Diyuturunumiyu 27:24 - Hanunuu

²⁴ “Saadan ti magmatay sa kay kaparihu una sa lihim.” Bag-u sumagut ti tanan tawu, “Amin!”

Diyuturunumiyu 27:24 Iomraidhean Croise

2 Samwil 13:28

Magkun si Absalum sa kay manga tawuhan, “Alagda niyu malangu si Amnun, ag nu manpaaman aku, matya niyu siya. Danga kamu magkadala; aku ti magsugu sa kanyu. Danga kamu magkadala ag pagpakatatag kamu!”

2 Samwil 3:27

Pagka ati yi si Abnir sa Hibrun, tinaban siya ni Huab atag sa may puwirtahan banwa ag nagpabalhingu para hampangun niya sida-sida lang duwa. Bag-u siyun pag hinandus ni Huab si Abnir sa tiyan bilang balus sa pagmatay ni Abnir sa kay patar-ari sa kan Asahil, ag namatay si Abnir.

1 Hari 2:5

“Indaay waya kang bilin sa kanmu: Alam nimu nu hintay ti binwat ni Huab kay anak ni Siruya sa kay pagmatay sa duwa ka kumandir manga sundalu Israil sa kan Abnir kay anak ni Nir hanggan sa kan Amasa kay anak ni Hitir. Minatay niya sida ga manga kalaban, dapat binwat niya tunda sa udas unman may labanan. Siya ti may saragtun sa kanda kamatayan.

Pag-ighit 20:13

“Danga kamu magmatay.

Libitiku 24:17

“Una si unu ti makamatay tawu, kailangan matyun diman.

Bilang 35:30

“Una si unu ti makamatay sa kay kaparihu kailangan gid matyun, dapat ay kailangan pag may manga kastigus hampay pumatutuu kuntay nakamatay siya. Nu usa lang ka kastigus ti pumatutuu, balaw matyun tunda pag tawu.

Bilang 35:31

“Danga kamu magtanggap bayad para sa buhi nagkasala maratyun. Kailangan matyun gid siya.