Diyuturunumiyu 28:15 - Hanunuu

¹⁵ “Dapat nu balaw kamu sumunud sa Panginuun niyu Diyus ag balaw sundun mayad ti tanan niya manga sugu hanggan surundanun kang pag-ipakaun sa kanyu taynguna, malakawan niyu inda tanan pag saad:

Diyuturunumiyu 28:15 Iomraidhean Croise

Gimpuunan 3:14

Magkun maan ti Panginuun Diyus atag sa ulay, “Dahil sa kanmu binwat, parusahan niku kawu. Sa tanan-tanan hayup, kawu lang ti makadanas inda pag saad: Kanmu tiyan kanmu iyapang, galbuk kanmu karan-unun habang buhi kawu.

Gimpuunan 4:11

Dahil sa kanmu binwat, saadan niku kawu. Inda ginan balaw yi kawu mahimu magtanman sa daga imaw ti natuyungan dugu nimu ari kanmu minatay.

Gimpuunan 4:12

Una kawu magtanman, ti daga balaw yi pumakaun uya sa kanmu. Ag udyi kawu may pirmaminti ulian, nakan palakaw-lakaw wadi kawu una naan tag.”

2 Krunika 12:5

Pagkatapus, nag-atag si Purupita Simaya sa kan Rihubuam ag sa manga takinan sa Huda nalagiw sa Hirusalim dahil sa dala sakan Sisak. Magkun si Simaya sa kanda, “Inda ti pagsabihun Panginuun: Dinayu niyu aku, nakan kainda pabay-anan niku kamu sa kan Sisak.”

2 Krunika 7:19

Dapat nu patlikud kamu ag balaw sumunud sa kang manga sugu hanggan manga surundanun ipinakaun niku sa kanyu, ag nu manirbi kamu ag mansamba sa tuhay pag manga diyus,

Isayas 3:11

Dapat kaawaawa ti manga daut dahil rumas-ug sa kanda ti kadamhakan. Balusan sida angay sa kanda binuwat.

Hirimyas 11:8

Dapat ay balaw sida namatingi ag balaw nida binati ti pagsabihun niku. Bagkus ngap, napaangay sida sa kanda kaganitan ag kadautan tagipusuun. Pagsabihun niku sa kanda sunda nida inda pag kasunduan, dapat unman nida sinunud. Nakan ipinadara niku sa kanda ti tanan saad pagsabihun sa kasunduan.’ ”

Hirimyas 26:4

Sabihun nimu sa kanda inda kang pagsabihun: Nu dayu kamu magpatingi sa kangku ag dayu magsunud sa kang ipinakaun pag sugu sa kanyu,

Hirimyas 32:23

Nagbaliw kanda inda dapat unman sida nagsunud sa kanmu ngatay sa kanmu manga kasuguan, bag-u balaw nida binuwat ti pag-ipabuwat nimu sa kanda. Nakan pinadaran-an nimu sida kadamhakan.

Hirimyas 36:31

Parusahan niku kawu hanggan kanmu manga anak, hanggan ti manga takinan nimu dahil sa kanyu kadautan. Ipalakaw niku sa kanyu sa manga taga Hirusalim hanggan taga Huda ti tanan kadamhakan pagsabihun niku laban sa kanyu dahil balaw kamu namatingi sa kangku.’ ”

Hirimyas 36:7

Barang abi sa panab-anan inda pumakarani sida sa Panginuun ag patlikudan nida ti daut nida pag-ugali. Dahil pinakan-an yi sida pasandam Panginuun kuntay sida parusahan niya dahil sa masyadu niya pag galit sa kanda.”

Hirimyas 40:2

Pagka nakitan ni Nibusaradan si Hirimyas, magkun siya sa kanya, “Ti Panginuun kanmu Diyus magsabi wayakun niya ti Hirusalim.

Karukuan 2:17

Binwat Panginuun kay ginayak buwatun. Tinupad gid niya kay pagsabihun kaybi. Ipinadamhak niya kamu unman may awa. Pinasulung niya kanyu kalaban sa kanyu kadamhakan ag pinahintulutan niya magpadayaw sida sa kanda kapangyarihan.

Husyas 7:12

Sa kanda mag-atag sa tunda pag manga rugar, amparahun niku sida parihu sa manuk lambatun ag butungun tag sirung. Parusahan niku sida angay sa kang sinabi sa kanda magtiripun.

Galasya 3:10

Ti tanan manga magsarig sa kanda magtupad sa Kasuguan, nasakup sa saad. Dahil isinurat sa Banal Kasuratan magkun, “Saadan ti unman mag-alaala magtupad sa tanan isinurat sa ribru Kasuguan.”

Diyuturunumiyu 11:28

Saadan kamu nu balaw niyu sundun inda pag manga sugu Panginuun niyu Diyus, ti pag-ipakaun niku sa kanyu kainda, hanggan nu mansamba sa iba pag manga diyus balaw niyu magkakilala.

Diyuturunumiyu 28:2

Nu sundun niyu ti Panginuun niyu Diyus, matanggap gid niyu inda tanan pag papalad:

Diyuturunumiyu 28:45

Mangyari inda tanan pag saad sa kanyu tugka sa magkaramatay kamu, nu balaw niyu sundun ti Panginuun niyu Diyus hanggan kay ipinakaun sa kanyu pag manga sugu hanggan surundanun.

Diyuturunumiyu 29:19

Una si unu ti nakadnug sa inda pag manga pasandam saad danga mag-isip kuntay balaw siya maunu nu pumarargu siya sa kay gustu. Ti tutuu, magdara inda kadamhakan sa kanyu tanan.

Diyuturunumiyu 29:20

Balaw gid siya patawadun Panginuun. Manlabdab ti pangagalit Panginuun sa kanya, ag mangyari gid sa kanya ti tanan nakasurat pag saad sa inda pag ribru, bag-u panasun Panginuun kay ngaran sa kalibutan.

Diyuturunumiyu 5:1

Tinipun ni Muysis ti tanan Israilita ag magkun siya sa kanda, “Manga Israilita, pakidnugi niyu ti ipakaun niku sa kanyu pag manga sugu hanggan surundanun kainda pag sirang. Adalan niyu inda kaayad ag sunda gid.

Huswi 23:15

Dapat kainda tinupad Panginuun niyu Diyus ti tanan niya itinaratu sa kanyu, tupadun diman niya sa kanyu ti ipinasandam niya pag parusa tugka sa maipadamhak niya kamu sa siyun pag marinu daga ipinakaun niya sa kanyu.

Huswi 23:16

Tutuu, mangyari inda sa kanyu nu lumabag kamu sa kasunduan Panginuun niyu Diyus isinugu niya tupadun niyu, ag nu mansamba kamu ag sumirbi sa iba pag manga diyus. Ipadara gid niya sa kanyu kay pangagalit ag rargu kamu midamhak sa siyun pag marinu daga ipinakaun niya sa kanyu.”

Talaghusay 2:15

Nu maglaban sida, pag-ipatalu sida Panginuun, angay sa kay sinabi. Nakan masyadu gid sida nakurian.

1 Samwil 4:10

Nakan nanlaban ti manga Pilistiyu ag natalu ti manga Israilita. Mayamu gid ti namatay; 30,000 manga Israilita. Nalagiw pauli tag sa kanda sadili ulian ti manga nasawad pag manga Israilita.