Diyuturunumiyu 28:12 - Hanunuu

¹² Padarahan kamu Panginuun uran sa tama pag udas ginan sa taraguan niya kayamanan sa langit, ag papaladan niya ti tanan niyu pagbuwatun. Mamaudam kamu sa mayamu pag nasyun, dapat kamu bay unman mangudam.

Diyuturunumiyu 28:12 Iomraidhean Croise

1 Hari 18:1

Tulu yi ka timpu unman may uran. Pagka sa usa ka sirang, magkun ti Panginuun sa kan Ilyas, “Paglakaw yi kawu ag pagpasampak sa kan Akab, dahil pauranun yi niku.”

Hub 38:22

“Nakaati yi aw lugud kawu sa ulian gininanan snow ngatay uran yilu?

Kanta 135:7

Pagdaran-un niya patungud ti manga rurum ginan sa pinakaarayu pag bahagi sa kalibutan, ag magpadara siya manga kilat kaibahan sa uran. Pag-ipalwas niya ti bagyu ginan sa kanda taraguan.

Kabagawan 22:7

Ti manga pugri sa sirung kapangyarihan manga mayaman, ag ti manga mag-utang panawuhun manga magpautang.

Isikil 34:26

Papaladan niku sida hanggan ti manga rugar sa palibut niku banal pag bantud. Padarahan niku sida uran sa kang-ud pag panahun bilang papalad sa kanda.

Libitiku 26:4

padaran-an niku kamu uran sa tama pag panahun hampay ti daga makapatubas bag-u ti manga kayu mamururak.

Diyuturunumiyu 11:14

padarahan niya kamu uran sa kang-ud pag udas hampay makaani kamu tirigu, irinmun ubas hanggan lana ulibu.

Diyuturunumiyu 14:29

Iayaw niyu inda sa manga Libita (unman may minana daga), sa manga balaw Israilita, sa manga ilu, hanggan sa manga buranday pag babayi mag-ulian sa kanyu manga banwa hampay makakaun waydi sida ag mabsug. Nu buwatun niyu inda, papaladan kamu Panginuun niyu Diyus sa tanan niyu pagbuwatun.

Diyuturunumiyu 15:10

Pag-ayaw kamu sa kanya sa buluntadan. Nu buwatun niyu inda papaladan kamu Panginuun niyu Diyus sa tanan niyu pagbuwatun.

Diyuturunumiyu 15:6

Papaladan kamu Panginuun niyu Diyus angay sa kay itinaratu sa kanyu. Mayamu pag manga nasyun ti mangudam sa kanyu dapat kamu bay balaw mangudam. Pamahalaan niyu ti mayamu pag manga nasyun dapat kamu bay balaw pamahalaan.

Diyuturunumiyu 23:20

Mahimu niyu paudaman patubuan ti manga balaw Israilita, dapat danga sa kanyu kaparihu manga Israilita. Tupadun niyu inda hampay papaladan kamu Panginuun niyu Diyus sa tanan niyu buruwatun ati sa apuun niyu pag daga.

Diyuturunumiyu 28:24

Bagkus mana danum ti iayaw Panginuun sa kanyu bilang uran, galbuk ngap kay iayaw. Pauranan niya galbuk tugka sa midamhak kamu.

Diyuturunumiyu 28:44

Sida ti mamautang sa kanyu ag balaw kamu ti mamautang sa kanda. Sida ti pumangulu sa kanyu ag kamu manga panawuhun lang.