Diyuturunumiyu 28:1 - Hanunuu

¹ “Nu sundun niyu ti Panginuun niyu Diyus ag tupadun ti tanan niya sugu kang pag-ipakaun sa kanyu taynguna, buwatun niya kamu higit man sa tanan pag nasyun sitay sa kalibutan.

Diyuturunumiyu 28:1 Iomraidhean Croise

1 Krunika 14:2

Ag naalaman ni Dabid kuntay ti Panginuun ti nagpauli sa kanya bilang hari sa Israil ag nagpaabunda sa kay kaharian para sa kay nasakupan manga Israilita.

Kanta 106:3

Mapalad ti tawu magbuwat tama ag matadlung sa tanan pag udas.

Kanta 111:10

Nu ti usa ka tawu magkaibug sa kadunungan, kailangan maggalang siya sa Panginuun. Ti tanan magsunud sa kay manga sugu may kang-ud pag pan-intindi. Pagdayawun siya sa unman may katapusan.

Kanta 119:128

ag dahil pagsundun niku ti tanan nimu surundanun, pagkadat-an niku ti tanan daut pag buwat.

Kanta 119:6

Nu tupadun niku ti tanan nimu manga sugu, balaw aku mangay-a.

Kanta 148:14

Pagpabisugun niya ag pagkilal-anun kay matinupadun pag nasakupan, ti Israil pagmahalun gid niya. Dayawun ti Panginuun!

Kanta 91:14

Magkun ti Diyus, “Iribri niku ag alagaan ti magmahal ag magkilala gid sa kangku.

Pag-ighit 15:26

“Nu buu tagipusuun kamu sumunud sa kangku, ti Panginuun niyu Diyus, ag bumuwat mayad sa kang magbantay, ag sundun kang manga kasuguan hanggan surundanun, unman kamu padaran-an niku manga panakitun parihu sa ipinadara niku sa Ihiptu. Aku ti Panginuun kanyu manugbulung.”

Pag-ighit 23:22

Nu mamatingi lang kamu kaayad sa pagsabihun niya ag buwatun ti tanan pagsabihun niku, girahun niku kanyu manga kalaban.

Pag-ighit 23:25

Sambaha niyu aku, ti Panginuun niyu Diyus, ag pakan-an niku kamu abunda pag karan-unun ag danum. Paayadun niku kanyu mag-asaydan,

Isayas 1:19

Nu sumunud lang kamu sa kangku, makakaun kamu pinakamarinu pag patubas daga.

Isayas 3:10

Sabihun niyu sa manga matadlung mapalad sida, dahil anihun nida ti burak manga mayad buwat nida.

Hirimyas 11:4

Isinugu niku inda sa kanyu manga ginurang pagka sa sirang ipinalwas niku sida sa Ihiptu, sa rugar ga maglabdaban pugun turunawan baul. Magkun aku sa kanda, ‘Nu sundun niyu aku hanggan ti tanan niku pag-isugu, kamu kang yi nasakupan ag aku yi kanyu Diyus.

Hirimyas 12:16

Basta nu tanggapun nida buu tagipusuun ti pagsarig niku manga nasakupan ag nu manumpa sida sa ngaran niku, parihu sa itinudlu nida sa manga nasakupan niku kuntay pagsumpa sa ngaran ni Baal, mahimu miminsan diman sida sa nasakupan niku.

Hirimyas 17:24

Dapat nu sumunud lang kamu sa kangku, balaw kamu manarabahu ngatay mandara manga paninda sa puwirtahan Hirusalim sa Sirang Pamahari, bagkus ngap kilalan-un niyu inda ipinablag pag sirang,

Lukas 1:6

Sida mag-asawa magkabuhi matadlung sa atubangan Diyus Panginuun. Pagsundun gid nida ti tanan niya manga sugu.

Lukas 11:28

Dapat sinabi ni Hisus, “Lalu waya papaladan Diyus ti manga tawu nu magpatingi sa kay bagaw bag-u kanda pagtupadun.”

Lukas 9:48

Sinabi niya sa kanda, “Una si unu pag tawu ti magsunud sa kangku ag pakan-an niya halaga inda pag diit anak, aku di ngap kay pinakan-an halaga. Una si unu pag tawu nu pakan-an halaga niya aku, napakan-an waydi niya halaga ti nagsugu sa kangku. Dahil ti pinakaababa sa kanyu tanan imaw yi ngap ti mataas.”

Huwan 15:14

Nu kanyu tupadun kang pag-ibilin sa kanyu, kamu kang yi pagmayadun pag manga tawu.

Ruma 2:7

Ti manga iba magparargu sa magbuwat mayad dahil sa kanda maghingbut kadayawan, karangalan, hanggan sa unman may kamatayan. Sida pakan-an Diyus buhi unman may katapusan.

Galasya 3:10

Ti tanan manga magsarig sa kanda magtupad sa Kasuguan, nasakup sa saad. Dahil isinurat sa Banal Kasuratan magkun, “Saadan ti unman mag-alaala magtupad sa tanan isinurat sa ribru Kasuguan.”

Diyuturunumiyu 11:13

“Nakan nu tupadun lang niyu pirmi ti pag-ipakaun niku pag manga sugu sa kanyu kainda kuntay mahalun niyu ti Panginuun niyu Diyus ag sirbihan niyu buu tagipusuun ag buu karadwa,

Diyuturunumiyu 11:27

Papaladan kamu nu tupadun niyu ti manga sugu Panginuun niyu Diyus, ti pag-ipakaun niku sa kanyu kainda.

Diyuturunumiyu 15:5

Tunda nu tupadun niyu ti Panginuun niyu Diyus ag sundun mayad ti tanan sugu pag-ipakaun niku sa kanyu kainda.

Diyuturunumiyu 26:18

Ipinasandam diman Panginuun kainda kamu kay ipinablag pag manga nasakupan angay sa kay itinaratu, kailangan sumunud kamu sa tanan niya manga sugu.

Diyuturunumiyu 26:19

Angay sa kay itinaratu, buwatun niya kamu higit man sa tanan pag nasyun, pagkilalan-un ag paggalangun kamu. Kamu ti manga pinili Panginuun niyu Diyus pag nasakupan, angay sa kay itinaratu.”

Diyuturunumiyu 28:13

Buwatun kamu Panginuun takinan manga nasyun, ag balaw tagasunud lang. Ungud, pirmi kamu sa tungud ag balaw sa sirung nu sundun niyu mayad ti manga sugu Panginuun niyu Diyus ti pag-ipakaun niku sa kanyu taynguna.