nu kanmu nasakupan manga Israilita matalu nida manga kalaban dahil nagkasala sida sa kanmu, ag nu manbalik sida sa kanmu ag mandayaw sa kanmu ag mandarangin sa inda pag Balay Diyus,

2 Krunika 28:8

Binihag manga taga Israil kanda manga kadugu taga Huda — 200,000 asawa ag manga anak. Pinanbuul diman nida ti manga kasiyunan manga taga Huda ag dinara sa pag-uli sa Samarya.

2 Krunika 29:8

Nakan nagalit ti Panginuun sa Huda ag Hirusalim. Ag dahil sa kay parusa sa kanta, pagkayagtingan, pagpuyaan, ag pagdiitun kita manga tawu parihu sa kanyu mag-akitan taynguna.

2 Krunika 6:24

“Nu kanmu manga nasakupan Israilita matalu nida manga kalaban dahil nagsalan sida sa kanmu, ag nu bumalik sida sa kanmu ag mandayaw sa kanmu bag-u mandarangin sa inda pag Balay Diyus,

Isayas 30:17

Ti usa lang sa kanda makapalayas sa 1,000 niyu manga sundalu. Ti lima sa kanda makapalayas sa kanyu tanan. Miparihu kamu sa tugnan bandira matindugan usa-usa sa katayungtungan bantud.”

Hirimyas 19:7

Dautun niku sa inda pag rugar ti gayak manga taga Huda hanggan taga Hirusalim. Ipamatay niku sida sa kanda manga kalaban sa panab-anan girahan, ag ipakaun niku kanda manga bangkay sa manga manuk hanggan sa manga hayup sa talun.

Hirimyas 24:9

Buwatun niku sida mayagting sa tanan nasyun sa buu kalibutan. Puyaan ag saadan sida sa tanan nasyun nu naan pag wayakun niku sida.

Hirimyas 29:18

Ungud, lagsun sida girahan, lun-us ag sakit, bag-u kayagtingan sida tanan kaharian. Tabugun niku sida una lang naan-naan pag nasyun, bag-u saadan, kayagtingan, sida manga tawu ati.

Hirimyas 34:17

“Nakan aku, ti Panginuun magsabi dahil balaw niyu aku sinunud ag balaw niyu pinalpasan kanyu manga panawuhun manga kasimanwa niyu, pasibut-an niku kamu — mamatay sa girahan, sa lun-us ag sa sakit. Kamu buwatun niku mayagting sa magbantay tanan kaharian sa kalibutan.

Isikil 23:46

“Aku, ti Panginuun Diyus, mansugu sa manga tawu man-gira sa kanda. Inda pag manga tawu manpadala sa kanda, man-agaw sa kanda manga kasiyunan,

Husyas 8:3

Dapat binugyahan nida ti mayad, nakan lagsun sida nida kalaban.

Libitiku 26:17

Pabay-anan niku kamu hampay matalu kamu niyu manga kalaban ag sida ti mandumara sa kanyu. Dahil sa dala mamalalagiwan kamu una ud may maglagas sa kanyu.

Lukas 21:24

Matyun sida manga sundalu may armas baladaw, kay iba bihagun darahun tag sa una naan pag nasyun. Tatatataan manga balaw Hudiyu ti Hirusalim hanggan sa udwaya lumawuy ti kaudasan kapangyarihan manga balaw Hudiyu.”

Diyuturunumiyu 28:7

Ipatalu Panginuun sa kanyu ti magsalakay sa kanyu pag manga kalaban. Karaibahanan sida mansalakay sa kanyu dapat mamululagan sida malagiw ginan sa kanyu.

Diyuturunumiyu 32:30

Kabitay lugud mabukad usa ka tawu ti 1,000 Israilita? Kabitay matalu duwa ka tawu ti 10,000 sa kanda? Purya lang nu ipinahintulut sida Panginuun kanda palalan-iban pag batu.

Huswi 7:4

Nakan manga 3,000 Israilita ti nan-gira sa Hay, dapat tinalu sida manga taga Hay.

Talaghusay 2:14

Dahil sa pangagalit Panginuun sa Israil, pinabay-anan niya sida girahun manga mananakaw hampay bul-un kanda manga kasiyunan. Pinabay-anan diman sida Panginuun matalu nida manga kalaban sa kanda sangput ag balaw yi nida kaya panindugan kanda sadili.

1 Samwil 4:10

Nakan nanlaban ti manga Pilistiyu ag natalu ti manga Israilita. Mayamu gid ti namatay; 30,000 manga Israilita. Nalagiw pauli tag sa kanda sadili ulian ti manga nasawad pag manga Israilita.